فى المستشفى
أدام أوضة العمليات
إنچى وروان ومنة قاعدين بيعيطوا ومحمد حاطط راسه مابين إيديه وقاعد بيعيط فى هدوء وحسين بيهديهم كلهم
حسين
قاعد بهديهم كلهم لغاية ماهديوا إلا محمد
أنا: إنچى إنتى إتصلتى بحبيبة
إنچى: إتصلت كتير وتليفونها مغلق
شوية وتليفون إنچى رن
إنچى
أنا مش مصدقة إن عهد حاولت تنتحر ديه كانت بتتريق على الناس اللى بتنتحر وبتقول ده كُفر
لقيت تليفونى رن ورديت
المكالمة
أنا: ألو يا حبيبة
حبيبة: ألو يا إنچى معلش مسمعتش الموبايل عشان كنت عامله سايلنت عشان كنت فى السينما مع صالح إنتى مال صوتك
أنا: عهد حاولت تنتحر وإحنا فى المستشفى دلوقتى
حبيبة: إيه!!!!! مستشفى إيه؟
أنا:..........…..........
حبيبة: أنا جاية حالا
شوية وحبيبة جت هى وصالح
حبيبة
أول ما شوفت محمد مقدرتش أمسك نفسى وروحت وقفت أودامه وزعقت فيه
أنا: إنت إيه اللى جايبك هنا إنت السبب فى إن عهد حاولت تنتحر كل ده بسبب أنانيتك وأڤورتك إنت مبتحسش
صالح: خلاص يا حبيبة محمد فيه اللى مكفيه
أنا: لا مش خلاص عارف يا محمد لو عهد حصلها حاجة أنا مش هسكتلك وهتشوف منى وش تانى
صالح: خلاص يا حبيبة إهدى
صالح أخدنى وقعدنا شوية وبعدين الدكتور خرج وكلنا جرينا عليه
كلنا: خير يا دكتور
الدكتور: خير إن شاء الله هى حاولت تنتحر ونزفت دم كتير جدا بسبب إنها عندها سيولة بس من حسن حظها إن فصيلة دمها AB والفصيلة ديه بتاخد دم من أى فصيلة تانية فعرفنا ننقلها دم بسرعة
محمد: يعنى هتفوق إمتى
أنا: 😒😒😒😒😒
الدكتور: ممكن تصحى النهاردة بليل وممكن بكرة الصبح
منة: ممكن ندخلها
الدكتور: ممكن بس متزعجوهاش
أنا وإنچى وروان ومنة ومحمد وصالح وحسين دخلنا (وردة وتريزيجيه سافروا) ولقينا عهد نايمة على السرير وشكلها تعبان جدا وفى إيديها الإتنين شاش مكان ما قطعت شراينها وفضلنا قاعدين بصنلها كتير وبعدين دخلت ممرضة
الممرضة: الدكتور قال واحد بس بيات معاها
محمد: أنا هبات معاها
أنا: لا طبعا عشان تعملها حاجة
صالح: خلاص بقى يا حبيبة يلا نمشى
أنا: بس
صالح: مفيش بس يلا يا شباب يلا يا بنات
وخرجنا
محمد
أنا: إنچى ثوانى قبل ما تمشى عايز أتكلم معاكى
منة: خلاص إحنا هنستناكى برا يا إنچى
كلهم خرجوا إلا إنچى فضلت واقفة
محمد: تعالى نتكلم فى البلكونة
ودخلنا البلكونة
أنا: أنا أسف على كل اللى عملته وعارف إنى أڤورت فى رد فعلى وإن الموضوع مش مستاهل وكان لازم أتقبل الموضوع بس أنا بجد معرفش أنا عملت كدة ليه سامحينى يا إنچى أرجوكى
إنچى: مسمحاك يا محمد بس إنت ليه رجعت للشلة ديه تانى إنت مش قلت إنك مش هترجعلها تانى
