الأمير وذات الشعر الطويل

* الفصل الرابع *

فتحت اسمهان الباب بسرعه ، و اول ما دخلت الاوضه ، وقفت مكانها و بصت علي قاسم بعصبيه لما لقيته نايم ، و اتكلمت ....
اسمهان بعصبيه:ايييييه ده ! انت نمت ؟
سكتت و حاولت تصحيه ، و قاسم مش نايم بس بيمثل النوم و مش عايز يصحي ، و اسمهان مصممه تصحيه ، لحد ما رد عليها ....
( روايات بسوم )
قاسم بنوم مصطنع:ايه يا نانا
اسمهان:قوم عشان تفطر
قاسم:مش عايز
اسمهان:يعني ايه مش عايز ، انا خلاص حضرت الفطار
قاسم:مش مهم ، افطرى انتي يا نانا
اسمهان:يعني انت خلتنى اقف في المطبخ علي الفاضي !!
قاسم:حقك عليا يا نانا ، بس و الله تعبان جدا و عايز انام
اسمهان بزعيق:ماشي يا قاسم
سكتت و خرجت برا الاوضه و هبدت الباب .. ضحك قاسم جامد و اتكلم مع نفسه ....
قاسم:ههههههههه مش عارف انا معصبه نفسها ليه
قام من السرير ، و وقف في البلكونه يبص علي لامار و هى بتنضف الجنينه ، و بيتكلم في نفسه و هو بيتفرج عليها ....
( روايات بسوم )
قاسم:زى القمر اوووى .. هيجي اليوم و هرحمك من اللى انتى فيه يا لامار
سكت و فضل باصص عليها .. و هو واقف شاف اسمهان طالعه الجنينه و بتنده عليها ....
اسمهان:انتى يا زفته
لامار:نعم يا طنط
اسمهان:قولتلك ما تقوليش طنط دى تاانى
لامار:ما حضرتك بتقولى زفته
اسمهان:انا اقول اللى انا عايزاه ، و انتى تقولى اللى انا بردو عايزاه
لامار:و انا ليا اسم
اسمهان:انتي بنت قليله الادب .. امشي من وشي
لامار:لسه فاضلي حاجات
اسمهان:مش عايزة منك حاجه اطلعى فوق ، و ما اشوفش وشك طول اليوم انهارده .. انتى فاهمه ؟
لامار:حاضر
( روايات بسوم )
مشيت لامار و ما استنتش اسمهان تكمل كلامها ، و طلعت تجرى علي فوق ....
اتعصب اوى قاسم من معامله اسمهان ل لامار .. دخل الاوضه و قعد يفكر كتير ، و بعدين قام فتح الباب و نده علي اسمهان ....
قاسم:نانا يا نانا
( روايات بسوم )
طلعت اسمهان و راحتله ....
اسمهان:نعم يا حبيبي
قاسم:نانا في مشكله ، و انا تعبان جدا و مش قادر انزل
اسمهان:سلامتك يا حبيبي ، مالك ؟
قاسم:تعبان من السفر كتير و مش قادر اتحرك .. و عايز منك طلب عشان تحليلي المشكله دي
اسمهان:اطلب يا حبيبي ، ده انا اديك عنيا
قاسم:ميرسي يا نانا
اسمهان:ها قولى كنت هتطلب ايه ؟
قاسم:كنت عايزك تروحى البنك تحطى فلوس هديهالك في حسابي عشان في ناس في القاهرة تبع الشغل هيسحبوها من هناك
اسمهان:ممممم و ده ضرورى ؟
قاسم:ايوة طبعا يا نانا ، ده انا بقولك في مشاكل و لسه الناس مكالمني دلوقتي ، و انا مش قادر انزل .. بس لو مش عايزه يا تيتا خلاص انا هحاول اتصرف
اسمهان:لا طبعا هروح ، ده انا عنيا ليك يا حبيبي
قاسم:ميرسي يا نانا .. انا اسف اني هتعبك معايا
اسمهان:تعبك راحه يا حبيبي
قاسم:ميرسي يا نانا
اسمهان:هروح البس عشان ما اتأخرش
قاسم:اوك
( روايات بسوم )
مشيت اسمهان ، و قاسم قعد علي السرير يفكر شويه ، و اسمهان خلصت لبس و راحتله ....
اسمهان:انا خلصت يا قاسم و هنزل
قاسم:اوك يا نانا ، و ادى الفلوس و ادى الفيزا
اسمهان:تمام .. خلى بالك من نفسك و حرص من العقربه اللي هنا
قاسم:مين !
اسمهان:اللى ما تتسمى لامار
اضايق قاسم جدا من طريقه كلام اسمهان ، بس حاول يداري مضايقته و اتكلم ....
