#الضياع
بقلم فردوس عبد اللطيف
الجزء السادس. حقيقيه
ذيج الليله كانت اصعب ليله بعمري حسيت نفسي أرنب والاسد ينهش بلحمي موتني كتل كمل شغلته ونام مثل الغوريلا عالسرير اني كمت باوعت على شكلي بالمرايه اخترعت شعري مكفش هدومي مشككه رحت للحمام طلعت من الغرفه البيت هدوء الكل نايمين كلمن بغرفته رحت سبحت وغسلت وجهي واني ابجي تمنيت الموت ولا هالعيشه
رجعت للغرفه فكرت اهرب بس وين اروح شمدريني شكو بالشوارع وين أندل بيتنا خارج بغداد فرشتلي جودليه بالأرض ونمت من التعب غفيت رأسا ماحسيت الا دفره برجل سامي كومي ولج
وصال. ها شتريد عمو
سامي. ولج ياعمواني رجلج كومي سوي ريوك ماعدنه نوم الصبح
طلع من الغرفه وصاح لزوجته الكبيره لج فريال تعالي
فريال نعم ابو حمد اامر
سامي هاي اخذيهه علميهه تسويلي ريوك وشوفيلهه دشداشه تستر نفسهه ملابسهه ملخه
فريال. ها حجي بعد اامرني
سامي. سلامتج
فريال. تعالي عيني شسمج
اسمي وصال
فريال. تعالي انطيج دشداشه
وصال رحت وياها لغرفتهه
فريال. شوفي لج خاف عبالج انت هنا صدك زوجته وحالج حالنه ترى انت هنا خدامه جابج حتى تخدمينه افتهمتي واذا فكرتي تخلين راسج براسي ماتلومين الانفسج
وصال. حاضر خاله
فريال. وخلاله بعينج روحي بدلي عالسريع ولحكيني للمطبخ وهاي ليش وجهج مزورك كتلج حيل بيج
وصال رحت بدلت عالسريع ولحكتهه للمطبخ وسامي بالحمام متعود يسبح كل يوم الصبح قبل الريوك
فريال. تعالي وصال هاي الطاوه تسويله بيضتين عيون وتخلين عليهم فلفل اسود بهالطريقه وتنصين الناروتغطينهه
يوميه هذا ريوكه اليوم اني سويتهه من باجر إنتي تسويله
حضري الشاي يحبه بالقوري الفرفوري وحمي الخبز
والجبن والزيتون بالثلاجه طلعيهم هاي يوميه هيج تسوين الا اذا هو يعجبه تغيير حا يكلج افتهمتي ترى ننكتل اني وياج
وصال حفظت كلشي
حضرنا الريوك عالميز اجه سامي كاشخ ومبدل تريك صبيتله شاي وكال اني طالع قفلي الباب وراي
من طلع. كلت بكلبي روحه بلا رده وقفلت الباب من رجعت اشو اجن النسوان وجهالهم وصارت هوسه واستلمني ها شسويتو البارحه وليش يضربج سمعنه الظرب الظاهر متسنطين علينه ومتشمتات بي زين اني شنو ذنبي هو اخذني غصب وذني حاقدات علي
فريال تعالي وصال اليوم تستلمين البيت من فوك لجوه تنظيف وتشطفين الطرامي وتنظفين الحمامات لحد ما اروح للسوك وارجع
صعدت وياي بنتها بس تتفرج وتصدرلي اوامر غسلي منا ونظفي منا استلمت الطابق الفوك عبالك منتظريني اجي انظف زوجته الثانيه اسمهه سكينه استلمت المطبخ وغسل الملابس بس هذه ما تظهر حقدهه بس نظراتهه خبيثه وتخزرني حسيت الخباثه بوجهه وناويتلي نيه
كملت الطابق الفوك حتى البلكونات غسلتهم نزلت عالارضي
وهم لازم ابدي من غرفه الخطار من كملنا ونزلنه جتي فريال وصاحت علي تعالي آخذي المسواك ورتبي بالثلاجه
وهم هن كاعدات يتفرجن علي ويضحكن بينهن واني مثل الخدامه وما اكدر انطق كلمه
وصال. خاله اريد انظف غرفه الحجي
فريال. وخلاله بعينج لادكولين خاله كولي ام حمد افتهمتي
وصال اي
فريال. كملي تنظيف البيت يالى ترحين لغرفه الحجي
