نام قاسم .. و تاني يوم الصبح صحي من النوم ، و قبل ما يفتح الباب و يخرج من الاوضه ، سمع حوار بين لامار و أسمهان ....
( روايات بسوم )
لامار:طب انتي ليه يا اسمهان هانم ماقولتليش الكلام ده امبارح
اسمهان:اها طبعاااا ، عايزاني اقولك الكلام ده امبارح و قاسم صاحي عشان يسمع و يجي يدافع عنك ، مش كده ؟
لامار:و الله ما قصدي ، بس انا قصدي انك اما شوفتيني واقفه معاه ماقولتيش الكلام ده على طول و لسه فكراه لحد دلوقتي
اسمهان:انا قلبي اسووود يا قليله الادب .. عايزة كمان تقوووى قاسم عليا ، ده بعدددك و اوعي تفكرى تاني تقفي تكلميه ، و حسك عينك يعرف اي حاجه
لامار:و انا هتكلم معاه ليه ولا ازاى !
اسمهان:قولتلك قبل كده ما تناطحينيش ولا تردي عليا .. كلامي تنفذيه و بس
لامار:حاضر
اسمهان:يالا امشي من وشي
نزلت لامار جري علي تحت ، و فضلت واقفه اسمهان شويه مش بتتكلم ، و فجأه اتكلمت ....
اسمهان:مع انك كنتى عاصيه يا مرفانا بس بردو هنردلك حقك يا حبيبتي
قالت الجمله دي ، و مشيت و دخلت اوضتها ....
( روايات بسوم )
في اوضه قاسم ....
قاسم واقف جنب الباب و ساكت خالص و بيفكر ، و بيتكلم في نفسه ....
قاسم:بقت هي الحكايه كده .. انا قولت بردو الموضوع مش عادي .. انا هعرف ازاى اوصل للحقيقه ، و ساعتها اخرتك هتبقي على اديا يا اسمهان
عقله:يا مجنون هتقتلها !!
قاسم:ممممم مش عارف .. لالالا اكيد لا ، بس هعرف اخلص عليها و اخلص من شرها من غير ما اجي جنبها ، هموتها بقهره
عقله:حكم عقلك شويه و ما تتسرعش ، عشان دي مفتريه و ممكن تمشيك من البيت خالص كمان
قاسم:و ايه يعني ، المهم اجيب حق ابويا و حق عمتي و حق البنت اللي برا دي كمان .. ماااشي يا .. ههه نانا
فاق قاسم من الحوار اللي بيدور جواه ، و فتح الباب و طلع دخل الحمام و خلص ، و هو طالع شاف اسمهان قدامه ....
( روايات بسوم )
اسمهان:صحيت امتي يا حبيبي
قاسم:لسه صاحي
اسمهان:صباح الخير يا قسومه
قاسم:صباح الفل يا نانا
اسمهان:يالا عشان نفطر
قاسم:هتحضريلي الفطار باديكي زي زمان ، ولا خلاص نسيتي عادتي و هتخلي الشغاله هي اللي تحضرلى الاكل
اسمهان:ها ، و فيها ايه يا حبيبي ، دى حتي لامار نضيفه اوى
قاسم بسرحان:لامار
اسمهان:مالك !
قاسم:لامار مين ؟
اسمهان:الشغاله
قاسم:دى اللى شوفتها امبارح .. اسمها لامار ؟
اسمهان بغيظ:اها ، في حاجه ولا ايه !
فاق قاسم من سرحانه ، و اتكلم بوعي ....
( روايات بسوم )
قاسم:ها ، لا مافيش ، بسال عادى
اسمهان:ماشي
قاسم بخُبث:بس يا نانا انتي اللي هتحضريلي الفطار بايدك ،و خلى بالك انا عارف ريحتك اما بتحضري الاكل ، و لو حسيت انها متغيره مش هاكل
اسمهان بغيظ:حاضر يا حبيبي هروح احضرهولك باديا
قاسم:ميرسي يا نانا ، ربنا يخليكي ليا
اسمهان بنرفزه:و يخليك ليا
مشيت بسرعه اسمهان من قدامه ، و راحت المطبخ ....
قاسم بفرحه انتصار:ههههههههههه وقفتك في المطبخ يا اسمهان هانم ههههههه
و هو بيضحك شاف حد قدامه على السلم ، سكت فجأه و سرح ....
( روايات بسوم )
لامار:حضرتك بتبصلي كده ليه !
قاسم:ها .. لا عادى في حاجه ؟
لامار:لا بس انا كنت جايه و طالعه فوق لقيتك بتضحك ، فاستغربت عادي
قاسم:هههههه اها اصلي افتكرت حاجه
لامار:اوك .. ممكن اطلع
قاسم:اتفضلي
لامار:ميرسي
( روايات بسوم )
بصت لامار في الارض ، و طلعت خطوتين .. و فجأه وقفها حد مسك اديها جامد ، وقفت و بصت وراها لقيته قاسم ، بصلته و اتكلمت ....
لامار:تؤمرني بحاجه حضرتك ؟
طلع قاسم خطوتين و وقف جنبها و اتكلم بحنيه ....
قاسم:ما تقوليش حضرتك دى تاني ، و ما تقوليش تؤمرني ، و ما تتكلفيش في الكلام .. ممكن ؟
اتكسفت لامار جداً من بصته ليها و من كلامه ، و بصت في الارض .. بصلها قاسم بحنيه و رفع وشها باديه و اتكلم ....
