الأمير وذات الشعر الطويل

* الفصل الثامن ،، الأخير *

دقت الساعه 8 الصبح ، صحي قاسم و اول حاجه عملها مسك موبايله و اتصل ب ناس و اتفق معاهم يجوا البيت الساعه 12 عشان يعملوا فيه حاجات و اتفق معاهم علي كل حاجه هيعملوها و خلص مكالمته و خرج من اوضته و راح جرى علي اوضه اسمهان و فضل يخبط و هو بينهج بنفس عالى مُصطنع .....
( روايات بسوم )
قاسم:نانا يا نانا .. افتحي عايزك بسرعه
قامت اسمهان من النوم مفزوعه و جريت على الباب و فتحت لقاسم ، و بتتكلم بخضه .....
اسمهان:في ايه يا قاااسم ؟ ماالك يا حبيبي !
قاسم:انا ف مصيبه يا نانا و ماحدش هيحلهالى غيرك .. انا مش عارف اعمل ايه
اسمهان:بعد الشر عنك من المصايب يا ابني .. تعالى اقعد و افهمني في ايه !!
قاسم:حاضر يا نانا
دخل قاسم قعد و اسمهان اتكلمت ....
اسمهان:ها حصل ايه ؟
قاسم:انا ماكنتش عايز اقولك يا نانا بس مضطر ، لازم اتكلم
اسمهان:في ايه يا ابنى قلقتنى .. اتكلم بسرعه مخبي ايه ؟
قاسم:انا كان عليا قضيه قبل ما انزل مصر و انا جيت هربان و وصل المطار اني عليه قضيه بعد ما وصلت و دلوقتى في تهديد اما ينزل خبر في الجرايد عني لحد ما يجبوني يا اما يحجزوا علي البيسبور عشان ما اعرفش اسافر تاني لحد ما يجيبونى و ينفزوا عليا الحكم
اسمهان:يا حبيبي يا ابنى .. قضيه ايه دى يا قاسم هيجرالك ايه يا حبيبي
قاسم:ماتقلقيش عليا يا نانا محلوله بس الموضوع عايز وقت و المحامى هيتصرف
اسمهان:طب و بعدين انت كنت عايزنى اعمل ايه ؟
قاسم:هو لازم حد من اهلى يروح يسلم البيسبور عشان يعرفوا انى مش موجود و عشان كمان مايحصلش شوشره
اسمهان:تمام هعملك اللى انت عايزة .. بس عرفنى كده اعمل ايه بالظبط
قاسم:هتروحى من هنا علي المطار و تتصرفي و تجيبي منهم اسماء الناس اللى جت علي طياره اول الاسبوع و هتخدي السجل ده و هتطلعي بيه علي المحامي و هو هيتصرف و يشوف شغله و يديكى ورق يثبت انى لسه جاي امبارح و مالحقتش اوصلك و بعد كده هتخدي الورق و البيسبور طبعا معاكى و هتطلعى علي مستشفي كذا ...... و هتروحي لدكتور كذا ...... و تقوليله انك جدتى و هتديله الفلوس اللي هقولك عليها و تاخدى منه تقرير انى عندي مرض خطير مُعدي و ماينفعش اختلط باى حد لمده شهر علي الاقل ، و بعد كده هتطلعى علي القسم تسالى علي ظابط اسمه كذا ..... ده بس ماحدش تانى ، و اما توصليله هتسلميله البيسبور بالاوراق اللي ادهالك المحامى بالتقرير الطبي و هياخد منك اقوال اى حاجه تردى بيها تكون في صفي خلى بالك و قولى انى بعتلك البيسبور و الاوراق تسلميها و ماردتش اقولك مكانى لحد ما اخف ، و بعد ما تخلصي تطلعى علي البنك بالفيزا دي تسحبي 2000 جنيه و تجبيهوملى ضرورى و بعد ما تيجي اى فلوس دفعتيها هحاسبك عليها انا .. تمام
اسمهان:تمام .. بس كل ده يا قاسم ؟!
