الأمير وذات الشعر الطويل

* الفصل الخامس *

قاسم:تعرفي يا لامار .. انا بكرها اوى ، دى طول عمرها جبروت و سبب في عذابي انا كمان .. انا عمرى ما هسامحها ابدا
لامار:ليه عملت ايه !
قاسم:هحكيلك .... بصي انا اللى عرفته من بابا انه كان بيحب واحده اووى بس كانت من عيله متوسطه و عشان طبعا مستواها اقل من مستوى العيله ف اسمهان هانم رفضت رفض نهائي في حاله ان كان جدو الله يرحمه مُتفاهم و كان هيوافق ، بس اسمهان وقفت في كل حاجه
لامار:وقفت للدرجه دى بين اتنين بيحبوا بعض ؟
قاسم:ايوة و اكتر كمان ، ده غير انها حكمت علي بابا يتجوز واحده من عيله كبيره اووى و اصلا بابا كان بيكرهها جدا و غصبت عليه و جوزتهاله عافيه
لامار:دى مامتك ولا غيرها ؟
قاسم:هي ماما .. و بعد 10 شهور من جوازهم انا جيت و اول ما قفلوا سنه جواز اتطلقوا
لامار:يا نهااار ابيض .. ليه !
قاسم:بسبب تدخل اسمهان في حياتهم كتير ، و لانهم مش مُتفاهمين ، و لان بابا كان مغصوب يتجوزها فكل الاسباب خليتهم يطلقوا و انا اضيع وسطيهم ، و بعد ما اكمل الخمس سنين امى تتجوز اروح اعيش عند بابا و اول ما كملت 12 سنه كانت حبيبته الاولى اطلقت فرجع لها و اتجوزوا و بقيت عايش اتعذب بين ام متجوزه و اب متجوز و انا ضايع في النص .. 13 سنه بتعذب لحد ما كملت 18 سنه و سافرت و بقيت لوحدى
لامار:كللل ده !! انت تعبت كتير
قاسم:اوووى اوووى و قعدت 3 سنين بتعالج من حاله نفسيه لحد ما بدأت اتحسن و نزلت مصر و انا عندى 21 سنه ، طبعا ماقدرتش اقعد مع ماما ولا مع بابا كل واحد عنده حياته و اولاده و قعدتى مع اى حد فيهم هتتعبني ، اضطريت اجى اقعد هنا مع اسمهان و فضلت سنتين هنا و خلتها تعملى الف حساب
( روايات بسوم )
لامار:ازاى ؟
قاسم:جدى كاتب كل املاكه لبابا بعد موت عمتى مرفانا لانه عارف ان اسمهان ماتستاهلش و بابا كتبلى انا نص الاملاك دى و طبعا اسمهان بعد موت جدى مالهاش الا معاش مايعيش حد تحت الصفر
لامار:اومال ازاى كل اللى معاها ده
قاسم:من بابا .. بابا هو اللى بيصرف عليها و بيبعت لها فلوس كتير اوى كل شهر و هى من وجهه نظرها لانها ماديه جدا انها لو زعلتنى بابا هيمنع عنها الفلوس دى ، فبقت بتخاف منى و بتعملى الف حساب غير انى بتعصب عليها و اى طلب بطلبه بيبقي امر مش طلب و هى فاهمه حتى لو انا ما بينتش ده
لامار:مممممم حلو اووى .. طب و بعد ما قعدت هنا سنتين روحت فين ؟
قاسم:سافرت تانى و قعدت 3 سنين برا و كملت دراستى لحد ماكملت ال 26 سنه و جيت تانى ، و الحمدلله انى جيت
لامار:اشمعنا ؟
قاسم:عشان شوفتك ، دى بالنسبالى احلى مرة شوفت فيها مصر و اول مرة في حياتى اقرر انى ما ابعدش عن هنا ابدا
اتكسفت لامار جدا ، و حاولت تغير الموضوع ....
لامار:يعني انت اخر مرة نزلتها اللى هى دى كنت خلصت كل دراستك و عندك 26 سنه دلوقتي
قاسم:صح ، بس بلاش تغيري الموضوع
لامار:اغير ايه .. انا ماغيرتش الموضوع انا بتكلم عادى
( روايات بسوم )
سكت قاسم و بص في عينيها اوى و ماتكلمش .. قامت لامار و قفت من الكسوف و بصت في اتجاه بعيد .. قام قاسم و راح و راها و مسكها من كتفها و لفها ليه ، و اتكلم ....
قاسم:انتى ليه بتحاولى تهربي منى
لامار:مش فاهمه
قاسم:لا انتى فاهمه ، بس خايفه مش عارف ليه
لامار:انا مش خايفه عادى
قاسم:لامار حرام عليكى
لامار:انا عملت ايه ؟
سكت قاسم شويه و مسك ايديها و اتكلم ....
( روايات بسوم )
