فتاة الملجأ 👩

part 8

عمرو
وصلت بيت إنچى وخبط ولقيت محمد فتح وكان شكله متعصب
محمد: إتفضلوا
دخلنا وبعد كدة لقيت محمد خرج ومفيش حد معانا
ماما: إيه ده هو فى إيه هو مفيش حد يستقبلنا إيه قلة الذوق ديه
لقيت حسين جاى بيجرى
حسين: إيه ده إنتوا جيتوا دخلتوا إزاى
أنا: أكيد من الباب يا أذكى إخواتك
حسين: ما أنا عارف أنا قصدى مين اللى فتحلكوا الباب
أنا: محمد
حسين: وهو فين
أنا: مشى إنت مش هتدخلنا بقى
حسين: اه أسف إتفضلوا
ودخلنا قاعدنا فى الليڤنج
حسين: ثوانى يا جماعة هندهم
حسين
روحت أنادى بابا وماما
أنا: يلا عمرو وأهله وصلوا
بابا: طيب جايين قول لإنچى تحضر القهوة
أنا: ماشى
روحت على أوضة إنچى وفتحت الباب من غير ما أخبط
منة: فى حد يدخل كدة من غير ما يخبط الأوضة فيها بنات
أنا: مش مهم إنچى عمرو وأهله وصلوا جهزى القهوة يلا
ومشيت روحت قاعدت معاهم وبعد كدة إنچى قدمتلهم القهوة واتفقوا على كل حاجة لكن قبل ما يقروا الفاتحة
بابا: إستنى يا عمرو عايز أقولك حاجة
عمرو: إتفضل يا عمى
بابا: إدخلى جوة يا إنچى
إنچى دخلت جوة وبابا حكاله على كل حاجة 
بابا: براحتك يابنى إنت لو دلوقتى مش عايز تتجوزها عادى
عمرو: لا أنا بردو عايز أتجوزها
بابا عمرو (وردة): إنتوا إعترفتولنا بكل حاجة ومضحكتوش علينا وإنتوا قولتوا إن إنچى مقاعدتش فى الملجأ غير يوم واحد وكانت لسة مولودة وبعد كدة إنتوا ربيتوها يعنى إنچى مش بنت ملجأ ديه بنتكوا
مامة عمرو: وإحنا واثقين فى تربيتكوا وإحنا عشرة عُمر وطول عمرى كان نفسى عمرو يتجوز إنچى بسبب أدبها ورقتها وأخلاقها العالية (سامحنى يارب 😂😂😂)
( إعتبروا إن أبو حسين ومحمد يبقى صاحب أبو عمرو )
وردة: يبقى نقرا الفاتحة
وقروا الفاتحة وماما ومامة عمرو زغرطوا ورحت أنادى إنچى عشان تعد مع عمرو
إنچى
دخلت قاعدت فى الأوضة مع البنات وقلقانة جدًا وعمالة أهز فى رجلى
روان: يا بنتى وترتينى حرام عليكى بطلى تهزى رجلك
أنا: خايفة يا روان خايفة
منة: من إيه
أنا: خايفة من ردة فعل عمرو لما يعرف الحقيقة مش عايزاه يمشى ويسبنى
حبيبة: بصى يا إنچى ده إختبار لعمرو والإختبار ده لمصلحتك يعنى هو لو عرف الحقيقة ورفض يتجوزك فإعرفى إن هو كان ممكن يغدر بيكى فى أى موقف تانى أما لو وافق فإعرفى إن هو عمره ماهيسيبك أبدًا
وبعدها سمعت زغاريط جاية من برا أنا قمت اطنطت تلقائى ولقيت الباب بيخبط
أنا: إدخل
حسين: مبروك يا نوچا وباس راسى يلا روحى اقعدى مع خطيبك
أنا: حاضر
وروحت الليڤينج لقيت طنط جت حضنتنى على طول ولبستنى إسورة حلوة أوى
أنا: إيه ده يا طنط