قاسم:معلش يا نانا ما قداميش غيرك .. ولا انتي مش ناويه تساعديني بقي ؟
اسمهان:لا طبعا لو ماكنتش انا اقف جنبك مين هيقف جنبك .. حاضر يا حبيبي ربع ساعه و هكون جاهزة
قاسم:ميرسي يا نانا اوى
اسمهان:ولا يهمك يا حبيبي
قاسم:هروح اوضتى بقي و اسيبك تجهزى نفسك
اسمهان:ماشي
مشي قاسم و راح علي اوضته و دخل و قفل الباب و مسك موبايله و اتصل بالمحامى و الدكتور و استقبال المطار و الظابط و اتفق معاهم علي كل حاجه ( الناس دول علاقتهم كويسه جدا بقاسم و اصحابه كمان .. قاسم معليهوش قضيه ولا حاجه و بيكلم الناس دول يظبط معاهم الخطه اللي معموله علي اسمهان ) .. بعد ربع ساعه اسمهان خلصت و ندهت عليه و عرفته انها نازله و مشيت و وقف قاسم في البلكونه يراقبها لحد ما اتاكد انها مشيت دخل جرى علي جوا لبس و نزل خلص مشاويره و الساعه 2 بالظبط كان وصل البيت و اول ما دخل البيت طلع بسرعه ع اوضه لامار .....
قاسم و هو بيخبط:لامار انا قاسم .. ممكن ادخل ؟
لامار:اوك اتفضل
( روايات بسوم )
فتح قاسم الباب و دخل .....
قاسم:وحشتيني
لامار:انت فين من بدرى و اسمهان كمان مش هنا و في ناس كتير جم و انتشروا في البيت و الحرس سمحولهم بالدخول ، و انا خايفه اوى و محبوسه فى الاوضه من الصبح
قاسم:مش قولتلك ماتخافيش ابدا طول ما انا معاكى
لامار:معايا فين هو انت كنت هنا ؟
قاسم:معلش سامحينى .. اخر مرة ابعد عنك تانى
لامار بدلع:ماشي يا سيدى
قاسم:بعشقك
اتكسفت لامار و بصت في الارض ، و قاسم اتكلم .....
قاسم:يالا مافيش وقت .. روحى خدي شاور عشان الكوافير مستني
لامار:مش فاهمه حاجه
قاسم:خلصي بس ..و قوليلى رايك في الفستان ده
لامار:فستان ايه ؟
قاسم:ده
و طلع الفستان من الكافر بتاعه عشان يفرجهولها .....
( روايات بسوم )
وقفت لامار مصدومه و بتبص علي الفستان باعجاب و فرحه .....
قاسم:مالك ؟
لامار:الفستان شيك اوى .. بس انت جايبه ليه ؟
قاسم: لا و الله ؟ امشي يا بت .. روحى ياله خلصي الشاور عشان مافيش وقت
لامار:ههههه حاضر
طلعت لامار جرى ، و راحت اخدت شاور و راح قاسم هو كمان اخد شاور و خلص .. و جاله الحلاق بتاعه و ظبتله كل حاجه و لبس قاسم و بدلته كانت شيك جدا .....
( روايات بسوم )
.
و في نفس الوقت كان الكوافير عند لامار و لبست و خلصت ، و جت الساعه 7 و كان مراد و سهام و نادين و شادى و إلهام وصلوا و رضوى كمان ام قاسم جت و رودينا بنتها كانت معاها و بدأوا المعازيم يجوا و طبعا المكان كله كان اكتر من رائع و الجنينه كانت تحفه بعد ما الناس اللى جابهم قاسم عاملوا شغل ع اعلى مستوى  ......
( روايات بسوم )
.
بعد نص ساعه وصل المأذون ، و طلع قاسم اخد عروسته و انجچها و نزل بيها من فوق و كان في تحت زفه جميله اوى باغنيه حلمت بيكى ريمكس .....
و خلصت الزفه وقعدوا كتبوا الكتاب ، و بدأوا كل المعازيم يخرجوا للجنينه ، و اشتغلت اغنيه حلمت بيكى عادى و بدأوا يرقصوا قاسم و لامار عليها سلو ......
( روايات بسوم )
حلمت بيكى قبل اما اشوفك ..
كنتى فى حضنى بتضحكيلى و حاسه بيا
من يوم و ليله جيتى ولقيتك ..
