لامار:و بعدين ؟
إلهام:عدا يوم و التاني و احمد و چوليت ما رجعوش .. في اليوم التالت اتصلت مرفانا علينا و علي محمود و بدأنا كلنا ندور عليهم لحد ما وصلنا خبر انهم ماتوا في حادثه ، و وصلنالهم و عدا شهور و مرفانا لوحدها و رافضه حتي ترجع تعيش ف بيت اهلها
لامار بإستغراب:عشان كده عايزين يخطفوني !! عشان عمي احمد موت حفيدتهم يعني ؟!
إلهام:لا طبعا
لامار:اومال ايه ؟؟
إلهام:لسه هكمل اهو
لامار:اوك
( روايات بسوم )
..........................................................
فاقت لامار من احلامها الماضيه ، بعد ما خلصت كل اللي طلبته منها اسمهان ، و وصلت لباب القصر و بتنضف قدامه و هي بتمسح الارض ، لقيت الباب اتفتح و هي علي الارض .. و داخل شاب بدأ يمد رجليه و هو مش واخد باله ان في حد علي الارض ، و غصب عنه داس علي شعر لامار .. صرخت لامار صرخه بسيطه فيها الم ، انتفض الشاب بسرعه و رجع خطوه لورا و بص تحت و بدأت لامار تبص فوق و حصل للامار زهول من المنظر .. شاب طويل و عريض عنده عضلات متناسقه ، شعرة ناعم جدا و انيق اووى ، و لابس بدله غايه في الشياكه و هو قمه في الجمال .. فضلت لامار متنحه و بتتأمل في شكله و هو مستغرب مين دي و جت هنا ازاى ، و ازاى دي شغاله و هي في الجمال ده ، و باين اوى عليها انها بنت ناس ، فاق من تفكيره و اتكلم ....
( روايات بسوم )
قاسم:انتي مين .. هااا ميين انتي ؟؟
فاقت لامار من سرحانها ، و اتكلمت بخوف ....
لامار:ها ، انا ، انا اصل
قاسم وطالها و مسكها من دراعها و قومها من الارض ، و اتكلم ....
( روايات بسوم )
قاسم:اصل ايه ، و انتي ايه ؟ مالك في اييه !!
لامار:انا ما عملتش حاجه
بص قاسم في عينيها و سكت كتير ، و لامار فضلت متسمرة و مش بتنطق و مستغربه نظراته ليها ، و فجاه قاسم اتكلم ....
قاسم:ماعملتيش حاجه ازاى مش فاهم .. هو انا اتهمتك انك عملتي حاجه !!
لامار:لا بس انا تعبت اوي و خايفه
بدأ يتكلم بطيبه و يهدي نبره صوته ....
قاسم:مالك ، خايفه من ايه ؟ و تعبتي ليه !!
بدأت لامار تدمع ، و هي بتتكلم ....
لامار:هو حضرتك مين ؟! عايز اسمهان هانم ؟؟
قاسم:انا قاسم حفيد اسمهان هانم ، و لسه راجع من السفر
لامار بخضه:انت قاسم !? .. انا اسفه
قاسم:مالك مالك ؟ في ايه !! انتي تعرفيني ؟
لامار:لا لا ، بس اصل يعني اسمهان هانم الصبح قالتلي ان في حد اسمه قاسم جاى انهارده
قاسم:طيب يا ستي انا قاسم
لامار:ها ماشي
قاسم:انتي غريبه اوي
لامار:ليه ؟
قاسم:اصلك انتي جميله يعني و شكلك بنت ناس و كمان رقيقه اوي و حاسس فيكي بطريقه كلام مميزه ، ازاى بقي بعد كل ده انتي بتشتغلي هنا !!
لامار بخوف:عادي عادي
قاسم:عادي ازاى !
لامار:مش عارفه بقي اسال اسمهان هانم
قاسم:و انا بسالك انتي
لامار:انا هنا بنفذ و بس ، بعد اذنك
لفت لامار و لسه هتمشي لقت شعرها مشدود .. بصت وراها و اتكلمت بوجع ....
( روايات بسوم )
لامار:اااه شعرررري
قاسم:هههههه ايه كل ده
لامار:علي ايه ؟!