مامة عمرو: الإسورة ديه أنا مشترياها من زمان ليكى إنتى من وإنتى صغيرة وكنت مستانية اليوم اللى يخطبك فيه عمرو عشان ألبسهالك أنا: شكرا يا طنط
مامة عمرو: لا طنط إيه نادينى ماما إنتى بنتى أنا: حاضر يا ماما
وبعد كدة حضنتنى تانى وبعديها ماما (زينب) حضنتنى بردو
ماما (زينب): مبروك يا حبيبتي
أنا: الله يبارك فيكى يا ماما
بابا: مبروك يا حبيبتي يلا يا جماعة سيبوهم لوحدهم
ومشيوا وسابونى مع عمرو
أنا: ازيك يا عمرو
عمرو: الحمدلله وانتى
أنا: الحمدلله تعالى ندخل البلاكونة
عمرو: ماشى
ودخلنا البلاكونة (بصوا إحنا نسبهم مع بعض يتكلموا عشان أنا مش عارفة أكتب إيه)
حبيبة
كنت قاعدة مع البنات ولقيت تليفونى بيرن لقيتها ماما رديت
أنا: ألو يا ماما
ماما: أيوة يا حبيبتي تعالى بسرعة دلوقتى
انا: ليه فى حاجة حد حصله حاجة
ماما: لا يا حبيبتي بس فى حاجة مهمة عايزاكى فيها
أنا: طب متقوليها على التليفون
ماما: بقولك حاجة مهمة ومينفعش على التليفون
أنا: حاضر جاية سلام
ماما: سلام
أنا: يا بنات أنا راجعة البيت عشان ماما عايزانى
روان ومنة: ماشى
وعهد قاعدة سرحانة من ساعة ما اتخانقت مع محمد وخرجت برة لقيت طنط بتوقفنى
طنط: رايحة فين يا حبيبتي مش هتعدى مع إنچى
أنا: والله كنت عايزة اقعد بس ماما عايزانى فى حاجة مهمة معرفش إيه هى
طنط: ماشى يا حبيبتي
أنا: سلام يا طنط ولو سمحتى قولى لإنچى إنى كنت عايزة اقعد معاها بس ماما عايزانى
طنط: حاضر يا حبيبتي سلام
وروحنا البيت ولقيت
روان
كنت قاعدة مع البنات وتليفونى رن ولقيته تريزى
أنا: ألو يا تريزى
تريزى: ألو يا حبيبتي عاملة ايه
أنا: الحمدلله وانت
تريزى: الحمدلله إنتى عند إنچى صح
أنا: اه
تريزى: ماشى هعدى عليكى كمان شوية نخرج أنا: ماشى
منة
أنا: أنا زهقت يا جماعة
روان: كان نفسي أقولك وأنا كمان بس تريزى جاى يخرجنى كمان شوية
أنا: إنتى رخمة على فكرة يا عهد فكى بقى
عهد: حاضر
الباب خبط
أنا: إدخل
دخل حسين 😍😍😍😍
حسين: منة ممكن تيجى شوية
روان: ليه
حسين: عايز أقولها حاجة يا رخمة
روان: منة مش هتتحرك من هنا لو عايز تقولها حاجة قولهالها هنا
أنا: أنا جاية يا حسين تعالى نروح أى حتة بعيد عنها
حسين: ماشى 😂😂😂😂
ودخلنا بلكونة تانية غير اللى فيها إنچى وعمرو
حسين: منة بصراحة أنا..............
عهد
مش قادرة أنساه مش قادرة أبعده عن دماغى 😢😢😢😢 بس كان لازم أعمل كدة هو غدر بإنچى اللى أتربة معاها طول عمره يبقى أكيد هيغدر بيا
-----------------------------------------------------------
سورى على التأخير
تريزى عايز روان فى إيه؟
حسين قال لمنة إيه؟
محمد هيصالح إنچى وعهد ولا لا؟
رأيكوا؟