#الضياع

الجزء السابع

#الضياع
بقلم فردوس عبد اللطيف
الجزء السابع. حقيقيه
من كعدت بالمشتمل بديت اشعر اني انسانه من صدك تقريبا خلصت من نسوانه وغيرتهن والشغل الي كانو يجبروني اشتغله ماكنت اكدر احجي لان يعتبرون نفسهم مشتريني بفلوسهم كلما اتذكر اهلي انقهر وابجي بس الحقيقه ابنه حمد انسان طيب وعائلته مابيهم اذيه وأي شي احتاجه مايقصرون ولو علاقتي بيهم مو قويه على كد الحاجه بس المهم مابيهم اذيه مثل ذيج الأشهر الي كظيتهن ويه نسوانه بديت مرحله جديده بحياتي حمل واتوحم الاكل مايبقى بمعدتي ولازم ابقى نايمه طول الوقت وما اتحرك حتى يثبت الطفل
سامي. اهلا ابو مصطفى اشلونك تفضل صديقي العزيز
ابو مصطفى رجل عمره بعمر سامي وصديقه من ايام العسكريه وعايش بغير محافظه ومن يجي لبغداد يمر على ابو حمد
ابو مصطفى. شخبارك ابو حمد اشو راجع شباب وصابغ شنو السالفه احجيلي
سامي انت موغريب اني تزوجت وبصراحة البنيه اخذتهه شلع دين اطلب جماعه فلوس وما عدهم يسددوني وأخذت أختهم بس يا اخي شالعه كلبي تعاند ويوميه ابسطهه
ابو مصطفى. ليش اخوي رفقا بالقوارير
سامي. عمي يا قوارير عمرهه 15 سنه
ابو مصطفى. شوف ابو حمد حسب ما افتهمت من كلامك البنيه غاصبيهه اهلهه انت شايفهه هسه زوجه مطيعه بس ماتحبك ولا تتجاوب وياك
سامي اي ما احسها تحبني بس تخاف مني
ابو مصطفى. سامي انت مو غشيم بالنسوان. المرأة دللهه بس مو دلال كلشي بكيفهه لا دللهه يعني غركهه هدايا حسسها انك تحبها من خلال مشترياتك الهه يعني بنيه عدهه احلام وطموح انت من اخذتهه كسرت كل احلامهه خليهه تشوفك زوج مثالي حتى افضل من اي شاب بهالحاله حاتشوفهه تحبك وتدللك وترجعلك شبابك
سامي اثاريك موهين خبير نسوان بقلم فردوس عبد اللطيف
وصال. دخل سامي وجايب فواكه ومسواك أشكال وألوان
سامي. وصال بدلي امشي نطلع
وصال. صدك تحجي وين توديني لاهلي زين شالبس ماعندي حتى ملابس اطلع بيهن
سامي لبسي اي شي وعبايه فوكهه وراح اخذج اشتريلج كولشي
وصال صدك سامي
مامصدكه راح اطلع من السجن حتى الشعور بالوحام اختفى من فرحتي نسيت الامي وخطوره الحمل المهم اطلع
اخذني للسوك اشترالي ملابس للطلعه وملابس للبيت واني مامصدكه نفسي فرحتي بهذا الشي كبيره هسه حسيت اني عروس بعدهه عبالي حانرجع
سامي محظرلج مفاجئة.
وصال اخذني لمحل موبايلات واشترالي موبايل معقوله سامي هذا الموبايل الي اشتريته انت احسن رجال بالدنيا
بعدهه اخذني للصايغ واشترالي حلقه وكلاده ذهب صحيح خفيفه بس كانت احلى هديه احصل عليهه
سامي. ها وصال شنو رايج بالمفاجأة بعد اليوم ماكو رجعه راح اخذج لمكان تريحين نفسيتج
وصال. معقوله سامي بعد عندك مفاجأة
سامي حا اوديج للكريعات نتعشى عالشط مو دكولين ما أشتهي والوحام
وصال. لا لا اكل وماتلعب نفسي فدوه اروحلك حجي
بس ممكن دكولي شنو هالتغيير بمعاملتك الي
سامي اندعي لابو مصطفى
يعني هسه إنتي تطيعيني وتحبيني وتصيرين مثل ما اريدج
وصال. اي حجي والله شريد بس بقت شغله وحده اريدهه منك
سامي. لاتصيرين طماعه اعرف شتردين اخوتج ما اروحلهم مستحيل لان من اشوفهم اتذكر فلوسي ودمي يغلي
عود بعدين افكر ادزج ويه حمد يالى امشي هسه لاتنغصين علينه
اخذني للكريعات وكعدنه عالشط وتعشينه مشاوي لان نفسيتي مرتاحه استقر الاكل بمعدتي وتقبلته صحيح نفسيه الانسان الهه تأثير رجعت فرحانه مثل الطفل من يشتروله لعابات ويرجع فرحان بيهن لكن المشكله ما اعرف استخدم التلفون من رجعنا للبيت توسلت بالحجي سجلي رقم اخوي صهيب وخلاني اتصل بي لان كنت مشتاقه لامي ولاختي حتى اخوتي الي باعوني بالرخيص اشتاقيتلهم اشتاقيت لبيتنا للبستان سجلت الرقم لكن ما اتصلت بصهيب لان ماردت سامي يتنرفز لان من اجيب سيرتهم يتعصب وردت أعدي الليله على خير اعرف بي يتخبل من يتذكر اخوتي