قاسم:اها ، ماشي يا نانا ماتقلقيش
اسمهان:يالا سلام
قاسم:سلام
( روايات بسوم )
نزلت اسمهان ، و طلع قاسم البلكونه فضل واقف لحد ما اتاكد ان اسمهان ركبت عربيتها و مشيت .. قعد في الاوضه شويه ، و بعدين راح علي اوضه لامار و خبط الباب ....
لامار:مين ؟
قاسم:انا قاسم ، ممكن ادخل ؟
لامار:ها .. حاضر حاضر ثوانى
قامت لامار لبست روب ، و فتحت الباب ....
( روايات بسوم )
لامار:اى خدمه يا استاذ قاسم ؟
بصلها قاسم اوي ، و اتكلم بشرود .... قاسم:ممممم اها انا جعان
لامار:ثوانى و هحضر لحضرتك الاكل
قالت الجمله دي ، و لسه هتخرج من الباب ، مسك قاسم اديها و اتكلم ....
قاسم:استنى
لامار:نعم ؟
قاسم:انا ما بقولكيش كده عشان تحضرليلى الاكل
لامار:اومال ايه ؟
قاسم:ممكن بس اقعد و اقولك
لامار بإستغراب:اتفضل
دخل قاسم قعد علي طرف السرير ، و مسك لامار من اديها و قعدها جنبه ، و هى مصدومه و مافيش منها اى رد فعل .. و قاسم اتكلم ....
قاسم:انا مش عايزك تحضريلى الاكل
لامار:ليه !
مسك قاسم اديها جامد و هو بيتكلم ....
قاسم:قولتلك قبل كده ماينفعش الايدين دى تتعب ، و ماينفعش تعمليلي حاجه الا بس بشرط
لامار باستغراب:ايه هو ؟!
قاسم:لما نبقي انا و انتى في بيت واحد لوحدنا و جمعانا قسيمة جواز علي سنه الله و رسوله .. ساعتها بس هتعملى عشان انتى مراتى ، مش عشان حاجه تانيه
اتصدمت لامار من الكلام ، و سكتت و ماقدرتش تقول اي حاجه ....
قاسم:مالك !! ساكته ليه ؟
لامار: ها .. مش فاهمه !
قاسم:مش فاهمه ايه ؟
لامار:كلامك
قاسم:هتفهمى اكيد ، بس ثوانى
مسك قاسم موبايله ، و اتصل بالمطعم و طلب اكل لشخصين .. و بعد ما قفل لامار اتكلمت ....
لامار:استاذ قاسم ياريت تمشي عشان لو اسمهان هانم شافتنا مع بعض هتعملى مشكله جامده
قرب قاسم منها ، و اتكلم ....
( روايات بسوم )
قاسم:قولتلك اسمى قاسم و بس ، و بعدين انا عارف انها لو شافتنا هتعملك مشكله ، بس اللى ماتعرفيهوش انى بخاف عليكى اوى اكتر من نفسي و عمرى ما هعملك مشاكل
لامار:بس هو كده هيحصل مشاكل
قاسم:قولتلك انى عمرى ما هعملك مشاكل .. و قبل ما اجى هنا كنت بعت اسمهان مشوار و مش هتيجي منه قبل 3 او 4 سعات ، لان المشوار بعيد جدا و لما تيجي انا هعرف لانى عارف صوت عربيتها
لامار:مممممم
قاسم:ماتقلقيش بقي .. المهم انا عايز اعرف منك حاجات
لامار:حاضر .. ايه هى الحاجات دى ؟
قاسم:عايزك تحكيلى جيتى هنا ازاى و كل اللى حصل
لامار:انا بشتغل عادى
قاسم:لا مش بتشتغلى عادى ، و انا عارف ان ورا وجودك هنا حاجه و لازم اعرفها ، و ماتخافيش عمرى في حياتى ما هطلع كلمه انتى قولتيها برا ابدا
لامار:ممممم بس انا بصراحه خايفه
بص قاسم في عنيها و اتكلم بحُب ....
قاسم:اوعى تخافي و انتى معايا
لامار:اشمعنا
قاسم:عشان ....
لامار:ها ؟ سكت ليه !
قاسم:هقولك كل حاجه بعدين ، بس احكيلى
لامار:حاضر .. بص و بدات تحكي كل حاجه حصلت
( روايات بسوم )
.......................فلاش باك ....................
لامار:عشان كده عايزين يخطفوني ؟ عشان عمي احمد موت حفيدتهم !!
