نياط قلبي# الجزء السابع
افتريت بالسياره لحد مااسمع الإذن. استغفرت ربي وتذكرت شنو سويت بهيله جانت نيته خير غير اسمعها رجعت فتحت الباب لكيته الدم من كل مكان وكاعده بزويه الهول تبجي اتقربت عليه شفت كصتها مفتوحه وجسمها لمخطط كتلها كومي مديت أيد دفعت أيدي قوي كتلها كومي بصوت قوي رحت بغرفه اشوف البنيه كاعده بزويه وهم تبجي صحت تعالي وياي نأخذها للمستشفى جريتا بالكوه صعدتها بالسياره ليوره وهدى يمها اباوع عليها تبجي بسكتها واني أدموعي اتكت وصلنه خيطو كصتها ست خيطات وبعد الحديده ظاربه العكس مالتها مشكوك يعني يمكن ماكو مكان مامضروب. طلعت بره المستشفى كمت اتقى من الندم ع هيله واني جنت وحش يااارب ليش هيج طلعنه جان الصبح صاير. هيله ولا حجت ابد رجعنه دخلتها ماقبلت جابت مخده ونامت وغطت رأسها. اني كعدت يم رجليها احسها تبجي اجتني العروس كالت تعال للغرفه نام. كتله روحي امشي من يمي راحت بقيت اني كاعد وكلبي ع هاي المسكينه احس نفسي نمت الساعه تقريبا ب١٢ كان يوم جمعه ظهري وركبتي مشجنه طفرت ع هيله نايمه وخرت الغطه من وجها. وجه مورم وقطعه حمره
اااااه يابه شنو اني سويت بروحي وعمري ليش هيج ياربي ان شالله انشلت ايدي ولا ظربتج شفتها نايمه. كمت سويت جاي وطلعت البيض سويت ريوك اَ. خلي اكعد هيله اَي
#نياط قلبي# الجزء الثامن
اجيت ع هيله
هيله اكعدي حبيبتي آكلي لكمه فزت فتحت اعيونه مورمه ماحجه شي غطت رأسها. هيله تعالي اتريكي ماحجيت عفتها وكمت كعدت ع القنفه كملت البنيه الريوك كتله انتي اتريكي كالت تعال اتريك اني من تكعد هيله اسويله كتله لا مااريد بدلت وطلعت رحت اليوم كله ظايج روحي طالعه بس اشتريت باكيت جكاير وكمت اشرب رجعت باليل وهيله ع نومتها اجيت يم رجلها خليت رجليها بحظني كتلها هيله احجي وياي والله غلطت بدون شعور. ليش ماكتيلي الحقيقه شنو اني وتخليني كبل بهيج موقف ليش اتحمليني عارر هذه البنيه هيله ادري انتي نيتج سليمه بس مااستوعبت الي يصير حسّيت نفسي اتقشمرت الخاطري آكلي شي. هيلي واسمعها اتناشغ جريتها كعدتها ادموعها تجري جبتلها مي شربت كتلها راح اجيب عشى. طلعت جبت عشى صحت البنيه كتلها حضري وجيبه جابتي بالكاع سويت لكمه اخليها بحلكها ماقبلت كتلها والله مااخلي شي بحلكي ال تاكلين. اكلت لكمه اني كمت اكل هي بس لكمه اتعشيت وهدى هم اتعشت شالت الصينه وكامت راحت للغرفه جبت مخده وجرجف نمت بالكاع بس هي ولا تهتم
نمت صبح الصبح لبست رحت للشغل اول مره بحياتي اروح للشغل بلا ريوك أو مو سابح ومعطر شنو سويتي بيه هيله گلبتي حياتي وحياتج رحت الشغل ظايج كلها انتبهت عليه يتبع.......
ادمن سمية
تصويت