من ذيج الليله تغير سامي وياي نفسيتي ارتاحت حملي استقر
يوم الثاني اتصلت بصهيب. الووو
صهيب الو تفضلي
هلو صهيب اني وصال نزلت دمعتي صار كم شهر ماسامعه اخبارهم كوه كدرت احجي
صهيب هلو وصال اشلونج شخبارج بقلم فردوس عبد اللطيف
وصال اني زينه امي ووعد اشلونهن
صهيب زينين مابيهم شي هذا رقمج
وصال. اي هذا رقمي اريد احجي ويه امي ودموعي تنزل واشهك من البجي
صهيب. هسه اني بالشغل من ارجع للبيت ارن عليج واسده ترى ماعندي رصيد عود إنتي خابري
ميخالف بس ترجع فدوه اروحلك خويه موتنسى
المغرب اتصل صهيب وسده عاد اتصلت بي بس شنو احس كلبي يريد يطلع من ظلوعي ودموعي تنزل بدون ما اشعر بيهه
صهيب يوم وصال اتصلت بي اليوم وزينه خبصتيني كلشي مابيهه مدللهه الحجي ومخليلهه موبايل وهسه راح تتصل تحاجيج مو تبجين
ام صهيب صدك يمه وين بنيتي المسكينه ضيعتوهه وضيعتم مستقبلهه الوووو يمه وصوله وينج ظلت تبجي
هايمه فدوه اروحلج لاتبجين خليني اسمع صوتج يمه فدوه سمعيني
ام صهيب. يمه اشلونج عايشه ميته طمنيني عليج ولج راح اموت بس اريد اسمع اخبارج
وصال يمه زينه الحمد لله هسه احسن من قبل واعدني يجيبني ازوركم. فد يومين
ام صهيب. يايمه ميه هلا بيج حبيبه
يمه راح أقنعه ابات الخميس يمكم
ام صهيب. هلا بيج يمه يابعد كلبي
يمه هذا رقمي آخذي من صهيب تكدرين تتصلين بي اشترالي تلفون
ام صهيب صدك يمه بالعافيه خوش
وصال مع السلامه يوم
ام صهيب الله وياج يابعد كلبي
ام صهيب ولك يمه سجلي رقم اختك بورقه وخليهه يمج وعد
وصال صار الخميس وكنت انتظره بفارغ الصبر ابو حمد سلم علي وكال ما اوصيج اخوتج ما اريد اشوفهم لا يراوني وجهم افتهمتي
وصال. حاضر. عفيه ارجع الجمعه العصر
سامي ميخالف ادزلج السائق العصر ورجعي وياه لان حمد مشغول
طلعت واني بالطريق لبيت اهلي كنت مجمعه فلوس من ابو حمد ينطيني مرات اشتريت لاهلي دجاجتين وفواكه وتمن والطريق صار شطوله علي لحد ماوصلت نزلت ونزلت الاغراض واني بطني كبرانه وما اكدر اشيلهم خليتهم عالارض اجوي ولد اخوتي بوسوني وركضو لامي يبشروهه دخلت عليهه تلكتني وعد حظنتهه وبقينه نبجي والا شفت امي جتي تمشي على كيفها تعبانه ركضت عليهه حظنتهه وتبجي اثنينه كان ذاك اليوم يوم غريب صار كم شهر مفاركه اهلي التمو اخوتي ونسوانهم وجهالهم والكل يسألوني على حالي ويه ابو حمد حجيتلهم الي صار بي امي بقت تلطم وتبجي ولج يايمه اخوتج ضيعوج
بعدهه رجعت لبيتي وابو حمد كانت معاملته زينه فد يوم حسيت طلوك الولاده رحت على بيت حمد طالعين ابو حمد كان غالق تلفونه واني وحدي عاد جيرانه بنتهم كانت راجعه من شغلهه شافتني هاي اشبيج
وصال خيه لحكيني عندي طلوك وزوجي مجاي احصله
تغريد. تعالي ناخذ تكسي اوديج للمشفى
اخذنه تكسي لمستشفى العلويه للولاده واني بالطريق اتصل سامي جاوبته جيرانه
الو اني تغريد وصال عدهه طلوك ورايحين لمستشفى العلويه للولاده حجي تعال ورانه
دخلوني المشفى واني ابجي من الالم تذكرت امي وينج يايمه واصيح واشوف البنات امهاتهن وياهن بس اني وحدي انقهرت على حالي جتي الدكتوره
ماما انت شكد عمرج
وصال 16سنه
الدكتوره ياربي طفله بعدهه اشبيهم اهلج انطوج وهذا الى بره ابوج لعد زوجج وين
وصال استحيت اكولهه هذا زوجي بلعتهه وسكتت
بقيت اطلك الليل كوله تغريد وجعت لبيتهم بقيت وحدي وسامي بره ينتظر لحد ما ولدت بس شنو حيل تاذيت اوجاع والآلام جبت بنيه سميتهه رقيه حبيبتي تخبل من شفتهه راح كل تعبي بقلم فردوس عبد اللطيف
للحكايه بقيه. F
I ًًً ه9خ28
O
سامي حنين
ًًعلي بدت مشاعري تتحول من الخوف والكره الى الشعور بان لازم اداري واهتم بيغً