أسفة على التأخير نبدأ
محمد
خرجنا من المستشفى وعهد ركبت معايا فى العربية هى وإنچى ووصلتها بيتها وأنا وإنچى طلعناها لشقتها
عهد: معلش تعبتكوا معايا
إنچى: بس يا هبلة
أنا: ولو إنتى متعبتنيش مين هيتعبنى
عهد: 😳😳😳😳
إنچى: يا محنى
أنا وعهد: 😒😒😒😒😒
إنچى: إحم طب أمشى أنا
أنا: عهد أنا عازمك بكرة على المطعم اللى بتحبيه الساعة 8 إبقى إلبسى فستان
عهد: ماشى تمام
ونزلت روحت أنا وإنچى ودخلت البيت وأول ما ماما شافتنى جريت عليا وحضنتنى
ماما: محمد حبيبى كنت فين كل ده كدة تسيب البيت وتمشى
أنا: أسف يا ماما أوعدك مش هسيب البيت تانى
وروحت على مكتب بابا وخبط وسمعته بيقول إدخل ودخلت لقيته بيقرا الجرنال وبصلى وبعدين بص تانى للجرنال روحت قعدت على ركبى قدامه وبوست إيده
أنا: سامحنى يا بابا على اللى عملته أنا مش عارف أنا عملت كدة ليه يمكن من الصدمة بس عارف إن ده برده مش مبرر بس سامحنى أرجوك
بابا: المهم عندى إن إنچى تسامحك
أنا: هى سامحتنى حتى نادلها لو مش مصدقنى
بابا: خلاص مصدقك قولى بقى عهد عاملة إيه دلوقتى وهى سامحتك ولا لا
أنا: هى كويسة دلوقتى وسامحتنى
بابا: ماشى تمام
ورجع بص فى الجرنال
أنا: بابا
بابا: كنت متأكد إنك عايز حاجة تانية
أنا: اه بصراحة أنا عايز أتجوز عهد فى أقرب وقت ممكن عشان مش عايزها تحس إنى ممكن أحس إنى ممكن أسيبها تانى
بابا: طيب إنت كلمتها فى الموضوع ده
أنا: لا بس أقولها بكرة
بابا: طب قولها وشوف هتقول إيه وتعالى قولى وإحنا هنروح نبدأ فى التجهيزات
أنا: بجد يا بابا
بابا: اه بجد
قومت بوست راسه
أنا: شكرا يا بابا وخرجت من مكتبه وروحت حكيت لماما وهى اتبسطت وكذلك إنچى وحسين
حبيبة
صالح خرجنى وكانت خروجة حلوة أوى وكنا راجعين البيت لقيت صالح وقف العربية وبصلى
أنا: فى إيه يا صالح
صالح: أنا هتفق مع عمو إن الخطوبة تبقى بعد شهر والفرح بعد الخطوبة بشهرين
أنا: وليه الإستعجال ده
صالح: أنا مش شايف إن فى إستعجال فى الموضوع
أنا: لا فى فى عروسة تجهز فى تلات شهور بس
صالح: اه إنتى
أنا: لا والله طب بص خلى الخطوبة زى ما هى لكن الفرح نأجله شوية
صالح: لا مش هأجله يا حبيبتى إنتى لو تعبتى نفسك شوية ونزلتى كل يوم مع صحابك تشترى اللى إنتى عايزاه هتخلصى تجهيز حاجتك قبل الفرح بكتير
أنا: طيب ماشى
ووصلنى البيت وطلع معايا عشان يتفق مع بابا وبابا وافق
منة
كنت نايمة لقيت حد عمال يصحينى ببص أشوف مين لقيته حسين يا فضحتشى فقومت قعدت على السرير
أنا: حسين إنت بتعمل إيه هنا
لقيته نام على السرير وحط رجل على رجل
حسين: جاى أطلب إيديك
روحت زقيته من على السرير
حسين: اه يا حيوانة كدة تعورينى واوا أنا زعلان
أنا: إتفلق أعملك إيه يعنى
حسين: بقى كدة
وقام وقعنى من على السرير
حسين: طب قومى إجهزى أنا مستنيكى برة أنا وأبوكى وأبويا وأمى ومحمد وبعدين فى حد ينام للعصر
أنا: مش لقيتنى بعمل كدة يبقى فى وبعدين فين إنچى
حسين: سايبها نايمة فى البيت 😂😂😂 أنا خارج بقى ليفهمونا غلط
أنا: إمشى يا حسين من وشى
خرج حسين وقومت جهزت وخرجت وقرينا الفاتحة والجرس رن لما كان حسين ومحمد وطنط وعمو قالوا إنهم هيمشوا وقومت فتحت الباب وكانت إنچى ودخلت وبصت لحسين
إنچى: يعنى أنا أبقى قاعدة طول الليل إنت بتسألنى أسئلة عن منة وأنا أجوبك وتقعد تقولى إحكيلى هى بتحب إيه وبتكره إيه بالتفصيل وأنا برده أجاوبك وأجى أقولك صحينى وإنت رايح تتقدملها تقوم واخدهم كلهم وسايبنى فى البيت نايمة يلا يا واطى إبقى تعالى إسألنى حاجة تانى عنها والله لأذلك ومش هقولك
