فضلت اسمهان ترن علي قاسم و هو مش بيرد عليها ....
اسمهان لنفسها:بقي كده يا قاسم .. ماشي
( روايات بسوم )
*******************
عند إلهام ......
قاسم:فهمت
إلهام:اها ، انت بقي شوفتني عندهم
قاسم:ايوة اخر مرة قبل ما اسافر كنت عند بابا ، دة اليوم اللي كنتي فيه هناك .. بس اخر حاجه كُنت اتوقعها ان حضرتك تكوني اخت طنط سهام ( مرات مراد ابو قاسم )
( روايات بسوم )
إلهام:فعلا صدفه غريبه .. بس كويسه اووى ، ده غير انها هتقربنا من بعض اكتر
قاسم:بالظبط كده .. الشغل كده هيبقي تقيل اووى
إلهام:طبعا ، دة خصوصاً ان اسمهان ماظلمتنيش انا بس ولا ظلمت بنتى و ظلمتك بس ، لا دى كمان ظلمت اختى كتير و عذبتها يامه .. دي ايه ده الظلم عندها طبببع !!
قاسم:فعلا ده ياريته طبع .. دة دااااء و مالهوش علاج
إلهام بحزن:حسبي الله و نعم الوكيل
قاسم:حضرتك ما حاولتيش تدوري علي بنتك ليه او تبلغي البوليس مثلا او تعملي اي حاجه ?
إلهام:دورت كتير يا ابني بس ما باليد حيله .. انا ست مكسوره و وحيده ، ده غير اللي جرالي بعد الضرب اللي اتضربته منهم ، مابقتش بقدر اتحرك اوي .. و خوفت ابلغ البوليس ليأذوها يا قاسم .. خوفت عليها
قاسم:ممممم طب ينفع نعمل حاجه دلوقتي يا طنط ، ولا حضرتك تعبانه ؟
إلهام:لا طبعا يا ابنى اللى انت عايزه هعمله ، انا معاك في اي حاجه
قاسم:طب يالا البسي و تعالى معايا عند بابا و طنط سهام عشان نفهمهم علي اللى اتفقنا عليه
إلهام:من عنيا .. خمس دقايق و اكون جاهزة
قاسم:اوك
قامت إلهام لبست و خلصت و راحت هي و قاسم عند سهام و مراد .. قعدوا و حكولهم علي كل حاجه و ازاى اتقابلوا و فهموهم كل حاجه هتحصل و مراد في الاول اعترض علي اتفاقهم بس مع كلام قاسم و إلهام و سهام و بعد ما افتكر عذابهم وافق ، و اتفقوا علي كل حاجه هيعملوها و بعدها قام قاسم روح إلهام و رجع علي البيت .. روح و البيت كله نايم ، دخل اوضته و غير و قعد شويه بعدين قام راح علي اوضه لامار و خبط و هو بيخبط بيتكلم بصوت هادي جداً .....
قاسم:لامار .. عايزك في موضوع افتحى
لامار:حاضر ثوانى
قامت لامار و عدلت نفسها و فتحت الباب لقاسم ، و اتكلمت بهمس .....
( روايات بسوم )
لامار:ايه يا قاسم في ايه ؟
قاسم:عايزك في موضوع
لامار:موضوع ايه .. خليها الصبح مش هينفع كده
قاسم:ماتقلقيش اسمهان دلوقتي نايمه ، لكن الصبح مش هينفع ، و بعدين الصبح قدامنا حاجات كتير هتتعمل
لامار:طب ادخل ادخل
دخلت لامار قاسم بسرعه و قفلت الباب و قعدت ، و اتكلمت بخوف ....
لامار:ها يا قاسم اتكلم بسرعه عشان انا خايفه
قرب قاسم منها و هو بيتكلم .....
قاسم:قولتلك ماتخافيش ابداً طول ما انا معاكى
لامار بكسوف:حاضر .. ممكن بقي تقول في ايه ؟
قاسم:طب ممكن اقعد
لامار:ايوة طبعا اتفضل
قعد قاسم و بدأ يتكلم .....
( روايات بسوم )
قاسم:في مفاجاه هتغير حاجات كتير في حياتنا بس للاحسن ، و خصوصا ان عدد المساعدين لينا زاد
لامار:ازاى مش فاهمه !?
