#نياط قلبي# الجزء الحادي عشر
جريت منها الغطه كتله والله العظيم اشبيك هيله كعدت كالت يااا طالب لعد اتكلي هيج يسويلي وهيج اَي سمعتكم تحجون. هيله روحي ماتقبلها اني بس الج اتقربت ع هيلتي ووووو كعدت الصبح هيله نايمه شعجب بتاريخها مامخليتني اكعد قبلها كلت خليها نايمه كعدت سبحت وطلعت لكيت هاي اسويلي حركات ووو اتريكت وطلعت واني ادعي ع هيله وع المصيبه الي جابتها. رجعت لكيت هيله كاعده ع الكرويته وغافيه ولج اشبيج. دايخه طالب وأحس نفسي اريد انام يجوز مااشبعين نوم نامت ع القنفه. غفت اتفرجت تلفزيون وكمت نمت. هدى لحكتني. اني نمت وهي ذبي كل اهدومج واصلخي طفيت الضوء وجان ----------------- كعدت الصبح لكيت روحي بحظن هدى. كمت كبل ع هيله نايمه سبحت وطلعت للشغل. لكيت هيله كاعده بس تعبانه و ذبلانه هلا حبيبي شلونك انت شلونج شفت هدى كاشخه ومعدله روحه بس هيله صفره كتله انتي مريضه لا طالب بس انعس يجوز من السهر ع التلفزيون. دخلنه للغرفتي وهيله وياي هيله كبل خلت راْسه ونامت. اني هم نمت. اشويه وأحس احد يبوسني من حلكي وي-------- جرتني للهول كملت ورجعت نمت ع فراشي كعدنه الصبح كعدت هيله كومي سويلي ريوك. كامت كوه اني صفت كلت لموشي بالموضوع هاي المره السبعه النشيطه اشبيها. كعدت واشوف هدى البس والمكياج من الصبح واتدلع ادلع كالت تعال حبيبي اسويلك ريوك سوتلتي وهيله اتباوع كتله هيله اشبيج اوديج للطبيب. كبل طفرت هدى لا تره هاي علا مات الكبر. اني التفت عليها وكمت بلا ريوك. طلعت واني كلش ظايج من هاي.
استمر وضع هيله اسبوع وهاي يوميه معرينه وساطيه عليه كامت اتنام وياي ع الجربايه وبحظني والفجر اتروح اتنام بفراشها. هيله كامت اتعيط من راسها وأصيح راسي طالب راح اموت اخذتها للطبيب فحوصات وشئ كال تره زوجتك تكبسل شنو تكبسل. ولج هيله منين اجيبين حبوب.
حبوبيج طالب ولج من كبسله يااااا هو اني حبوب وجع راس مااشرب.
#نياط قلبي#
الجزء الثاني عشر
رجعنه واني انعل بيها بس هي الالالم الي براسها امخليها ماتركز ع شي ظجت ع هيله. وهاي تلبس الشورت وتتكلب كدامي نامت هيله ع القنفه. وهاي اجتني للغرفه هم مثل كل مره. نمنه وخلصنه نامت ع صدري جان اتكلي احجي وعليه الأمان كتلها احجي. كالت تره خالتي هيله تشرب حبوب كبسله واجيب اهواي حبوب اني لزمته من ايده منين اجيبهن كالت عدها صديق يجيبها صديق شنو ولج انتي شتكولين اَي عفيه لا تكول تره تطردني هي كالت اذا تحجي اطردج وهي زوجتني حتى ماافتن عليها شنو اَي كمت اني بكل عصبيه هيله ولج هيله هاااا شكو ولج انتي شنو تشربين يااا طالب اشبيك. رحت للكنتور ادور ولكه حبوب كومه كتله يصير خير. نمت بس روحي اتريد تطلع صبح الصبح خابرت ع حسين كتله تعال. العصر وحسين يمنه وهيله راسها يوجعها. كتله شوف اختك تاخذ كبسله وحجيت الي حجته هدى. كالها لمي اهدومج شنو الم اهدومي هذه بيتي كالها طالب امشي ولي موزين ماذبحتج طالب اشبيك يالله حسين اخذ اختك. لمت اهدومه وأخذها حسين. ظجت من هيله هيج اسوي بيه. ظل البيت الهدى. اجي الكها لبسه ومحضره واستمر الوضع ٣ اشهر دوختني اسوي أشياء ومغريات ولا بعمرها. وتريد فلوس فلوس كله جيب اكل من المطعم واني مثل الطفل بدون وعي. شاورتني كالت اني حامل طارت الدنيا بيه مامصدك مرت الايام اني اروح الصبح ارجع يصبالمغرب هذاك اليوم كان اكو أضراب بالشغل العمال مسوين اضراب. ورجعونه للبيوت رجعت تقريبا ب١١ فتحت الباب واشوف هدى هي ولد زعطوط نايمين كبل الولد دفعني وكعت ع ظهري من الصدمة ماتحركت وهي اخذت اهدومها ونهزمت كعدت ادك ع راسي ابويه اسويت ابروحي نايم ورجليه بالشمس ظحكت عليه هاي الزعطوطه وعفت النجيبه العفيفه هيله بقيت اسبوع لاالأكل ولا اشرب بس جكاير ولكم الله واكبر ليش هيج هيله فلشتي بيتنه. ولج تعالي محتاجج والله. نمت واني ادموعي ع خدي شسوي بهاي المصيبه انوب حامل يااارب ارحمني. اجيت للكنتور احضر اهدومي اسافر الأهلي وادور ع الفلوس ماكو ولج اهنا دفتر ظايمه نشتري بيت ولكم خسرت كلشي. قفلت البيت وطلعت الفجر صعدت المنشاه واني اذكر هيلتي وحبيبتي عشر سنوات صاينتني ومحافضه ع بيتي واني بيوم طردتنه اخ وصلت للبيت يتبع.... #نياط قلبي#
تصوويتاتكم بليز
ادمن سمية
