الوجه الاخر

البارت ١

#الوجه_الأخر

همس القوارير

البارت الأول

هكذا هم البشر فبعضهم مثل بلسم للجروح وحين الاقتراب منهم والتعرف عليهم اكثر يكونوا هم سبب الجروح فالانسان لا يعرف اله بالعشره فلكل منهم وجه اخر يحمل معه الغش والخداع هكذا هم ابطال قصتي الوجه الاخر

كعدت الصبح وافتر بجامتي بالبيت ماكو احد البيت هدوء رحت فتحت الثلاجه طلعت جبن مثلث وبريد وسويتلي شاي وگعدت اتريگ اني ريم من واني صغيره احب الوحده والهدوء ما اگول اني مثاليه بس من منا لا يخطئ عشت طفولتي واحنا اثنين بنات واثنين اولاد وامي وابويه وأبويه يشتغل بالعقار وحالتنا الماديه الحمدلله والشكر ابويه حيل يحبنا ومددلنا بس ملتزم شوي يعني لبسنا الحجاب وعمرنا ٩ سنوات ونصلي ونصوم من الاول الابتدائي كانت حياتنا حلوه امي همين علمتنا هواي من معالم دينا وجانت تحجيلنا قصص اهل البيت ربينا بيئه متدينه وولائيه لهل البيت حفضنا منهاجهم والحمدلله كان يوم رمضان گعدنا عالسحور

امي

يلا ريم وميسم تعالوا تسحروا

ريم

اوكفي ماما والله نعسانه ما اريد

امي

لا ماما ميصير متردين بالسحور بركه گومي يروحي علمود نگعد نتسحر ونصلي ونام

ريم

گعدي ميسم اول وبعدين اني

جانو اهلي حريصين انو يسمونا كولنا نهاية اسمنا حرف الميم ما اعرف ليش مثلا اني ريم واختي ميسم واخوي هيثم واكثم جانت هيج اسمائنا  وجان تسلسلي قبل الاخير اول شي الاولاد وبعدين البنات وجنا گاعدين بشقه بيها ٣ غرف غرفه اني وميسم وغرفه هيثم واكثم وغرفه ماما وبابا وصاله كبيره بيها غرفة طعام وطخم قنفات وتلفزيون ننجمع بيه كولنا بس كان مطبخنا صغير ومرتب امي حيل نضيفه ومرتبه

المهم گعدنا نتسحر

بابا

شرايكم نبيع شقتنا ونحول غير مكان اوسع شوي

امي

لا عيني والله مرتاحين كولش هنا وجيرانا تعلمنه عليهم خوش ناس

بابا

مو حصلت بيت كبير ومنطقه حلوه وراقيه

هيثم

اني ابقى هنا ما اگدر افارگ جماعتي لان كلهم هنا تردون ترحون روحوا انتم

بابا

ههههه واني شعندي رايح لوحدي عود گلت اريحكم شوي

امي

الله يخليك ألنا ابو هيثم والله مرتاحين

كان الجو حار والصيام بيه صعب بس الحمدلله عطله وكنا نگضيها نوم نگعد وكت الصلاة نصلي ونضل نتفرج عالتلفزيون لو على الايباد بس مبيه نت لان بابا ميقبل بس امي وابويه واخواني عدهم نت والبنات لا وهمين كنا صغار منهتم هالسوالف اهم شي قناة الكارتون اهل ابويه قريبين علينا وابويه حيل حيل بار بأمه وجدي متوفي انتل بالماطور مالت المي ومات وتقريبا ابويه عمري ١٢ سنه وشافوا الضيم بصغرهم لحد ما تحسن حالهم كان روحه من الدنيا امه وامي همين تحبها ولا جانت تعارض من ابويه ينطي لامه او ياخذها للزياره او تجينا وتبقى عدنا كم يوم بالعكس جانت مداريتها حيل وتگول اني همين عندي اولاد واخاف من العاقبه ما عدنا مشاكل الحمدلله والشكر
اني جنت صف الثالث ابتدائي واختي بالاول كانت بينا حنيه بس اكو غيره شوي تعرفون عقول اطفال جنا حيل شطار دائما الاوائل
امي اسمها هديل وابويه اسمه محمد فد يوم اجتنا بيبي ام ابويه

وبقت عدنا برمضان كم يوم اسمعها تحجي ويه امي

بيبي ام ابويه

اكولج هديل اختج ام امجد شبيها ليش ما عدها حظ المسكينه

امي

والله يا عمه ما ادري من تطلگت وهي كارهه الزواج بعد تعرفين شلون المطلگه بمجمعنا عبالك الصوج منها

بيبي

لا يمه حشاها بنت اوادم والنعم منها بس هذا رجلها ما ينصلح حاله

امي

لا يا عمه شنو ينصلع ليل ونهار البطل يمه ويوميه كاتلها وشامرها بالشارع وابويه گال خلاص بعد ما ترجع تطلگ احسن وهي بعدها صغيره خليها تشوف حياتها

بيبي

يمه وأولادها اخاف ياخذهم

امي

لا عمه شنو ياخذهم المحكمه وياها ابوهم سكير وما كفوا يربيهم

ريم

ماما يعني خالتي راح تبقى بيت جدي يعني هيج مطلگه

ماما

اي حبيبتي راح تبقى بس هذه سوالف كبار معليج بيها روحي تفرجي عالتلفزيون

هيج جانت امي سياسيه ويانا تفهمنا وتوعينا ما تطردنا مثل باقي الامهات علمود نعرف شنو وميصير عدنا فضول ونتجسس او نتصرف تصرف غلط كانت صديقتنا مو أمنا