فتاة الملجأ 👩

part 13

إنچى
نزلنا المول وكل واحدة إشترت تسع فساتين واحد لخطوبتها وأربعة لخطوبة الباقيين وأربعة لفرح الباقيين 😂😂 ده إختصارًا للوقت يعنى 😂😂 عشان وقت تجهيز الفرح تبقى الفساتين جاهزة
حبيبة: أنا مكنتش متوقعة إن إحنا بنزولة واحدة إحنا الخمسة هنجيب الفساتين اللى إحنا عايزينها
روان: إحنا إشترينا خمسةوأربعين فستان من محل واحد وكل واحد أحلى من التانى أنا مش مصدقة 😂😂😂
أنا: الرقم لوحده يرعب 😂😂😂
منة: زمان صاحب المحل دلوقتى بيطنطط من الفرحة من الفلوس اللى جاتله مرة واحدة ديه
عهد: اه والله فعلا
وروحنا ودخلت غيرت وقعدت أرتب فساتينى فى الدولاب لقيت الباب بيخبط
أنا: إدخل
ودخل حسين
أنا: نعم
حسين: إنتى جيتى بدرى ليه مش قولتى إنكوا هتحاولوا تجيبوا كل الفساتين على قد متقدروا
أنا: اه ما إحنا جبناهم
حسين: لحقتوا
أنا: اه إحنا أول ما دخلنا المول شوفنا محل شكله كده جديد وحلو فقولنا ندخله ونشوف ودخلنا لقيناه حاطط فساتين حلوة جدا نقيت منهم أكتر فساتين عجبتنى ودخلت قستهم وكلهم طلعوا حلوين عليا وكذلك الباقى ده الكاشير مكنش مصدق إيه كل الفساتين اللى إحنا إشتريناها ديه كنت حاسة إنه عايز يقولنا إنتوا بتعملوا إيه بكل ده ويا عينى صعب عليا ده قعد يحسبلنا خمسة وأربعين فستان 😂😂😂 وكل شوية يبصلنا بصة غريبة كدة بس بصراحة ليه حق 😂😂😂 وبعدين خرجنا من المحل وركبنا العربية على طول أول مرة أرجع من شوبينج ومكونش تعبانة رغم كمية الحاجات اللى مشترينها
حسين: يا مجانين 😂😂😂
أنا: كنت عايز إيه
حسين: أنا مقولتش إنى عايز حاجة
أنا: لا ما هى دخلتك الهادية ديه وإنك تسمع كل الرغى ده كله منى من غير ما تقاطعنى ولا توقفنى أكيد وراه حاجة
حسين: هو بصراحة أنا كنت عايز حاجة
أنا: شوفت قول
حسين: أنا كنت عايز أعمل مفاجأة لمنة
أنا: لا مش هساعدك
حسين: ليه
أنا: عشان نزلت إتقدمتلها وسبتنى نايمة رغم إنى قولتلك تصحينى
حسين: ما أنا بصراحة كنت عايز أشوفها وهى نايمة كنت عايز أتأملها
أنا: اممممم ماشى عايز تعملها إيه
حسين: عايز أعمل الخطوبة الأسبوع اللى جاى من غير ما هى تعرف وإنتى تخليها تلبس فستان وتجهزيها وتجبيها على القاعة اللى لسة معرفش هتبقى فين 😂😂😂
أنا: ماشى
حسين: بس فى مشكلة
أنا: إيه هى
حسين: أنا عايز القاعة تبقى حلوة وتخلص بسرعة ولو روحت إتفقت مع فندق هيقولى كان المفروض تحجز من بدرى وكدة فأنا بفكر ما أعملهاش فى قاعة وأعملها on air فى أى مكان حلو بس هبقى محتاج مهندس ديكور حلو ونشيط
أنا: بص وأنا بدور فى حاجتى القديمة لقيت نوتة قديمة بتاعتى كنت بكتب فيها الأرقام دايما إحتياطى ولقيت رقم صحبتى سهيلة كانت صاحبتى لغاية إعدادى وسافرت أسبانيا ومن ساعتها معرفش عنها حاجة ومعرفش رجعت ولا لا بس هى كان عندها أخوها كان فى فنون جميلة قسم ديكور وعلى حسب ما أتذكر إنه كان شاطر جدا فى الجامعة فأكيد دلوقتى إتخرج فممكن أكلمها أخليها تقول لأخوها يجهزلك الخطوبة ده إذا كانت رجعت مصر ومغيرتش الرقم
حسين: طيب جربى
جربت ورنيت وردت عليا واحدة
هى: ألو
أنا: ألو سهيلة عادل موجودة
هى: أيوة أنا مين معايا
أنا: أنا إنچى يا سووو عاملة إيه
سهيلة: إنچى عاملة إيه وحشانى أوى
أنا: إنتى أكتر والله
سهيلة: لا ما هو واضح كل السنين ديه كنت بحاول أكلمك تليفونك مغلق إنتى والبنات وأروحلكوا البيت ألاقيكوا عزلتوا إلا روان وعهد سافروا الكلام ده كان من سنتين قعدت ألف عليكوا كتير وفى الأخر زهقت وقعدت مع عائلتى الكريمة تصدقى معرفتش أصاحب حد غيركوا
أنا: يا حياتى ربنا يخليكى بصى هى حكاية أرقامنا اللى مقفولة ففى مننا اللى شريحته إتكسرت وفى اللى تليفونه إتسرق وفى اللى شريحته إتكسرت متسألينيش إزاى وبالصدفة النهاردة كنت بقلب فى حاجتى القديمة لقيت النوتة بتاعتى اللى كنت بكتب فيها الأرقام ولقيت رقمك قولت أتصل بيكى أشوفك عايشة ولا لا
سهيلة: إممممممممم تمام إنتى عنوانك إيه
أنا:............................. تعالى دلوقتى وأنا هخلى باقى البنات ييجوا عشان يتفاجئوا
سهيلة: إيده إنتى عنوانك قريب من عنوانى الفرق شارعين
أنا: إيده بجد طب تعالى دلوقتى وباى بقى عشان أتصل بالبنات أخليهم ييجوا
سهيلة: أوك باى
حسين: مقولتلهاش على الخطوبة على فكرة
أنا: صاحبتى وبقالى سنين مشوفتهاش وهى وحشانى جدا وأول ما اكلمها أقولها خلى أخوكى يحضر لأخويا الخطوبة مش هينفع متقلقش هقولها بس مش النهاردة وإنت قول لأصحابك على اللى هتعمله عشان يجهزوا نفسهم وأنا هقول لصحابى معادا منة طبعا
وإتصلت بالبنات وخلتهم ييجوا وسهيلة جت قبلهم ولما شوفتها حضنتها جامد وقعدت أهزر معاها ولما جم الباقى وعملوا نفس اللى عملته وقولنالها على إن خطوبتنا وفرحنا قرب وهى إتصدمت وحكنالها على المحل اللى إشترينا منه الخمسة وأربعين فستان وقعدت تضحك وقولتلها هوديها عنده تشترى عشر فساتين تحضر بيهم الخطوبات والأفراح بس هخرج أنا وهى وروان بس عشان الباقى هيخرجوا مع أحبابهم إلا أنا وروان عشان هما سافروا ومش موجدين
-----------------------------------------------------------معرفش ليه مش راضية تخلص 😂😂😂😂 رأيكوا؟