A beautiful feeling called... LOVE...

Mere baad.. meri yaad..!!

Kal agar main na rahu toh ashq na bahana,
Jo ho jau main dur tumse toh paas na bulana,
Yun toh hui hai galtiya tumse bhi kayi,
Agar mujhse ho gayi bhul toh mujhe bhul na jana...
Jo din dhale meri yaad sataye tumhe,
Toh un taaro mein mujhe dhund lena kahi,
Bas muskura dena ek baar dekh kar,
Soch kar meri naadaniya ho sahi...
Jo raat ko neend na aaye tumhe,
Toh band kar lena bas aakhen ko tum,
Shayad sun pao meri awaaz ko phir,
Ya ho jaegi ye duniya hi gum...
Jo sapne mein mera chehra dikhe,
Ussi bahane se mujhse mil lena,
Jo keh na paye mere hote hue,
Wo ankahi baat hi keh dena...
Jo kisi aur se yaad aaye meri,
Toh kuch pal saath uske bita lena,
Main na rahu toh kya hua,
Tum meri kami mita lena...
Jo subah mujhko paas na pao apne,
Haath badha ke chune ki koshish karo,
Malum hai main na hu uss jagah,
Par dil se apne ye saajish karo...
Jo call na aaye din bhar tumhe,
Toh ek baar number mila lena,
Jaante hue bhi ki uplabdh nahi,
Bas apni tasalli kara lena...
Jo phir shaam aaye bin mere,
Uss shaam ko hass ke bita lena,
Kuch dost ya koi cartoon show,
Ke saath hi mann behla lena...
Bas haste rehna tum sada,
Ye baat ko meri yaad rakhna,
Na dil se kabhi nikalna mujhe,
Bas apni yaadon mein kaid rakhna...