وصال. استلموني مخلى شي يعتب بحيث ما اكدر امشي
صار العصر واني حتى ريوكي مو مثل العالم اجه سامي
والبيت صار هدوء صاح علي وصال
ركضت نعم عمو
لج ياعمو كوليلي سامي
وصال إي اي
سامي لج هاي شنو الوساخه اشو لا سابحه لا مرتبه نفسج كفشتج مشطيهه اوكفي آخذي ذني الأغراض
وديت بطاله الويسكي للغرفه وجايب كرزات
اجيت حتى نصب الغده الا اني نفسي انسدت هم حا ادخل مع الوحش بالغرفه ياربي كون يموت واخلص منه
اكلتلي لكمتين ونسوانه سون نفسهن يشتغلن وميخلوني كدامه اشتغل شكد حقيرات
كمل الغده وراح للغرفه وهم استلمني
سامي. لج تعالي انت زوجتي
اني واكفه يم الباب ارجف وخايفه
سامي ميفيد وياج الزينيه الا اموتج كتل اليوم
اني منا تعبانه من شغل البيت ومنا هذا استلمني كتل ومقهور على فلوسه اخوتج نصبو علي واخذو فلوسي الا اطلع فلوسي من جلدج يضرب بي لحد ما استسلم وياخذ حاجته مني واني كارهته مرت الايام علي عذاب بالليل وقهر بالنهار بالليل سامي يضربني وبالنهار نسوانه وخباثتهن واني عايشه يم أعداء ولازم اسكت وأتحمل كلما اتذكر امي ابقى ابجي لاتلفون لا احد يرحم بحالي حتى اللكمه الي اكلهه يباوعون علي ومستكثريهه
مر تقريبا شهر كل يوم بالليل سامي يضربني لحد ما بعد ما اكدر أقاوم استسلمت للامر الواقع وبديت أتعود على هالحياة
بعد شهرين حبلت واني عمري 15 سنه زوجه سامي الثانيه تحوك وتسوي مؤمرات تحاول بكل الطرق تاذيني عبالهه يطلكني كل يوم تتهمني بشغله
فد يوم عاطت بي وينج وصال
نعم. سكينه ولج طلعي محبسي الذهب كان عالتلفزيون
اني بصراحه انقهرت كتلهه ليش تتهميني اني شعلي قابل بس اني بالبيت
سكينه ومنو غيرج يسويهه يالى طلعي
وصال بقيت ابجي لزمتني من شعري وضرب حيل طلعت حركه كلبهه اخر شي كالتهه انت نمونه الحجي عايفنه هالفتره ومكابلج
وصال واني شعلي كوليله
سكينه اي الا يجي واكوله انت سرقتي محبسي الذهب واخلي يجويج بالسجاره
وصال شجاوبهه الله لا يوفقكم اخوتي شسويتو بي
رحت لغرفتي ابجي اجه الحجي واستلمته بلسانهه واتهمتني بسرقه المحبس ودكوله لاتخلي فلوسك تشوفهم
هو اصلا محد يعرف شي عن فلوسه لانسوانه ولا ولده محتفظ بالسر لوحده
طبعا سامي من سمع كلام سكينه شبعني كتل عباله صدك
اني صرت اخاف اتحرك بالبيت بعد فتره هم استلمته ضاعت فلوسي ومحد غير وصال بايكتهن عاد هنا ماصدكهه
سامي. لج سكينه ترى سوالفج مبينه وواضحه راح أتصرف
طلع الصبح للشغل شافوني اتقئ افتهمن ظلو يسألوني
ها وصال انت حامل
اي حامل
ولزمتني سكينه وضرب الا اوكع الطفل لحد ما اغمى علي عاد خابرو على حمد اجه وداني للمشفى
دخلوني للفحص كالت الدكتوره إسقاط مهدد لازم ترتاح وما تتحرك
اجه سامي وسمع بحالتي كال بعد حا اعزلج عنهن
طلعني من المشفى لبيت ثاني ابنه حمد ساكن بالطابق الأرضي واني مسويلي درج وباب لوحدي بالطابق الفوك البيت بي غرفتين وهول ومطبخ
سامي. وصال هنا راح ترتاحين وأي شي تحتاجين ابني حمد يجيبلج اياه افتهمتي
حاضر حجي
للحكايه بقيه. بقلم فردوس عبدًاللطيف. F
