فتاة الملجأ 👩

part 7

محمد
ماما: اه يا محمد إنچى مش أختك
أنا: وإنتوا إزاى متقولوليش الكلام ده
بابا: عشان إنت وحسين تعاملوها على إنها أختكوا ومتعاملوهاش وحش
أنا: بردو كان لازم تعرفونى الكلام ده
حسين: فى إيه يا محمد صوتك عالى ليه
أنا: فى إن أنا إكتشفت بالصدفة إن إنچى مش أختنا وإن ماما اتبنتها عشان هى بتحب البنات
حسين: إيه 😰😰😰
أنا: زى ما سمعت
بابا: متكبرش الموضوع يا محمد
أنا: لا الموضوع كبير أصلًا بصى يا ماما إنچى لازم تمشى من البيت
حسين: إيه يا محمد اللى إنت بتقوله ده
أنا: هى مش أختنا تعد معانا ليه
حسين: يا إبنى افهم هى يتيمة وملهاش حد هتمشى من البيت هتروح لمين وبعدين إنت نسيت كل اللي عملته عشانك مش هى اللى ساعدتك إنك تعترف لعهد بحبك ليها وهى ساعدتك فى حاجات كتير هى يمكن تكون مش أختنا فعلًا بس هى عملت معانا حاجات كتير حلوة أحسن من أى أخت حقيقية
أنا: إتلاقيها كانت عارفة الموضوع ده وكانت بتعمل كدة عشان تخلينا نحبها جدا ويوم ما أنا وإنت نعرف الحقيقة منخليهاش تمشى وتصرف من فلوسنا براحتها
ماما: لا يا محمد إنچى متعرفش حاجة أصلًا
أنا: يا سلام إنتى بتقولى كدة عشان أسبها تعد بس لا هى هتمشى يعنى هتمشى
بابا: لا يا محمد مش هتمشى
إنچى
أنا كنت داخلة أكلم ماما وسمعت الحوار اللى فوق
أنا والدموع فى عينى: خلاص يا جماعة أنا همشى شكرا يا طنط شكرا يا عمو على كل حاجة عملتوهالى
كنت ماشية لكن طنط وقفتنى
طنط: من إمتى وإنتى بتقوليلى طنط أنا ماما يا حبيبتى
أنا: لا يا طنط حضرتك مش ماما شكرا على كل حاجة عملتهالى
حسين: تعالى معايا بس ثانية
أنا: لا يا حسين أنا همشى
حسين: ماشى بس هقولك حاجة
حسين خدنى على جمب بعيد عنهم
حسين: بصى أنا هخليكى تمشى زى ما إنتى عايزة ومش هخليهم يمنعوكى بس بشرط
أنا: إيه هو
حسين: أشوفلك شقة وتعيشى فيها
أنا: وأنا أقبلها بأمارة إيه
حسين: بأمارة إنى صديق مثلا أو أى حاجة بس إيه ده ثانية إحنا كدة المفروض أخوات فى الرضاعة صح
أنا: اه إيه ده صح
حسين: يبقى إنتى تمشى ليه
أنا: عشان محمد
حسين: الحيوان (سورى يا عهد) خلاص خدى الهدية ديه على إنى أخوكى
أنا: ماشى أنا هدخل ألم هدومى
دخلت طلعت الشنطة وبلم هدومى
عهد: إيه ده إنتى بتعملى إيه
أنا: بلم هدومى
روان: ما إحنا شايفين إنك بتلمى هدومك بتلميها ليه؟
أنا: عشان ماشية
منة: إنتى يا بت حصلك حاجة فى دماغك
أنا: لا ليه
حسين: خلصتى يا إنچى
أنا: اه خلصت
حسين: طب يلا
روان: يلا فين إستنى يا بابا إنت وهى فهمونا فى إيه وإنچى بتلم هدومها ليه
حسين حكالهم على الموضوع
عهد: إزاى محمد يعمل كدة أنا مش هسكتلوه
حبيبة: ثوانى بس يا جماعة إنتوا نسيتوا حاجة مهمة جدًا
روان: إيه هى
حبيبة: إنچى هتمشى إزاى وعمرو جاى
أنا: قوله الحقيقة يا حسين هو أكيد مش هيرضى يتجاوز بنت ملجأ
حسين: لا يا إنچى متقوليش كدة عمرو بيحبك جدًا ومستحيل يستغنى عنك
أنا: حتى لو هو رضى مامته أكيد مش هترضى
حسين: لا مامته كويسة ومش هترضى تبعده عنك طول ما هى شايفاه بيحبك ومتعلق بيكى
أنا: ماشى بس أنا مش هينفع أعد هنا ثانية كمان عشان محمد مش طايقنى
حسين: والمشكلة إن عمرو وأهله فى الطريق دلوقتى
أنا: طب هنعمل إيه
حسين: بصى أنا هكلم ماما وبابا وأقولهم نقابلهم دلوقتى ونقولهم الحقيقة وبعديها نبقى نشوف حوار الشقة ده
محمد
طبعا ماما وبابا عمالين يتكلموا معايا عشان أروح أصالح إنچى عشان اللى قولته وأسبها تعيش معانا
أنا: أنا مش فاهم إنتوا عايزينها تعيش معانا ليه ديه بنت ملجأ
ماما: متقولش عليها بنت ملجأ أنا لما روحت عشان أحد بنت من الملجأ قالولى إن إنچى لسة مولودة بقالها يوم وإن ملهاش أهل وأبرزها مات من قبل ما تتولد وأنها ماتت أول ما ولدتها ده الملجأ حتى كان لسة مطلعلهاش شهادة ميلاد ولا سموها حتى أنا اللى حدتها وسمتها وطلعتلها شهادة ميلاد وربيتها معاكوا يعنى هى مش بنت ملجأ زى ما بتقول وبعدين هى أختك فى الرضاعة كمان ليه مش عايزها تعد
أنا: لا يا ماما مش هتعد فى البيت يعنى مش هتعد فى البيت
بابا: يعنى إيه عايز تمشى كلامك علينا بقولك إيه يا محمد إنچى مش هتمشى من البيت ده
وبعد كدة حسين دخل الأوضة
حسين: يا جماعة عمرو جاى هو وأهله إحنا المفروض نقابلهم ونحكلهم الحقيقة وبعد كدة أنا هبقى أشوف لإنچى شقة عشان هى عايزة تمشى
محمد: أيوة شوفتها شقة صغيرة بعيد عن هنا وخليها هى تدفع إيجارها متدفعش إنت حاجة
بابا: متسمعش كلاموا يا حسين إنچى مش هتمشى وهفضل قاعدة هنا واللى مش عاجبه الباب يفوت جمل
أنا: طيب تمام أنا ماشى وسايبلكوا البيت بس إفتكر يا بابا إنك فضلت بنت متعرفش أهلها كانوا إيه على واحد من دمك
وأنا خارج لقيت عهد بتنادينى من ورا
أنا: نعم يا عهد
عهد: عايزة منك طلب
أنا: إتفضلى
لقيتها ضربتينى بالقلم
عهد: إياك تورينى وشك تانى وإنسانية وأوعى تحاول تكلمنى
أنا طبعا واقف مصدوم هو أنا اللى طلعت وحش فى الأخر كله واقف فى صفها ليه
-----------------------------------------------------------أنا عارفة إنه مش حلو بس أنا معنديش أفكار رأيكوا؟