اول ما وصل قاسم لبيت إلهام و خبط ، الباب اتفتح .....
بص قاسم مالقاش حد ، وقف شويه و دخل خطوة جوة الباب ، و اتكلم ....
( روايات بسوم )
قاسم:احم احم .. في حد هنا ؟
سمع صوت ست بتكلمه من جوا .... الست:ايوة انا هنا
دخل قاسم شويه و هو بيتكلم ....
قاسم:مدام إلهام هنا ؟
إلهام:انا إلهام مين بيتكلم ؟ .. تعالى
دخل قاسم الاوضه اللى جنب الباب .. و اول ما دخل و بص لقي ست جميله اوى ، بس باين عليها التعب و شكلها في حال ست عجوزة مع انها مش كبيره ....
قاسم:السلام عليكم
إلهام:و عليكم السلام .. مين ؟
قاسم:مش حضرتك ام لامار ؟
اول ما سمعت إلهام اسم لامار اتنفضت ، و اتكلمت بلهفه .....
إلهام:ايوة لامار بنتى انا امها
قاسم:طيب الحمدلله .. انا عايز حضرتك في كلمتين
إلهام:اتفضل يا ابنى سمعاك .. اقعد
قاسم:شكرا يا طنط
قعد قاسم ، و اتكلمت إلهام بقلق ....
( روايات بسوم )
إلهام:خير يا ابنى
قاسم:خير إن شاء الله .. ازى حضرتك الاول
إلهام:بخير ، نحمد ربنا
قاسم:يارب دايما يا طنط
إلهام: شكرا يا ابنى
قاسم:معلش في السؤال .. بس اللي اعرفه ان ام لامار صغيره مش كبيرة و حضرتك جميله جدا .. ايه اللي عامل في حضرتك كده بس
إلهام بحزن:اهي الدنيا يا ابنى ، من يوم فراق بنتى و الضرب اللي اخدته يومها و انا ع الحال ده
قاسم:مممممم
إلهام:يالا الحمدلله .. كنت عايزني في حاجه مهمه ولا ايه يا ابنى
قاسم:اها هقولك ، بس اولا اعرفك بنفسي .. انا قاسم 26 سنه يا طنط
إلهام:اهلا بيك يا حبيبي .. اتكلم انا سمعاك
قاسم:تمام
وبدأ يتكلم معاها و يحكلها .. و حكلها انه قابل لامار عند جدته و انه بيحبها و انه عايز يتجوزها و انه فهم منها كل حاجه و خلاص قرر يرحمها من العذاب .. إلهام في الاول كانت مصدومه و ماكنتش موافقه تربط نفسها بالناس دول تانى و خايفه ، بس مع الحاح قاسم عليها و انه مش هيعرف يحميها غير كده و حمايتها الوحيده انها تكون علي زمته ، دة غير كمان انه بيحبها و هيحافظ عليها .. بعد كل الكلام ده مع اقناع من قاسم لإلهام وافقت إلهام و اتفقوا ع كل حاجه هيعملوها وبعد ما خلصوا كلام ....
قاسم:انا محتار في حاجه و مستغرب
إلهام:ايه اللي محيرك يا ابنى مالك ؟
قاسم:حاسس انى شوفت حضرتك قبل كده ، و مش مُجرد إحساس و بس ، لا انا متاكد
إلهام:غريبه .. انا كمان حاسه بكده
قاسم:طب ياترى شوفنا بعض فين !
إلهام:مش عارفه .. بس لازم افتكر
قاسم:ممكن نكون اتقابلنا صدفه
و هما بيتكلموا موبايل إلهام رن ....
( روايات بسوم )
إلهام:بعد اذنك يا قاسم ارد علي التيلفون
قاسم:اتفضلى
ردت إلهام و اتكلمت ....
إلهام:الو .. ايه يا سهام عامله ايه .. الحمدلله يا حبيبتي وحشتيني .. ربنا يخليكي .. مراد عامل ايه .. طيب الحمدلله .. اها .. نادين و شادي اخبارهم ايه .. الحمدلله يا حبيبتي .. ماشي هكلمك تاني .. سلام
خلصت إلهام المكالمه و قاعد قدامها قاسم في حاله زهول ....
