بارت كمان عشان القصة تخلص قبل الإمتحانات ،الفساتين 👆 سهيلة👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تانى يوم فى المول سهيلة دخلنا المحل اللى إنچى قالتلى عليه وإشتريت منه الفساتين وكانت تحفة فعلا إنچى: بصوا حسين قرر يعمل الخطوبة الأسبوع اللى جاى من غير ما يقول لمنة عشان يفاجأها وأنا قولت لبقيت البنات بس أهم حاجة محدش يقول حاجة لمنة أنا وروان: تمام إنچى: بس فى مشكلة وبصراحة يا سهيلة إنتى اللى هتقدرى تساعدينا أنا: إيه هى إنچى: حسين لو راح يحجز فى أى قاعة دلوقتى مش هيرضوا عشان هو المفروض يحجز قبلها بشوية فممكن أخوكى يساعده فى تجهيز الخطوبة on air أنا: اه ماشى هقوله وهخليه يجهز مع حسين المكان الكاتبة عدت الأيام وأخو سهيلة جهز المكان وجه يوم الخطوبة ومنة نايمة ولا على بالها ومش عارفة حاجة منة كنت نايمة وصحيت على حد بيطنطط عليا أنا: إيده إنتوا بتعملوا إيه حبيبة: قومى يا ماما إيه النوم ده كله أنا: ما أنا مش ورايا حاجة النهاردة روان: لا وراكى أنا: ورايا إيه؟ عهد: حفلة فى حفلة إحنا عايزين نحضرها يلا قومى يلا إجهزى عشان نروحلها أنا: وهنجهزلها من دلوقتى سهيلة: اه المسافة طويلة قومى يلا خدى دش وإجهزى إنچى: إستنى وفتحت دولابى وطلعت الفستان اللى كنت مقررة ألبسه فى خطوبتى اللى معرفش هى إمتى 😂😂😂 إنچى: إلبسى ده بعد ما تاخدى الدش أنا: لا الفستان ده هلبسه فى خطوبتى عهد: لا معلش إلبسيه المرادى أنا: لا حبيبة: يلا بقى هنبقى ننزل نشتريلك واحد تانى أنا: برده لا ده كان أحلى واحد روان: لا فى أحلى إلبسى ده يلا أنا: إنتوا ليه مصرين على ده فى إيه سهيلة: لا مفيش يلا بقى عشان خاطرى أنا إلبسيه أنا: طيب عشانك إنتى بس مش عشان الكلاب دول إنچى: يلا يا حيوانة إمشى من هنا ودخلت خدت دش ولبست الفستان وخرجت وقعدوا يجهزونى جامد واحدة تعملى شعرى والتانية تحطلى ميك أب وواحدة تحطلى مانيكير وواحدة بتساعدهم كلهم وواحدة فى الحمام بتجهز نفسها وبيبدلوا مع بعض لما اللى فى الحمام تخرج وتحط ميك أب خفيف وتعمل شعرها تسريحة بسيطة أنا مش فاهمة هما مهتميين بيا أنا ليه هو أنا هموت حبيبة: لا مش هتموتى ويلا قبل ما الحفلة تبدأ وروحنا فى عربية سهيلة ونزلنا فى حتة غريبة أنا: إنتى يا حاجة وديتينا فين سهيلة: وصلنا الحفلة أنا: حفلة إيه اللى ملهاش صوت ديه عهد: يلا بقى وبلاش لماضة ونزلت من العربية ووصلت فى حتة كدة فيها شجر عالى وكان فى بوابة أنا شايفاها هى مش بعيدة ومش قريبة بس مش شايفة إيه اللى جوايا روان: بصى إنتى تستنى لغاية ما ندخل وبعدين تعالى ورانا متتحركيش من هنا قبل ما نوصل أنا: ليه إنچى: قوانين الحفلة إن كل اللى فى أول إسمهم مين يدخلوا بعد صحابهم أنا: ليه حبيبة: منعرفش أنا: انا مبحبش أقف لوحدى بصى إحنا نقولهم إن إسمى