قاسم:هقولك .. تعرفي طنط إلهام تقربلي ايه
لامار:إلهام مين ؟ .. ماما ! تقربلك ازاى ؟!
قاسم:ايوة ماما .. اكتشفت انها تبقي اخت طنط سهام
لامار:هههههههههه طب ما انا عارفه ان ماما اخت طنط سهام انت هتعرفني علي خالتى
قاسم:لا مش كده ، صله القرابه دي بنا احنا
لامار:مش فاهمه .. صله قرابه ازاى !
قاسم:هفهمك .. طنط إلهام مامتك تبقي اخت طنك سهام مرات بابا
لامار بصدمه:ايه ! طنط سهام ؟
قاسم:ايوة طنط سهام ، حبيبت بابا الاولى اللى بسبب اسمهان اتعذبت هي و بابا كتير
لامار:انا مش مصدقه ، ازاااااى ؟ .. انا عمرى ما اخدت باللى من النقطه دى مع انى عارفه ان خالتى اتجوزت و اتطلقت و رجعت اتجوزت حبيبها الاول و مع ذلك ما اخدتش بالى اما كنت بتحكيلي علي حكايه باباك و حبيبته و اللي عملته اسمهان فيهم
قاسم:انا بردو ماكنتش مصدق في الاول ، بس الصدفه دى هتقرب مننا حاجات كتير
لامار:انا مصدوومه .. بس انت عرفت ازاى ؟
قاسم:هقولك .. و حكالها كل حاجه حصلت من اول ما راح لإلهام لحد ما رجع
لامار:طب و بعدين ؟
قاسم:ولا قبلين .. هتجوزك و هما بقي هينتقموا من اسمهان
لامار بفرحه:هنتجوز !
قاسم قرب منها اوى و مسك اديها ، و اتكلم .....
قاسم:ايوة .. ايه الغريب في كده .. هتجوزك و هنعيش مع بعض علي طول يا احلى و اجمل و اغلى حاجه في حياتي
اتكسفت لامار جداً ، و قالت اللي في قلبها لاول مره .....
( روايات بسوم )
لامار:بحبك
اتصدم قاسم و حضنها جامد لدرجه ان لامار حست انها بنته و عيطت من الفرحه .. بصلها اوى و مسح لها دموعها و اتكلم بصوت واطى جدا .....
قاسم:بعشقك يا اول و اخر حب في حياتي ، يا معنى الحنان و نبع الاحساس ، يا اول فرحه دقت قلبي يا كل حاجه بتسعدني ، يا نور عنيا يا نور الشمس اللي بينورلى دنيتي .. انا مش لاقي كلام اقوله بس اللى انا عارفه و متأكد منه انى بحبك
حضنته لامار جامد و ما اتكلمتش و فضلت جنبه حضناه لحد ما نامت .. بصلها قاسم اول ما حس انها نامت و باس راسها ، و قام شالها و نيمها و غطاها و مسك ايديها و باسها و وقف يبصلها شويه و بيتكلم .....
قاسم:شقلبتي حالى .. حبيتك ما اعرفش ازاى ، انا هموت لو بعدت عنك .. لا انا عمرى ما هبعد عنك استحاله اسيبك .. بحبك اوووى انا يا ارق ملاك عايش علي الارض .. ربنا مايحرمنيش منك
( روايات بسوم )
دمعت عينيه و هو بيتكلم ، مسح دمعته و طفي النور و قفل باب اوضتها و خرج ، راح علي اوضته و نام علي طول ....
و دقت الساعه 8 الصبح و .......
..........................
#بسمه_ممدوح
أنت تقرأ
الأمير وذات الشعر الطويل
Short Storyالقصه بقلمي ، تابعه لصفحه " روايات بسوم " عبر الفيس بوك ... القصه مبالغه في الرومانسيه ، و سريعه الأحداث .. و لكن توضح ان لكل ظلم نهايه ، و تبين تأثير الحب من أول نظره .. فهي قصه قصيره لا تستحق توضيح اكثر من ذلك و لكنها معبره .... القصه غامضه ، رو...
