حبيبتي الكاذبة بقلم / فاطمة حمدي

الرابعة

حبيبتي الگاذبة

الحلقة الرابعة : (طير مجروح )

عادت أروي ومعها القهوة ثم قدمتها لـ السكرتيرة(هدي)  ومن ثم جلست هي الأخري تحتسي قهوتها ، حتي إنتهتا من تناول القهوة فنهضت السكرتيرة ، قائلة بإيجاز : أروح أشوف شغلي بقي !
أومأت لها أروي ، بينما قبل أن تخرج السكرتيرة نظرت إلي أصابع يدها وهي تشهق عالياً ، فأسرعت أروي إليها قائله في لهفة : في ايه مالك ؟
هدي بمكر خفي : الخاتم بتاعي كان في أيدي شكله وقع مني
أروي بحزن : يا خبر طب تعالي ندور عليه وإن شاء الله نلاقيه !
بالفعل ظلت أروي تبحث بعينيها عن ذاك الخاتم وكذلك كانت هدي تتصنع البحث عنه حتي يأست وهي تقول : ياربي ده أكيد حد لقاه وخده !
مطت أروي شفتيها وقالت بتنهيده : ممكن ياريت تسألي باقي الموظفين يمكن حد لقاه ولا حاجة !
صاحت هدي بعصبيه مصطنعه : لأ ده أنا لازم أفتش كله النهارده ده خاتم تمنه غالي جدا !!!
تجمع الموظفين والموظفات علي أثر صوتها العالي وسامي علي رأسهم الذي إبتسم بتشفي !
فراح يسألها مردداً : في ايه يا هدي ؟؟
هدي وقد رفعت حاجبها الأيسر لتتابع : الخاتم بتاعي يا باشا مش لاقياه ، أنا لازم أفتش الكل دلوقتي !
أومأ لها سامي وهو ينظر لها نظرات ذات معني ، فيما شرعت هدي في تفتيش حقائب الفتيات واحدة تلو الأخرى حتي وصلت إلي أروي التي كانت تقف بثقه عاقدة ساعديها أمام صدرها تنتظر دورها في التفتيش ....
أخذت منها الحقيبه وقامت بفتحها ثم سكب ما فيها علي سطح المكتب ، ليقع الخاتم منها فوراً مصدراً صوتاً علي زجاج سطح المكتب ، لتتسع عينا أروي التي قالت بصدمة جليه : ايه ده ؟؟
هدي بسخريه : آه يا حرميه يا نصابه ، بقي بتسرقي الخاتم بتاعي !
صاحت أروي بعصبيه وهي تهتف مردده : نعم ياختي ؟؟ خاتم ايه والله ما سرقت حاجة
تدخل سامي قائلاً بقسوة : أومال ده ايه يا شريفة هانم !! ده أنتي مش شمال وبس لاء وحراميه كمان أنا لازم أطلبلك البوليس حالاً !!
حركت أروي رأسها بهستيريه وهي تهتف ببكاء : والله العظيم ما سرقت حاجة أرجوك ما تظلمنيش أرجوك !
لم تأخذه بها الشفقه أبداً بل بالفعل اتجه إلي مكتبه وهاتف مركز الشرطه ، بينما هي تحاول الهروب ولكن دون جدوى فلقد لحق بها أمن الشركة وسط النظرات الساخرة التي تلقتها من الجميع والإستهزاءات بها .....

.............................

تلقي ماجد إتصالا حين أصدر هاتفه رنين فإلتقطه وأجاب قائلاً بعد أن وضعه علي آذنه :
_ حبيبي أخبارك ايه ؟
مايا بغضب : حبك برص يا ماجد أنت ولا بتسأل فيا أصلا ولا فاكرني حتي
حك ماجد رأسه وتابع : حبيبتي معلش بس شوية أشغال أنتي عارفة أمير بيطلع عنيا
مايا بتساؤل : لسه برضو مفيش أمل إني أرجع ؟
ماجد نافياً : بصراحة مفيش لا أمل ولا سهير
صرت مايا علي أسنانها لتتابع بضيق : أنت بتهزر يا ماجد !
ضحك ماجد قائلاً : لا والله بس فعلا هو مش راضي خالص .. سيبك بقي أنتي عاملة ايه ؟؟
مايا بضجر : زي الزفت.. أنت مش ناوي تيجي تتقدملي ولا إيه يا ماجد ؟؟
تنهد وقال : ناوي بس لما ناخد الورث بتاع أبويا والأرض الي سبهالنا إنما دلوقتي آجي أتقدم وأقول لأبوكي وأمك إيه ؟
رق صوتها حين قالت بدلال : ماشي يا روح مايا أنا بس بفكرك لحسن تلعب بديلك كده ولا كده !
ماجد بهمس: مقدرش يا قلبي ده أنتي الي في القلب وربنا ..
................................