ندى ويدخلونى وخلاص سهيلة: لا ما إسمك وصرتك متسجلين جوة عندهم أنا: ومين إدالهم إسمى وصورتى سهيلة: إحنا عشان ديه شروط الحفلة أنا: طيب أنا مستنياكوا هنا وراحوا وشوفتهم دخلوا روحت مشيت نحية البوابة وما قربت لقيتها إتفتحت وخرج منها حسين إيده الله شكله حلو فى البدلة ومسك إيدى ودخلنا جوة المكان لقيت أهلى وأهله وأصحابنا وبيسقفوا جامد وأنا مش فاهمة حاجة حسين فى ودانى: النهاردة خطوبتنا بصتله وأنا مصدومة وقعد يضحك لقيته خدنى من إيدى وقعدنا على الكوشة وخلصت مراسم الخطوبة الكاتبة وإتعملت باقى الخطوبات زى ما إتفقوا عليها وبعدين قرروا يعملوا فرحهم مع بعض والبنات هتشيل بقيت الفساتين لأى مناسبة تانية محمد فى إستراحة التمرين كنت بكلم عهد وخلصت مكالمة لقيت رامى جيه قعد جمبى رامى: بص يا محمد فى بنت أنا شوفتها فى الخمس خطوبات وباين عليها صاحبة البنات والصراحة عجبتنى أوى وكل مرة أحاول أروح أكلمها ألاقى حد طلعلى من تحت الأرض عايزنى أعمله حاجة أو أتكلم معاه ومن ساعة ما خلصت الخطوبات وأنا مش عارف أكلمها أنا: طب وأنا ديه أعرفها منين ديه رامى: ما هى عجبت ماما أوى فماما كانت كل خطوبة تروح تتكلم معاها وإتصحبت على أهلها وإتصورت معاهم بس نسيت أهم حاجة مخدتش رقمهم بص هى ديه صورتها وإسمها سهيلة تعرفها؟ أنا: اه أعرفها إستنى هكلمك إنچى أجيبلك رقمها رامى: لا هتلى رقم باباها أنا: ماشى رامى خدت رقم باباها وإتفقت أجى أتقدملها أحلى حاجة إنى ماما كمان بتحبها يعنى مش هيبقى فى مشاكل وروحت وإتفقت معاهم إنى مش هعمل خطوبة وهتجوزها فى نفس معاد فرح الباقيين طبعا قعدت أقنع فى سهيلة كتير على حكاية الفرح اللى بعد شهرين ده لغاية ما رديت أصل لو عملت خطوبة يبقى معاد الفرح هيبعد وأنا عايز أتجوزها بسرعة يوم الفرح كل البنات كانوا بايتين مع بعض فى بيت عهد وصحيوا على صوت المنبه وقاموا كلهم فى نشاط وجهزوا نفسهم وراحوا على البيوتى سنتر وطبعا أمهاتهم راحولهم على هناك وكله جهز وكانوا زى القمر وخرجوا من البيوتى سنتر وكل واحد خد أميرته وراحوا الفرح (الفرح كان فى مكان كبير جدا يكفى لست عرايس) وخلص الفرح وراحوا شهر العسل ورجعوا مصر لكن روان وتريزى راحوا تركيا وإنچى وعمرو راحوا اليونان وعاشوا حياتهم مع اللى بيحبوه
أهم حاجة فى الحياة ديه إنك تعرف تلاقى الإنسان اللى بيحبك بجد ومستحيل يستغنى عنك تحت أى ضغط من الضغوط ولأى سبب من الأسباب
(مش شرط يكون الشخص ده شريك حياتك ممكن يكون (أخوك -أختك-مامتك-باباك- صديق -صديقة) المهم إن يكون الشخص ده موجود فى حياتك)
-----------------------------------------------------------القصة خلصت أنا حاسة إن هى مش حلوة أوى يمكن عشان اول مرة أكتب رأيكوا وبكل صراحة وقولى إيه أكتر حاجة عجبتكوا وأكتر حاجة معجبتكوش