طبعا كلنا كنا فطسانين ضحك
حسين: إيه يا بنتى مسورة وإتفتحت وإيه ده كله حرام عليكى فضحتينى
أنا: طب يا إنچى خلاص تعالى أقعدى معايا شوية
إنچى: أوك
عمو هانى: طب نستأذن إحنا
بابا: إتفضل إذنك معاك نورتونا
ومشى عمو وطنط ومحمد وحسين وهو خارج إنچى إدته على قفاه وجريت
حسين: ماشى يا إنچى مصيرك هتيجى البيت وهوريكى
وأنا كنت عمالة أضحك
حسين: ضحكتك حلوة أوى
أنا إتكسفت وخدودى إحمرت
محمد: يلا يا عم الرومانسى
حسين: حاضر يا فصيل سلام يا روحى
أنا: سلام
ودخلت أوضتى لقيت إنچى فى بلكونة أوضتى وبتتكلم فى التليفون وبتضحك فهمت إنها بتكلم عمرو فمردتش أزعجها
روان
معرفش ليه مبقتش أعرف أكمل يومى إلا لما أرخم على تريزى فرنيت عليه ورد
أنا: ألو
تريزى: ألو لقوا محمد
أنا: يعنى راعى إن أنا حبيبتك وخطيبتك مستقبليا يبقى المفروض تطمن عليا الأول
تريزى: ما أنا يسأل عليه عشان تبقى خطيبتى ومراتى مستقبليا
أنا: احم طيب هما لقوه وإتصالح معاهم وكلوا بقى تمام
تريزى: طيب الخطوبة بعد أسبوعين
أنا: نعم
تريزى: سلام بقى عشان هكلم أهلك أقولهم
أنا: تريزى إستنى
وقفل فى وشى المجنون بس بحبه أعمل إيه فقولت أكلم حبيبة
أنا: ألو يا حبيبة إلحقينى عندى مصيبة
حبيبة: وأنا كمان عندى مصيبة بس أنا هقول بتاعتى الأول مليش دعوة
أنا: طيب قولى يا طفلة
حبيبة: صالح عايز يخطبنى بعد شهر وهيتجوزنى بعد تلات شهور وإنتى
أنا: تريزى عايز يخطبنى بعد أسبوعين يعنى لازم كلنا ننزل نشترى الفساتين عشان نلحق
حبيبة: طيب تمام هبقى أكلم البنات
أنا: ماشى تمام
محمد
بعد ما نزلنا من بيت منة قولتلهم نروح لعهد ونقولها وروحنا عندها وفتحت وكانت لابسة بيجامة عليها ميمى ماوس وكانت عاملة قطتين
أنا بضحك: إيه اللى إنتى عاملاه فى نفسك ده عهد: أنا بحب ميمى ماوس والقطتين وإتفضلوا
حسين: بصى إحنا جايين نقولك حاجة ونمشى بسرعة عشان انا ضهرى واجعنى من ساعة ما منة وقعتنى
عهد: منة وقعتك فين
حسين: خليها تحكيلك هى ويلا يا عم محمد عشان ضهرى هيموتنى
أنا: بصى أنا قررت تبقى خطوبتنا تبقى بعد تلات أسابيع والفرح بعد شهرين
أنا لقيت عهد إتصدمت ومتكلمتش
حسين: بص السكوت علامة الرضا يبقى يلا نروح وإبقى كلم أهلها فى التليفون يلا نروح
وروحنا وكلمت أهلها ووافقوا
إنچى
بكلم عمرو وكل شوية يقولى كلام حلو ومعرفش أرد عليه
عمرو: مينفعش كده أنا عمال أقول فى كلام حلو وإنتى تسكتى
أنا: ما إنت عارف إن مبعرفش أقول كلام حلو
عمرو: طيب أنا عايز أخطبك
أنا: طب بص هو حاليا محمد هيخطب عهد وحسين هيخطب منة ومحمود كان قايل لروان إنه هيخطبها أول ما محمد يرجع وصالح معرفش هيعمل إيه الصراحة فأنا هشوفهم دلوقتى هما إيه الأيام اللى حددوها وإحنا نبقى بعديهم
عمرو: ليه بعديهم خليها قبليهم
أنا: لا أنا بحب أكون فى الأخر
عمرو: صبرنى يارب طيب ماشى عشان خاطرك
أنا: أوك باى
عمرو: باى
-----------------------------------------------------------بارت طويل أهوه وإحتمال كبير يبقى أخر بارت هو اللى جاى وإحتمال اللى بعديه يبقى أخر واحد مش عارفة لسة رأيكوا؟
أنت تقرأ
فتاة الملجأ 👩
Short Storyعندما تكتشف ان عائلتك ليست عائلتك ماهى ردة فعلك؟ ماذا تفعل عندما تفقد الثقة بكل الناس؟ ماذا لو وقعت فى الحب؟
