FNGT 4: Taming Mr. Perfect [COMPLETED/REVISING]

Chapter 2: Condition

♥♡♥♡♥♡♥♡♥♡♥♡♥♡♥♡

CHAPTER 2

CONDITION

♥♡♥♡♥♡♥♡♥♡♥♡♥♡♥♡

"ARE you ready, Crys, baby?" Tanong ni Ymannuel sa dalaga habang nagsusuot ng puting sneakers nito sa kwarto nila.

"Malapit na! Wait lang!" Sagot ni Crystal na inaayos naman ang pagkaka-ipit sa wavy n'yang ombré na buhok mula sa banyo.

"Alright, babe. I'll pack your things now. Lumabas ka na lang, ha?" Anunsyo ng binata.

"Sure thing! Thank you, babe."

Kinuha ni Ymannuel ang handbag ni Crystal na nasa study room nila at inilagay na ang mga gamit nito mula sa handbag na ginagamit n'ya sa unibersidad. Kasama na sa mga nilipat na gamit ang wallet, make-up kit, suklay, shades, mga I.D.'s, panyo, bolpen at isang journal ng kasintahan.

Living under the same roof means you get used to the other person's hobbies, daily routines and know how they would think and act... well, that's how Ymannuel thinks and acts at least.

Nang matapos na si Crystal ay lumabas na ito ng kwarto at tinungo si Ymannuel na naka-upo sa couch at naglalaro sa kanyang cellphone. Mukhang kanina pa itong natapos sa pag-aayos rin ng gamit n'ya. Kandong ni Ymannuel ang pink handbag n'ya. Tumayo s'ya sa harap ni Ymannuel. "Babe, let's go na."

Nagtaas ng tingin si Ymannuel sa kanya at ngumiti. "Hi, beautiful. Saan ang lakad?"

Napangiti si Crystal sa kasintahan. "Walang lakad, sasakay ako ng sasakyan. Sama ka?"

"Of course. Ako pa ba ang tatanggi sa alok ng isang napakagandang binibini?" Kindat nito sa dalaga. Napatawa si Crystal.

Ganito sila araw-araw, laging s'yang sinasabihan ni Ymannuel sa mga nakakakilig na mga salita na akala mo'y manliligaw pa rin. But that's what Ymannuel told her before, kahit na engaged na sila noon pa man, he would be courting her every single day of their lives. And for her, kahit na wala pa silang ginagawa, just being with him is full contentment.

Sumakay na sila sa sasakyan ni Ymannuel at nagtungo na sa ospital para sa check-up. Pagdating nila doon ay derederetso na lamang sila sa department ng doktor ng dalaga sa halip na sa reception area.

Ang amoy ng ospital ay pamilyar na pamilyar na sa kanilang dalawa. Una, dahil isang medical student si Ymannuel. Accelerated din ito dahil sa angking talino at kakayahan kahit na may pagka-tamad itong pumasok sa klase. May mga guro pa itong nanghinayang sa talino at abilidad ni Ymannuel dahil sa pagkatamad nitong pumasok.

At ikalawa, dahil madalas ang check up ni Crystal doon. Basta ikalawang buwan o kung kinakailangan ay naroroon sila sa ospital. Kaya sa ayaw at gusto n'ya, malapit na talaga s'ya sa mga ospital.