تعب الروح

تعب الروح٥

#تعب_الروح ٥
#زينب_ الموسوي
قرب يخلص الاحتفال سالني راح تبقين ساكته احچي شنو الي يجبرچ على هيج شغله وبهذله
مو كل الناس تنولد تلكه ابوها دكتور حمزه گتلك ظروفي بس الظاهر منتبهت احنا ناخذ مساعدات من الدوله وهذا الشغل يدفعلي كاش يعني ميدرون بيه اشتغل اذا اشتغل بمكان ثاني العرب ميسكتون يخبرون واي شغل ثاني يريدوني الصبح واني عندي دراسه اني ادفع البيت وغاز وكهرباء من عمري ١٨سنه شايله الحمل وحدي اريد اخواني يوصلن لشهايد واتخرج وابطل
مو وضعيه هاي زينب اهلج لازم يشوفون حل اخواتچ يشتغلن
وحده حامل وتدرس ومطلكه والثانيه اخر سنه اعداديه وشايل حمل توصيل بالسياره دكتور ومدارس وسوگ
وانتي شنو جبل تشيلين كل هذا
يعني شتريدني اسوي بقت سنتين واني  اتخرج وفاطمه سنه واخواني يكبرون
كلش ماتحملت اشوفچ هناك
مدا اسوي شي غلط اعين اهلي احسن ميتشردون بالشوارع الله اخذ ابوي من وكت وامي مريضه كافي بعد لاتحجي بالموضوع
لاتضوجين انسي وخلي نتفرج
مگدرت انتبه على الاضويه شفت شريط حياتي كله گدامي من مخيمات اللجوء لوفاة ابوي لشغلي اتمنى ارتاح اعيش مثل باقي البنات بدون قلق وحساب القوائم  وياترى هذا الشهر اگدر ادفع لو لا والامتحانات ولاده فاطمه قربت وامي ومرضها وزهراء ضعيفه بالمدرسه وحمزه الي ادركت مراح يبقى وياي عيوني انترست دمع مااريده يشوفني ابچي واثير شفقته استاذنت ورحت للبيت وحتى بالبيت مااريد ابچي واخواني يشوفوني خليني بعينهم قويه گعدت يم زهراء اقريها ومن نمت الوساده احسن ستر للدموع مرت الاشهر بقى حمزه وياي يتصل نتشاوف بالكليه خلصت السنه الدراسيه نجحت زهراء وجتي ليلة ولاده فاطمه امي عدها قلب متتحمل هذا الموقف اتصلت بعمتها تروح وياي ولحگتني للمستشفى حمزه اول معرف اجى للمستشفى عرفت ابوه مسؤول قسم الاطفال وحب يعرفني عليه بعد ماالله سهل ولادة فاطمه بولد سميناه رضا شفت ابو حمزه وعرفني عليه حمزه سلم عليه بس موگف ومبين انسان متعالي حتى ابنه انحرج من تصرفه وخاصة من سأله شتسوي هنا راح ترجع البيت بنص الليل انتظرني اني اوصلك
بس حمزه مقبل يرجع بقى للصبح گتله روح نام ارتاح شعندك بقسم الولاده
فرصه ابقى يمچ على الاقل گاعدين موتركضين واركض وراچ زينب اني حاچي ويه امي حتى نخطبچ واعرف راح تگولين شغلي واهلي واذا اگلج اني اساعدچ راح تحكمين عليه اعدام لذلك هسه بس تتعارف العائلتين وخطوبه
شبيك اليوم مصخن شنو هاي التصريحات الخطيره اليوم
انتي ماعندچ وكت لتصريحاتي وتعرفين احبچ ليش مستغربه بعد
اگلك حمزه اني اليوم بجيت بچي مال سنه ليگدام وخفت على فاطمه وقررت مااسوي اطفال وانت اختاريت هاي الليله حتى تخطبني  باچر روح نام هسه ابوك ينتظرك
گولي موافقه واروح
طبعا موافقه بس خلي اشوف فاطمه وضعها وي هذا النذل زوجها هي عدها امل من يشوف ابنه يرجعها زين حبيبي انتظر شويه
شگلتي حبيبي لعد والله ماروح اليوم بلكي تگوليها مره ثانيه
دخلنا بمشاكل وي اهل حيدر رجل فاطمه لان ابنهم مكان يشتغل حتى يسدد حتى يدفع نفقات الطفل تحولت فاطمه على مساعدات الدوله
حمزه ماكرر موضوع تعارف لعوائلنا او خطوبه مره ثانيه واني ماگدر اسأله ليش  بدات الدراسه اخواني محمد وحسين متوسطه شفت زهراء ممقدمه على كليه
زهراء ليش ممقدمه على كليه
اريد اشتغل واعينچ حرام علينا بعدين اكمل
شنو هذا الحچي اني اشتكيتلچ
زينب انتي تطلعين من الصبح لليل بين الكليه والشغل متدرين الناس شتگول عليچ منظفه خدامه بالفنادق عوفي  شغلج واني اشتغل الصبح بدل الدراسه
اسمعيني زهراء فاطمه محمد حسين اني متحمله وممشتگيه لاحد المقابل كلكم توصلون شهايد متركون المدرسه. وحتى اني لواعرف اموت من الشغل خلي الناس تحچي شغلي مو عيب سنه واخذ الشهاده واصير احسن من هاي الناس الفايخه الي بس تحجي على الغير باچر تروحين تقدمين وشتريدين اني حاضره احسن ملابس جنط شالات اشتريلج بس درسين
قدمت زهراء على معاون طبي يطول سنه وست اشهر تقدمت الاشهر وصلنا لنهاية السنه حمزه عبالك فاقد الذاكره بعده وياي صح ونفس الاهتمام ويمكن اكثر بس موضوع التعارف والخطوبه ناسيه واني مذكرت الموضوع لان عيب وهمين انتظر اتخرج