زى الى ياما حلمت بيها و اكتر شوية
هسميها صدفه او حتى فرصه ، هسمياها قصة انا ببتيدها الليلة ديا
مش هنسي نفسى انا عمرى لسه ده انا كل حاجة بروح عليها بتبقى فيها
حبيبى حلمت بيكى فى ليالى كتيره ..
كانت بجد اجمل ليالى عدت عليا
لا و النهاردة بتكلمها .. و تملى عينى بضحكة منك مش عادية
بعرف ايه فيكى بحاجات كتيرة ..
ما الحلم كان فى كل حاجة بتعمليها
و الحلم يخلص و ارجع و اناااام ..
و افتح عنيا فى الحلم و انتى سارحه فيها
غرام ده بقا ولا اسمه ايه ..
ما انا اللي جيت ورحت عليه
ماخوفتش منه ما انا شايفه جنبى بقالى زمان ..
الدنيا جنبك مابسبهاش
قالولى هتنسى و مبنساش ..
طب انسى ازاى
و معاكى فى لسه كلام
غرام ده بقا ولا اسمه ايه ..
ما انا اللى جيت ورحت عليه
ماخوفتش منه ما انا شايفه جنبي بقاله زماااااااااااااااااااان
( روايات بسوم )
.
اول ما خلصت الاغنيه حضن قاسم لامار جامد و شالها و لف بيها و نزلها ، و لاول مرة يبوسها و هو مش خايف من حد ابدا ... خلاص حبيبته و حلمه الوحيد بقيت مراته ..... 
( روايات بسوم )
و مسك المايك و بدأ يغنلها ....
قاسم:ده وعد مني ودين عليا
تفضل حبيبي ونور عنيا
يا منورلي حياتي بهواك
حبك ده حاجه مكتوبه ليا
حبي ليك لو هوصفه مش بس بكلمتين
خطفت قلبي وعنيا ازاي بنظره عين
حسيت بقلبك جوه قلبي و لقيت فيك الحنين
و عرفت معاك شكل ايامي الجايه والسنين
وانا جنبك مش قادر اقولك برتاح قد ايه
وفي حضنك مش هقدر اوصف احساسي الي انا فيه
( طول ما هو بيغني حاضن لامار ) ....
( روايات بسوم )
خلص و الناس كلها فضلت تسقف جامد ....
و قعدوا في الكوشه و لبسها الشبكه ، و كانت اغلى و احسن شبكه جت لعروسه و الناس كلها فرحانه بيهم و بيسقفوا اكتر و اكتر .. و من بين التسقيف دخل واحد من الحرس اللي متنبه عليهم مايدخلوش اسمهان البيت و همس لقاسم ....
الحرص:اسمهان هانم برا و بتزعق و هتعمل شوشرة يا قاسم بيه
قاسم:روح و انا جاي وراك
الحرص:اوامرك يا قاسم بيه
قال جملته و مشي ....
( روايات بسوم )
شاور قاسم لالهام و لما جت قالها ....
الهام:تمام
مشيت الهام و راحت لمراد و سهام و رضوى و قالت لهم كلهم ان سهام برا و شاورت لقاسم .....
مسك قاسم عروسته و طلعوا و وراهم مراد و سهام و رضوى و الهام ....
اول ما خرجوا فتحوا الحرس باب القصر من برا و وقف قاسم و مانجچ لامار قدام اسمهان ...... 
( روايات بسوم )
اسمهان بهستريا:ايييه ده ايييييييييييييييه ده .. بييييحصل اييييييه في بييييييييتي ؟؟؟؟
قاسم:اتجوزت لامار يا تيتا مش هتبركيلي ؟
اسمهان:انت اتجننت يا حيووووان
في الوقت ده رفعت لامار ايديها و صفعت اسهان قلم هز كيانها ، و اتكلمت بقوه ....
( روايات بسوم )
لامار:جوزى مش حيوان يا قذره
لسه هترد اسمهان ، هجموا عليها الهام و رضوى و سهام .. و دخل مراد و وراه قاسم و لامار و مشيوا ناحيه الكوشه و اتقفل باب القصر .. و مكتوب عليه بخط عريض من فوق .....
( زفاف قاسم الامير & لامار الملكه ذات الشعر الطويل )

تمت..................
#بسمه_ممدوح