قاسم:و كمان ما تتكسفيش .. سيبك من كل اللي بتعمله معاكي اسمهان .. انا غيرها
لامار بإستغراب:ازاى يعني !
قاسم:زي ما قولتلك .. انا اسمي قاسم ، تقوليلي يا قاسم و بس
لامار:ما اقدرش
قاسم:لا هتقدرى ، و هتقوليها دلوقتي كمان
لامار:ليه !?
قاسم:كده ، نفسي اسمعها .. قولي بقي انا اسمي ايه ؟
لامار: ....
قاسم:يالا قولي .. علشان خاطرى
لامار:اقول اسمك ليه ؟
قاسم:كده يالا بقي
لامار:ممممم
قاسم:هااا ، انا اسمي ايه ؟
لامار بكسوف:قاسم
قالت اسمه ، و دورت وشها بسرعه بكسوف ، و قاسم اتكلم بفرحه ....
قاسم:جميله اووى
لامار:ممكن اطلع
قاسم:مش عايزك تطلعى ، بس خلاص اطلعي
لامار:لو عايزني اعمل لحضرتك حاجه ، يبقي خلاص مش هطلع
قاسم:قولتلك بلاش حضرتك .. و بعدين انا اللي مش عايز حضرتك تتعبي ولا تعمليلي اى حاجه
سكت ثواني و مسك اديها التانيه و كمل كلامه ....
( روايات بسوم )
قاسم:الادين دي ماتستحقش تتعب ولا ينفع تعمل اى حاجه
بصلها بحب و سكت ثواني و باس اديها .. اتسكفت لامار اوي ، و اتكلمت بإرتباك ....
لامار:بعد اذنك
قاسم:رايحه فين ؟!
لامار:طالعه .. في حجات لازم اعملها
قاسم:لا ما تطلعيش خليكي هنا معايا
لامار:احم .. معلش لازم اطلع
قاسم: قولتلك ....
فجأه سمعوا صوت رجل اسمهان ....
لامار:يا لهووووى
قاسم:اطلعي اطلعي
ساب قاسم ايد لامار ، و طلعت لامار جرى علي فوق .. و جت اسمهان ....
( روايات بسوم )
اسمهان:ايه اللي موقفك كده ؟
قاسم:لسه نازل من فوق
اسمهان بخبث:ممممم كنت رايح فين ؟
قاسم بارتباك:فكرتك خلصتي الفطار ، بس شكلك نستيني
اسمهان:لا يا حبيبي ما نسيتكش .. انا خلصت ، بس قولت اجي اناديك و ابعت الزفته تحطه علي السفره
قاسم:زفته .. مين الزفته !
اسمهان:لامار .. هو في غيرها
قاسم:عيب يا تيتا ما تتكلميش كده على غائب
اسمهان بغيظ:ماشي يا قاسم
قاسم و بينرفزها:بس يا نانا انا قولتلك هقرف اكل لو حد غيرك حضر الاكل
اسمهان:ما انا حضرته هي بس هتحطه علي السفره
قاسم:لا معلش ، بليز يا نانا حطيه انتي
اسمهان بعصبيه:ماشي ، هروح احطه
مشيت بسرعه .. و قاسم واقف مكامخ ، بصلها بانتقام و طلع علي اوضته .. و بعد عشر دقايق ، كانت خلصت اسمهان تحضير الاكل ....
اسمهان:يااازفته .. انتى يا بنى ادمه ياللى اسمك لامار
نازله لامار من فوق بتجرى ، و بتتكلم ....
( روايات بسوم )
لامار:نعم ، نعم يا اسمهان هانم
اسمهان:اييييييه ، ساعه بنده عليكى عشان تردى ، انتى ماينفعش تردى بسرعه ابدااااا
لامار:انا اسفه .. تؤمرينى بحاجه ؟
اسمهان:ايووة .. اطلعى نادى قاسم عشان يفطر
لامار:ممم متاسفه مش هقدر
اسمهان:انتى متخلففففه !! .. بقووولك اطلعي ، ازاى تقوليلي مش هقدر .. انتى اتجننتى رسمى شكلك
لامار:لا ما اتجننتش .. بس انا هتكسف ، مش هقدر اكلمه و اقوله ينزل
زقتها اسمهان جامد ، و مشيت و هي بتتكلم ....
اسمهان:غووورى من وشي
طلعت اسمهان تنادي قاسم ، وقفت تخبط علي باب اوضته ، و هي بتتكلم ....
( روايات بسوم )
اسمهان:يا قااسم
قاسم: ....
اسمهان:انا حضرتلك الفطار من بدرى يا حبيبي ، يالا تعالي
قاسم: ....
اسمهان:مش بترد ليه يا سمسم ؟
قاسم: ...
اسمهان بقلق:لا في ايه بقى !
فتحت اسمهان الباب بسرعه ، و اول ما دخلت الاوضه ، وقفت مكانها و بصت علي قاسم بعصبيه ، و ...
........................
#بسمه_ممدوح
أنت تقرأ
الأمير وذات الشعر الطويل
Kısa Hikayeالقصه بقلمي ، تابعه لصفحه " روايات بسوم " عبر الفيس بوك ... القصه مبالغه في الرومانسيه ، و سريعه الأحداث .. و لكن توضح ان لكل ظلم نهايه ، و تبين تأثير الحب من أول نظره .. فهي قصه قصيره لا تستحق توضيح اكثر من ذلك و لكنها معبره .... القصه غامضه ، رو...
