#الضياع
بقلم فردوس عبد اللطيف
الجزء الخامس
وصال. انت اخوي وبمقام ابوي صهيب الله يخليك ليش تريد تنطيني لرجل متزوج وعنده ولد وبنات كبار ومتزوجين يعني اني بعمر بناته الصغار اريد ابقى اداري امي ما اريد اتزوج بقيت ابجي واشهك
صهيب عاط بي كتلج انطيت كلمه وخلاص لا تراديديني ولاتساليني شنو السبب انت حضري نفسج وانتهى الموضوع
وصال رحت لغرفتي ابجي وين انطي وجهي المن اروح منويلفيني يردون يبيعوني لشايب وليث احبه وتعودت عليه اشلون افاركه بقيت الليل كوله ابجي لحد ما إذن الفجر يالى نمت وغفيت ...يوم الثاني كعدت عظامي مكسره ما عندي حل خلي اروح الى ليث بلكي يساعدني. رحت لبيتهم
هلو ليث تعال للبستان رايدتك
ليث جاي روحي واني وراج
وصال. ولك اخوتي جايبيلي رجال شايب يردون يزوجوني اله واعترضت. مايفيد غصبا علي
ليث ....انت تعرفين وظعي اني بعدني طالب وما اكدر اتزوجج وحتى اذا اخطبج اخوتج باعوج بسعر مئه مليون اني منين انطيهم هالمبلغ نصيحتي الج تقبلين بي وما تعترضين
وصال ...تذل حقير هاي تاليتهه بعد ما سلمتك نفسي وتاليتهه تتخلى عني روح ما أسامحك
ليث. يابه دروحي ما جبرتج انت سلمتي نفسج بارادتج
وصال. ضربته لزم ايدي وضربني راشدي وراح شلت حجاره من الارض اضربه بيهه ما لاحته بقيت الطم وابجي كعدت عالارض لحد ماشبعت بجي وتراب جتي اختي وعد كعدت كبالي تبجي وياي وكالتلي اليوم باعوج الشايب واني اكيد حا يبيعوني لواحد الله يعلم بيش انباع ذولي مو اخوان ذولي أعداء الله ينتقم منهم .....
رجعنا للبيت لكيت امي تعبانه وكاعده تبجي باوعت علي شافتني متربه ومكفشه والدمعه بعيني حتى اختي مبين عليهه باجيه
ام صهيب. ولج وصال اشبيج منو مرغلج بالتراب يابعد كلبي لاتحركين كلبي عليج ياريتني متت ولا شفت هذا اليوم اليي بي بنتي تنباع ومابيدي شي يايمه شحجي شكول
وصال. اني بوقتها كنت مقرره أحرك نفسي واخلص من العذاب المنتظرني لكن حاينطو اختي وعد وامي حاتموت من قهرها دخلت سبحت ومشطت شعري ورحت للمطبخ طبخت لامي اكل واني ووعد كعدنه نسولف بالغرفه
وصال. وعد شدكولين أحرك نفسي واخلص منهم هالمجرمين اخوتنه احس مثل جاي انتظر الإعدام يوم الخميس اعتقد يوم اعدامي
وعد. فدوه اروحلج اذا حركتي نفسج اني هم وراج اسويهه واحرك روحي لاتسويهه وترحين لجهنم يمكن بالدنيا تكدرين تغيرين مصيرج لكن الموت مابي رجعه وتعوفيني وحدي
وصال حظنتني وعد وبقينا نبجي صاحت علينا امي وينكم بنات
غسلنا وجهنا بقلم فردوس عبد اللطيف ورحنا يمهه بقت امي تنصحني وتسولف ويانا وتحاول تهدي علينا لكن دمعتهه بعينهه بس تحاول تخفيهه
اجه اخوي احمد فدوه احمد خلصني من هالمصيبه هزمني وديني لأي مكان خلصني من هالمصير الأسود
احمد. وصال اني اشتغل عماله ومعيش عائلتي باجرتي اليوميه اشلون انهزم بيج وين اخذج يوم الي ما اطلع للشغل جهالي يبقون بدون اكل بعدين تعرفين أخونه صهيب شراني ومنكدر نوكف بوجهه ارضي بقسمتج وبلكي يعاملج معامله زينه
وصال. اشلون زينه واني مثل الفصليه حايطلع حق فلوسه مني باذيتي اني متاكده شكد ما تأذى من صهيب حا يطلعها بي واعرف يا احمد انت متكدر توكف بوجه صهيب
وصال. اجه يوم الخميس الناس تتفائل من يصبحون بيوم جديد الا اني كنت متشائمة وتمنيت الموت قبل مايجي ذاك اليوم لكن حظي وقسمتي مكتوب علي
صار بالعشره الصبح اجه سامي واني كنت بالمطبخ اطبخ الغده واجاني صهيب يالى طفي الطباخ ولبسي عبايتج وامشي
وصال وين
صهيب. اجه سامي ياخذج
وصال. وين يأخذني هيجي بدشداشتي
صهيب. لعد شتردين اوديج صالون والبسج فستان ابيض
وصال. يعني مو من حقي كل بنيه تحلم تلبس الفستان الأبيض وتروح للصالون اشمعنه اني شنو ماخذني فصليه
صهيب. ولج شهالغوه انت انطيناج تسديد دين وهو دافع مهرج من زمان بعد اذا يريد يؤديج صالون بكيفه
وصال لبست عبايتي وبنفس دشداشتي بقيت رحت اسلم على امي لكيتهه تبجي وعيونهه حمر من البجي
بوستهه ودمعتي بعيني اختي وعد انهزمت لغرفتهه رحت وراها حظنتهه وبقيت ابجي وهي تشهك ....
