#نياط قلبي # الجزء الاول
اني اسمي طالب
راح احجي قصتي من صغري.
اني وحيد امي وابي. ع كولت ابويه بيضه عكر. عدنه بستان جبير نعيش بيها وبيت عمي نفس البستان بس بغير بيت عمي مزوج خالتي وعند عمي سبع بنات بس ولد اسمه حسين اصغر مني بسنتين. بنات عمي هُن الي امشيات البستان حصد زرع سقي كلشي بالبستان اني وحسين كنّا للدراسه بنات عمي يدرسن سادس ويكعدوهن
جنت بالمدينه ادرس معهد نفط وخلصت عسكريتي وحسين عسكري بس نساعد اهلنا بالاجازه حسين زوجو اهله بت خالتنه. بنات عمي سناء وهناء ولمياء. ورابعه. وهيله. وهديل. سلامه هيله ع اسم جدتي وهي تشبها.
احنا عايشين عيشه كلش حلوه باليل عدنه ديوان نجمع بيه ابوي وعمي وخالتي وامي واني وحسين البنات يبقى بيتهم. ازوجن ٣ منهم بقى اربعه بنات عمي من يطلعن للشغل بالبستان يلفن روحهن لف يعني مثل الدولمه كلشي مااشوف منهن
ابويه وامي يلحون عليه ازوج. شنو باقي وصرت عمرك ٢٨. كتلهم اريد اسافر امي أظل تبجي. يلحون كلش. كتلهم أفكر. صار عد حسين ولد. سوه عزيمه جبيره يعزون الناس جابو عجل للعزيمه كالو طالب تعال اذبحه رحت اذبحه لكيت بنات عمي لازماته اجيت اذبح العجل ذبحته وهو قوي وكعني ضحكن عليه البنات وحده كالت انطيني السجينه ياارجيج اني ضجت بس مااعرف منو منهن واستحي اسال
اباوع عليه لفلفت العجل عبالك نسره. رجعت ضايج. صار الغده والنَّاس والمعازيم. كل واحد راح بحاله اجمعنه بالديوان امي كالت يمه اشوكت افرح بجهالك يمه تلحكين شاورتني هااا ا. احجي ويه خالتك كتله يمه غير اشوفها بلاول. ضحكت امي هههههه خايب كلهن حلوات يتبع....
🌸🍀🌸🍀🌸🍀🌸🍀🌸🍀🌸🍀🌸
ادمن سميه
تصويت