إلهام:لا طبعا
لامار:اومال ايه ؟؟
إلهام:لسه هكمل اهو
لامار:اوك
إلهام:اما احمد و چوليت ماتوا رفضت مرفانا تماما انها ترجع تعيش مع اهلها عشان اصلا هى كانت مخلياهم يوافقوا غصب عنهم على احمد
لامار:ازاى ؟
إلهام:اتجوزتوا من وراهم و حطتهم امام الامر الواقع
لامار:ممممم و بعدين
إلهام:المهم فضلنا نتردد عليها كلنا ، لحد ما بدات زيارتنا ليها تقل بس استمر محمود في الزيارات دى و زادت كمان ، و بدات بنهم علاقه حب لحد ما محمد لاحظ و اتكلم مع محمود و ساعتها محمود قاله انه هيتجوزها
لامار:و اتجوزها ؟
إلهام:اها اتجوزها ، و بعد سنه بالظبط جاب منها ولد
لامار:طب و هما فين ولا الولد ده فين ؟
إلهام:اما مرفانا خلفت اخد محمود منها الولد و كتبه باسم مراته الاولى اللي ما بتخلفش
لامار بصدمه:يا نهااااار ابيض ، ده حراااام
إلهام:اكيد طبعا .. بس ربنا انتقم منهم كلهم
لامار:حصل ايه ؟؟
إلهام:مرفانا طبعا ماسكتتش و عملت شوشرة ، بس محمود مسكها ضربها و كرشها من البيت ، مشيت و راحت علي بيت اهلها ، و لانها ماكنتش مطيعه ليهم ابوها و امها فضلوا يضربوا فيها لحد ما ماتت
لامار:طب و الولد ده ظروفه ايه ؟!
إلهام:محمود و مراته الاولى و الولد كانوا في البيت و كان في غاز مفتوح ، و زاد لحد ما كتم نفسهم و اما راحوا المستشفى قالوا ان كلهم ماتوا
لامار:ممممممممم حتي الولد ؟
إلهام:ايوة
لامار:طب و عايزين يخطفونى ليه ؟ انا مالى !!
إلهام:انتقاما لبنتهم و ابنها ، و انتقاما لنفسهم لان عمك اتجوز بنتهم غصب عنهم .. المهم حقهم يرجع من اى حد في العيله مهما كان ، و انتى مافيش غيرك دلوقتى فماقدامهومش غيرك
لامار:طب اشمعنا فكروا في كده دلوقتي ، ليه مش من زمان ؟؟
إلهام:طب ما احنا كنا مسافرين ، و لسه راجعين مش من كتير .. و اكيد فى حد عرف اننا رجعنا و قالهم ، او ان هى كانت بتراقبنا بقي
لامار:مممممم طب و بعدين هنعمل ايه ؟
إلهام:لازم نمشي من ....
و قبل ما تكمل إلهام كلامها ، اتكسر باب الشقه و دخلوا ناس كتير ، اتنين منهم مسكوا لامار تحت تهديد السلاح ، و الباقي فضلوا يضربوا في إلهام و اخدوا لامار و مشيوا ....
( روايات بسوم )
..........................................................
قاسم:و بعدين ؟!
لامار:و من ساعتها و انا هنا محبوسه ، بقالي كتير
قاسم:طب و حصلك ايه هنا ؟
لامار:اول كام شهر في اوضه ضلمه مليانه حشرات ، و اسمهان تكُب عليا مايه ساقعه ، و حاجات كتير تعذبنى بيها .. بعد كده بدأت تخرجني تقعدني في البدروم ، انضفه كله و الاقي فيه حشرات كتير و ابقي هموت من الرعب ، و اول ما اخلصوا تبعت جزء من الحرص يكسروا كل حاجه عملتها و يبهدلوا المكان كله و ترجعني اظبطه من اول و جديد .. و وسائل تعذبني بيها كتير ، لحد من 3 شهور بدات تخرجني هنا بس بقيت خدامه و بدون اي مقابل
قاسم:يااااااه كل ده !!!
لامار بحزن:و اكتر كمان .. ده غير انى بخاف من البيت ده اووى ، و كانت بتقطع النور على البيت كله الا اوضتها و ما كنش بيكون في حد غيرنا في البيت و الحرص برا ، و انا ببقي هموت من الخوف و خصوصا ان البيت شكله مهجور و بيخوفنى لوحده
قاسم:كلللل ده !! فين قلبها فين الررررررحمه ؟!!!
لامار بكسره:ما بترحمش .. انا اتعذبت كتير اووى هنا ، كنت بموت كتير من العذاب و هى ما بتحسش بيا
قاسم:انا هعوضك عن كل ده ، لازم اخليكى ملكه ، لازم اخليكى اميره عليها
لامار:ليه !!
باس قاسم اديها و مسكها جامد ، و اتكلم بحنيه ....
( روايات بسوم )
قاسم:عشان انتى اصلا ملكه و احسن منها ، و هى اقل منك كتير .. انتى ملاك نازل من السما و لازم يتقدر
لامار:....
قاسم:تعرفي يا لامار .. انا بكرها اوى ، دى طول عمرها جبروت و سبب في عذابي انا كمان .. انا عمرى ما هسامحها ابدا
لامار:ليه عملت ايه !
قاسم:هحكيلك ....
..........................
#بسمه_ممدوح