طلعت من البيت لكيت سياره بالباب بيهه رجال جبير اول مره اشوفه صعدت وره وصهيب صعد بالصدر خليت ايدي على وجهي واني ابجي اخذه للسيد كطعو مهر وراها سامي كل لصهيب انت ارجع بعد احنه نروح
صهيب. وصال ما اوصيج ديري بالج على ابو حمد اشرتله براسي يعني اي بس بكلبي كنت اتمنى اقتل ابو حمد واموت نفسي ولا اروح ويه هالشايب بغرفه وحده انطيكم أوصافه سامي ضخم طويل وشواربه صابغهن وشكله يخوف واني ناعمه قصيره ورشيقه شراح يسوي بي هذا الوحش. رحت اصعد بالسياره وره كالي تعالى بالصدر شنو سايق عندج خاتون يالى صعدي كدام
خفت منه بقيت ارجف صعدت بالصدر بدون ما انطق اي كلمه ...وصلنه لبيت كبير كلي نزلي
نزلت وبقيت واكفه انتظره ينزل نزل وفتح الباب بقلم فردوس عبد اللطيف ودخلنه تلكونه جهال وكل الإعمار بنات وولد ها بابا الله يساعدك منو هاي مجاوبهم
طلعن نسوان اثنين زوجته الكبيره ها حجي اليوم سحائب وياك عروسه جديده
هاي زوجتي وديهه لغرفتي
تعالي عيني وصال خاتون
زوجته الثانيه عاطت بوجهه ها ابو حمد اخذت السادسة مدري يارقم مو هاي بعمر أحفادك
كفخهه راشدي وظل يغلط عليهه اني متت خوف
رحت للغرفه الخاصة لابو حمد دخلت اني خايفه وارجف كعدت على قنفه بالغرفه يمهه ميز زغير الظاهر هنا يشرب ويخلي المزه والشرب عالميز بعد ربع ساعه دخل دفع الباب قوي
يمه اني ارجف مرعوبه.
سامي. اشو بعدج لابسه العبايه كومي نزعيهه وراويني طولج
باوعتله يعني ما اريد بقيت كاعده
سامي عاط كتلج كومي نزعي العبايه
اني هم كمت نزعت العبايه بقيت واكفه
سامي حايجيبون المزه وذاك البطل جيبي لهنا
ركضت جبتله بطل ويسكي وخليته عالميز دكت الباب زوجته وجابت مقبلات وخلتهم عالميز وطلعت سدت الباب واني كلبي فز ويه الصوت لان سدته قوي
فتح تلفزيون مخليهه عالاغاني ويباوع عالراقصات
سامي لج يولي ماتركصين مثل ذني يالى ركصيلي
اني كعدت على صفحه انتظر يكمل
سامي لج اني مشتريج بفلوسي يعني اليوم إنتي ملكي وشاسوي بيج من حقي افتهمتي
اني ساكته بعدهه اجه هجم علي مثل الوحش الي يفترس
فريسته شكد حاولت أقاوم ماكدرت لان ظل يضربني بقساوه كلما امتنع عنه يقسو عليه موتني كتل لحد ما استسلمت وسلمته نفسي لكن كنت اتمنى الموت ولا اعيش مع هذا الوحش
للحكايه بقيه. بقلم فردوس عبد اللطيف f