قاسم:انا عارف كل اللى انتى مخبياه و شايف كل حاجه في عينيكى انا بشوف عينيكى بتلمع اما بتلمحيني .. اها هما يومين عارف بس دة غصب عني
لامار:انا مش فهماك .. غصب عنك ايه !
قاسم:انا بحبك يا لامار بحبك اوى من اول ما فتحت الباب و شوفتك
لامار ساكته و مصدومه ، و قاسم بيكمل كلامه ....
قاسم:انا حلمت بيكى كتير بس ماكنتش مُتخيل ان الحلم هيتحقق او ان الحقيقه احلى من الحلم بكتير كده .. لامار انا كأن روحى كانت رايحه و اما شوفتك رجعتلى
لامار:.....
قاسم:ردى عليا يا لامار قولى و انا كمان بحبك .. انا عارف انك بتحبيني و متاكد و لو مش عارف ده كنت سكت و ماتكلمتش ، انا اصلا طبعى كتوم و مابقولش اى حاجه بسهوله بس ده غصب عنى ، انا بحبك اوى و متاكد انك بتحبينى .. الحب من اول نظره اجمل حب و انتي بتحبيني من اول نظره يا لامار زي ما انا حبيتك بالظبط .. ردى يا لامار
( روايات بسوم )
فجأه انفجرت لامار في العياط .....
و قف قاسم يبصلها بصدمه ، و بعدين حضنها جامد و حس كمان باديها انها بتمسك فيه اكتر و بتبت فيه كأنها لقيت الامان اللى فقدته من زمان .. كأنها لقيت حنان امها اللى نفسها تشوفها ....
فضل قاسم حضنها اوى و هى ماسكه فيه جامد لحد ما بطلت عياط .. و اول ما سكتت مسك قاسم راسها و باسها من دماغها ، و مسك ايديها و قعدوا ع اول السرير  .. و قاسم اتكلم .....
( روايات بسوم )
قاسم:ليه بتعيطى !
لامار:عشان خايفه
قاسم:ليه .. من ايه ؟!
لامار:عارفه اني هصحي من حلمى علي كابوس ، مش من حقي احلم عشان ماتجرحش .. كفايه عذاب
قاسم:انتي بتحبيني صح و خايفه من اسمهان .. قولى اها طمنيني
لامار بعياط:اها
قاسم:طب اهدي و كفايه عياط 
بدأ قاسم يمسح في دموعها و يهديها ، و اتكلم ....
( روايات بسوم )
قاسم:إجابتك دي كفايه عندي يا لامار ، و ماحدش هيقدر يقف قصادنا ، انا هتجوزك غصب عن اي حد و اسمهان مالهاش كلمه عليا .. كانت هتقدر تحكم علي عمتى لو تقدر تحكم عليا
لامار:ازاى !
قاسم:يعني بعد اللى عملته مع بابا عمتى مرفانا عرفت ازاى تتعامل مع اللى زيها و عملت كل اللي هي عايزاه
غصب عنها و ماقدرتش تحكم عليها ، حتي لو كانت النهايه الموت بس بردو نفذت اللى هي عايزاه .. انا بقي حفيدها مش بنتها ولا ابنها يعني مالهاش حكم عليا ، و هتجوزك لو انطربقت السما علي الارض
لامار:انت بتتكلم بجد
قاسم:بكرا الايام هتثبتلك .. انا بحبك انتي و بس ، و ماحدش هيقف بنا ابدا
لامار: .....
( روايات بسوم )
قاسم:انا هعرف انتقم منها ازاى
لامار:ازاى ؟!
قاسم:اول حاجه هتقضي عليها انى اتجوزك و مانقولهاش و نصدمها يوم الفرح
لامار:هتعمل ايه ؟
قاسم:هتعرفي كل حاجه و هتفهمي بس اصبري
لامار:ماشي ربنا يستر
قاسم:ماتقلقيش .. هاتي عنوان البيت اللى قاعده في مامتك
لامار:هتعمل ايه ؟
قاسم:هتكلم معاها .. هاتي بس العنوان
لامار:بس يا قاسم ...
قاسم قاطع كلامها:ما بسش و ما تقلقيش انا معاكي ، مهما حصل انا جنبك اطمني .. و يالا اكتبيلي العنوان عقبال ما البس
لامار:انت هتروح دلوقتي ؟
قاسم:ايوة طبعا
لامار:اوك
قاسم:هروح البس عقبال ما تكتبيه و اما اسمهان تيجي و تسأل عني قولى ماعرفش ماطلعتش من اوضتي و ما شوفتهوش
لامار:حاضر
( روايات بسوم )
مشي قاسم و لبس و لامار كتبت العنوان ، و رجع قاسم اخد منها العنوان و نزل .. و اول ما وصل لبيت إلهام و خبط ....

.........................
#بسمه_ممدوح