تعب الروح

بارت ١١

تعب_الروح١١
#زينب_الموسوي
بوسط هذي الحيره والضياع كان بالمعهد وياي رجال عراقي هو يدرس الطلاب على امتحان الجنسيه الامريكيه كان كبير بالعمر تقريبا ٣٧او ٣٨ اشتغل بالمعهد والبنات نبهوني گالوا عينه منج بس اني ماهتميت لان محتاره بلي اني بيه لااني متزوجه ولا هو مطلگني وحتى الشقه الي اجرناها بعده يدفع ايجارها   
بيوم عصر اني بالمعهد گاعده اللملم اوراقي واريد اطلع شفت الرجال اسمه عدنان يقترب مني وسلم وگلي
مس زينب ممكن اخذ من وقتچ واحچي وياچ بموضوع يخصني ويمكن يخصچ
اذا علمود الجدول ترى مو يمي
لا مو جدول اني صار فتره اسال عنچ وعن اهلچ واريد اجيب امي تتعرف عليكم
زين من سألت الناس مگالتلك متزوجه
انتي متزوجه ليش
لعد دافيك عليك عاقده بالمحكمه وبالجامع وزوجي اهله ميريدوني وباقيه انتظر رحمة الله بس انت رجال چبير ليش ممتزوج
اني هم دانتظر رحمة الله مثلچ اتزوجت بالعراق وسافرت وصلت لامريكا سويت معامله الها امي بقت لوحدها جبتها لامريكا ظلت تختلق المشاكل
وليش ماامك چانت تختلق المشاكل وهججتها للبنيه
لو السبب امي مكان لگيت محادثات بينها وبين الرجال الي تزوجته بعدين مس زينب مو كلشي ينحچي هي كانت تريد تطلگ ومخططه لگيت المحادثات گالت جهازي مشمور وامك ددسوي هيچ حتى تطلكني صدگتها وبقينا سنه شدت ويه امي طلگتها اول مطلعت العدى تزوجت الرجال الي كانت تراسله
اسفه مو قصدي اتهم امك بس الانسان دائما يخلي اللوم على غيره مو على نفسه
زين انتي شنو قصتچ
حچيتله قصتي واصلا معظم الي يشتغلون وياي يعرفون بيوم الاحد المعهد ينسد ماعندي دوام اندگت بابنا مره چبيره گالت لاخوي محمد اني ام عدنان وي مس زينب دخلت تعرفت علينا وظلت تگل لامي ليش متتطلگ منه شنو باقيه هيچ وعدنان ظل يوميه يحچي وياي بس كان عندي امل حمزه يرجع الي ويعوف   اهله اويقنعهم لذلك ماطلبت الطلاگ
مرت سنه ونص فاطمه رجعت لرجلها ورا مااشتغل واشترى بيت وزهراء اتزوجت من ولد وياها بالشغل اخواني دخلوا كليات ويشتغلون كلشي اتغير الا اني بقيت على حالي في ناس تتقدملي حتى مچنت اوصل خبر لامي كنت احلم بيوم يتصل بيه حمزه واجى هذا اليوم جاوبت التلفون
زينب باچر اتزوج بت عمي نرجس وانتي ورقتچ اليوم توصلچ
ماقصرت شايف خير
شراح تگولين عني بعد كم سنه من تتذكريني
انت گولي شگول
گولي مات الله يخليچ
وليش مااگول الحقيقه اختار الفلوس وعافني
والله مو هذا الصار.    اخر واحد يگول الله انت. الله راح يوگفك يوم الحساب ويسألك عن جرحي وكسرةگلبي
والله على عيني مو بيدي
رجال وتگول مو بيدي الله يساعدني اني شگول
سامحيني زينب
اذا گدرت تسامح نفسك اسامحك گولها حمزه خلصني من الوهم الي عيشتني بيه
زينب انتي طالگ طالگ طالگ  الله وياچ