أنا: بعد ما عهد قالتلى إنها مش عايزة تشوفنى تانى أنا إتكسرت جامد وملقتش نفسى غير وأنا بروحلهم
لقيت إنچى حطت إيديها على كتفى
إنچى: عهد مكنش قصدها كدة ده كان وقت عصبية لكن هى كانت محتجاك جمبها عهد اللى بتكره الإنتحار إنتحرت عشان فقدت الأمل فى إنك ترجعلها إرجع لتمرينك ولحياتك ولعهد يا محمد وإوعى تسبها مهما يحصل حتى لو هى اللى طلبت إنك تسبها متسبهاش أنا: حاضر
إنچى: سلام بقى عشان هما مستنينى برا
رحت حضنتها
أنا: إوعى تزعلى منى فى أى حاجة أقولها إعرفى دايما إنى بحبك ولو الواد وردة عملك أى حاجة تجيلى على طول وأنا أنفخه
لقيتها بعدت عنى وحطت إيديها فى وسطها
إنچى: لا متجيش جمب وردتى
أنا: بقى كدة طب يلا برا بقى العيال مستنيينك
إنچى: إنت بتطردنى
أنا: اه يلا برة
إنچى: طب انا بقول أروح أدور على جبهتى برا
وخرجت إنچى وفضلت قاعد جمب عهد بتأمل وشها وبشيل خصلات شعرها من على عينيها وفضلت جمبها لغاية ما الفجر أذن وقومت إتوضيت وصليت ودعيت إنها تقوم بالسلامة بسرعة وتسامحنى وبعديها غلبنى النوم
عهد
بفتح عينيا لقيتنى فى أوضة بيضا ببص جمبى لقيت محمد عيط من الفرحة مكنتش مصدقة إنه رجعلى فضلت بصاله شوية لقيته صحى
محمد بلهفة: إنتى كويسة؟ أنادى الدكتور؟
أنا: أنا كويسة إنت وحشتنى جدا
محمد: إنتى أكتر والله يا روحى ليه عملتى فى نفسك كدة؟
أنا: ملقتش جمبى حسيت إنى وحيدة الحياة من غيرك وحشة أوى
لقيته قام باس راسى وقعد تانى
محمد: سامحينى أنا مش هسيبك تانى وهفضل جمبك واول ما تخرج هنحدد معاد الفرح على طول
أنا: بجد 😍😍
محمد: اه بجد
ولقيت الدكتور دخل
الدكتور: إيده بقينا كويسين أهوه تحبى نجبلك دكتور نفسى
أنا: لا أنا خلاص إتعالجت
وضحكت وبصيت لمحمد
الدكتور: احم طب عن إذنك يا كابتن اكشف عليها
محمد: اتفضل
وكشف عليا
الدكتور: بقيتى كويسة أهوه تقدر تمشى بكرة
أنا: مينفعش النهاردة
الدكتور: لا مينفعش عشان ترتاحى وبعدين إنتى نزفتى كتير
شوية والشباب جم والبنات حضنونى جامد وقعدوا يلومونى عشان حاولت أنتحر وحبيبة وقفت أمام محمد
حبيبة: أنا أسفة على اللى قولتهولك إمبارح أنا كنت متعصبة وخائفة على عهد
محمد: ولا يهمك عادى
أنا: إيه اللى حصل
محمد: حبيبة إتخانقت معايا عشان أنا السبب فى إنك حاولت تنتحرى
أنا: إممممممم
وقعدوا معايا لغاية بليل وجه تانى يوم والشباب والبنات جم وإنچى جابتلى لبس ومشيت من المستشفى
-----------------------------------------------------------القصة فاضلها بارت أو إتنين وتخلص رأيكوا؟
أنت تقرأ
فتاة الملجأ 👩
Short Storyعندما تكتشف ان عائلتك ليست عائلتك ماهى ردة فعلك؟ ماذا تفعل عندما تفقد الثقة بكل الناس؟ ماذا لو وقعت فى الحب؟