قاسم:كل ده شعر !! شعرك طويل اوى
لامار:ايوة عارفه ، انا بحب الشعر الطويل
قاسم:طيب ابقي خدي بالك انه ملموم علي طول ، لانك شكلك مش بتاخدي بالك
سكت و بدأ يلملها شعرها .. بصتله لامار اوي و اتكلمت بعصبيه ....
لامار:متشكرة لحضرتك ، هبقي اخد بالي بعد كده
قاسم:اما نشوف
لامار:باذن الله
قاسم:بس ابقي سيبيه مفرود و انا هنا
لامار بتعجب:و ده ليه بقي !!
قاسم:اصله جميل اوي
لامار:اوك شكرا
قاسم:دي الحقيقه
لامار:..
و هما بيتكلموا نزلت اسمهان ، و قاطعه كلامهم ....
( روايات بسوم )
اسمهان بعصبيه:ايييه ده اييه ده !! انتي بتستغلي عدم وجودي قدامك بقي و تقعدي تتكلمي و ما تشوفيش شغلك
لامار بخضه: ها .. انا انا و الله خلصت كل حاجه ، و الاستاذ قاسم لسه واصل و كان بيقولي بس علي اسمه
اسمهان:و ما ندتنيش ليه
لامار:و الله كنت طالعه اندهك لسه اهو
اسمهان:لا مهو واضح .. حسابك معايا بيتقل
لامار:ليه كل ده بس
اسمهان:انتي هتنطحيني كمان
لامار:اسفه ، بعد اذنكم
حطت لامار و شها في الارض و مشيت ، و اسمهان باصه عليها و بتتكلم ....
( روايات بسوم )
اسمهان:صحيح بنت قليله الادب ما اتربتش
سكتت اسمهان ثواني ، و بصت لقاسم و اتكلمت ....
اسمهان:وحشتني يا قاسم ، عامل ايه يا حبيبي ؟
قاسم بعصبيه:كويس يا تيتا
اسمهان:تيتا !! من امتى ؟ و بعدين انت بتتكلم معايا كده ليه ؟
قاسم:اصلي و الله انا واخد لما اقول نانا تكون نانا الطيبه اللي بتحب الناس و بتعامل الشغالين عندها كويس ، نانا اللي المفروض تكون بتحافظ علي مشاعر اي حد ، و ماتجرحش بنت شغاله عندها
اتكلمت اسمهان و هي بتحاول تخبي عنه .. عشان تحافظ علي صورتها قدامه ....
( روايات بسوم )
اسمهان:يا حبيبي يا قاسم ماتزعلش .. بس انا كبرت و اعصابي تعبت ، و كمان هي مش بتسمع الكلام و بتضايقني و كل ما اقولها علي حاجه ما بتعملهاش ، و انا ست كبيره و المفروض ماتتعبنيش
قاسم بخبث:ممممم حقك عليا يا نانا ، بس معلش عمليها كويس و انا هعرف اخليها تسمع كلامك ازاى ، بس بلاش المعامله دي مع الشاغلات عشان مايكونش في حزازيه
اسمهان:حاضر يا حبيبي اللي تشوفه
قاسم:اوك يا نانا .. انا طالع اوضتي ارتاح شويه
اسمهان:ماشي يا حبيبي
قاسم:مش زي ما هي بردو ؟
اسمهان:زى ما سبتها من 3 سنين ، مابتتفتحش خالص ، غير بس عشان تتنضف كل اسبوع
قاسم:اوك يا نانا ، بعد اذنك
اسمهان:اتفضل يا حبيبي
ساب قاسم اسمهان و طلع علي اوضته ، نور النور و دخل الشنط الاوضه ، و قفل الباب و قعد ع سريره يفكر ، و بيتكلم مع نفسه ....
( روايات بسوم )
قاسم:الموضوع مش موضوع شغاله ، الموضوع اكبر من كده بكتير و لازم اعرفه .. مممم وراكي يا اسمهان لحد ما اعرف اخرك و اخرت شرك ايه .....
.........................
#بسمه_ممدوح
أنت تقرأ
الأمير وذات الشعر الطويل
Contoالقصه بقلمي ، تابعه لصفحه " روايات بسوم " عبر الفيس بوك ... القصه مبالغه في الرومانسيه ، و سريعه الأحداث .. و لكن توضح ان لكل ظلم نهايه ، و تبين تأثير الحب من أول نظره .. فهي قصه قصيره لا تستحق توضيح اكثر من ذلك و لكنها معبره .... القصه غامضه ، رو...