( روايات بسوم )
إلهام:معلش يا ابنى اتاخرت عليك
قاسم: ....
إلهام:يا قاسم
قاسم: ها .. نعم ؟
إلهام:كنت سرحان فين ، بنادي عليك من بدرى
قاسم:معلش ما اخدتش بالى
إلهام:ولا يهمك .. انا اللي اسفه اتاخرت عليك
قاسم:ولا يهمك
إلهام:اصل سهام بتطمن عليا كل يوم عارفه اني لوحدي و مش بقدر اروح ولا اجي
قاسم بسرحان:ممممممم
إلهام:مالك يا ابنى ايه اللي واخد عقلك
قاسم:مش عارف .. بس عايز اسالك سؤال
إلهام:اسال يا ابنى تحت امرك
قاسم:عندي فضول اعرف سهام و مراد و اولادهم يقربولك ايه
إلهام:ممممم طب و انت عرفت ازاى ان نادين و شادى اولادهم انا ماقولتش كده في المكالمه
قاسم:ها .. قوليلي بس و فهميني و هقولك علي كل حاجه
إلهام:انت تعرفهم
قاسم:بصي هو اللي باين انه اها اعرفهم
إلهام:منين ؟
قاسم:اصل اكيد مراد و سهام و شادي و نادين كل دي صدفه لا مش ممكن
إلهام:مش فاهمه حاجه ، انت تعرفهم منين ؟
قاسم:قوليلي طيب الاول دول يقربولك ايه و انا هقولك علي كل حاجه
إلهام: ماشي .. سهام و مراد دول يبقوا .....
( روايات بسوم )
******************************
في بيت أسمهان .....
رجعت اسمهان البيت و طلعت لقاسم الاوضه .. خبطت مافتحش فتحت هي الاوضه و دخلت و هي بتتكلم .....
( روايات بسوم )
اسمهان:قاسم .. ايه ده راح فين !!
طلعت البلكونه تشوفه مالقيتهوش ، خرجت من اوضته خالص و نزلت لاوضه لامار ، و هي بتتكلم .....
اسمهان:انتى يا زفته ياللي اسمك لامار انتي يا حيوانه
( روايات بسوم )
خرجت لامار من اوضتها و اتكلمت ....
لامار:نعم يا اسمهان هانم
اسمهان:انتي لسه فاكرة .. كنتي بتعملى ايه كل ده يا انسانه فاشله
لامار بهدوء:كنت نايمه
اسمهان:نعم .. نايمه ! و مش بتشوفي شغلك ليه
لامار:مش قولتيلي الصبح روحي اوضتك و ما اشوفش وشك طول اليوم
اسمهان بغيظ:فيين قااااسم
لامار:ماعرفش ماشوفتهوش
اسمهان:يعني ايه ؟ نزل مثلا و ماحسيتيش بيه !
بتتكلم لامار و بتحاول تستفزها ....
لامار:الله اعلم ، هو انا هراقبه يا طنط و بعدين انا كنت نايمه
اسمهان:طنط تانى
( روايات بسوم )
زقتها اسمهان بغيظ و هي بتكمل كلامها ....
اسمهان:انتى مافيش فايده فيكي ابدااا
مسكت لامار كتفها بالم و اتكلمت ....
لامار:اااه .. سورى مش هبقي اقول طنط تانى
اسمهان:غورى من وشي
( روايات بسوم )
مشيت لامار من غير ما تتكلم و دخلت اوضتها و قفلت الباب ....
فضلت اسمهان ترن علي قاسم و هو مش بيرد عليها ....
اسمهان لنفسها:بقي كده يا قاسم .. ماشي
عند إلهام .....
قاسم:.......
.........................
#بسمه_ممدوح
أنت تقرأ
الأمير وذات الشعر الطويل
Short Storyالقصه بقلمي ، تابعه لصفحه " روايات بسوم " عبر الفيس بوك ... القصه مبالغه في الرومانسيه ، و سريعه الأحداث .. و لكن توضح ان لكل ظلم نهايه ، و تبين تأثير الحب من أول نظره .. فهي قصه قصيره لا تستحق توضيح اكثر من ذلك و لكنها معبره .... القصه غامضه ، رو...
