#الوجه_الأخر
همس القوارير
البارت الثامن
من بعد ما رجعت للبيت عبدالله فتح موضوع زواجنا ويه امي وابويه واتفقنا يسوونه بقاعه ويشترولي بدلة عرس ويحجزولي صالون وان الحگ اشتريلي شغلات الي ناقصتني وفعلا ضليت خلال شهر يوميه لو بين يوم ويوم اطلع اكمل تجهيز وحجزوا كولشي وجهزوا نفسهم واشترولي غرفه تخبل وكلما اشتري شي ادزها بيد عبدالله للغرفه لحد ما رحنا اني وامي واختي ورتبناها وجانوا فرحانين بيه حيل اقصد اهلي لان ما شاءالله عدهم خير من الله والحمدلله ماكو دوام صادف عطله رتبنا كولشي واجه يوم زواجنا طبعا طلعت جميله كولش ولبست البدله البيضه واني فرحانه احس روحي مثل الاميره وامي خطيه تبجي لان راح تفارگني واجه عليه عبودي حبيبي وطگينا صور لقطات جريئه وتخبل وجان طاير من السعاده دخلنا القاعه والعيون علينا مجان اكو هواي ناس اهلهم واصدقائهم قليلين واني همين عزمت اهلي واقاربي جانت كولش حلوه الحفله وبعدها تعشوا وزفونا للغرفه مالتنا لگيتهم خالين طاوله وعليها عشى وفواكه وعصاير وحلويات وكيك ممخلين شي مبين عليهم وجه خير بصراحه جنت حيل سعيده بزواجي وكولشي صار مثل ما اني اريد وصديقاتي انبهروا بزواجي دخلنا غرفتنا وشالني عبودي ونزلني عالسرير ويه بوسه من خدي گعدت وگومني وفتحلي السحاب ويبوس بيه عفته ورحت للحمام لبست روب نوم ابيض وفتحت شعري طلعت لگيته مغير ملابسه لابس تراك كاعد عالطاوله ويباوع عليه من فوگ ليجوه گعدنا تعشينا ورگصنا وبعدها صار الي صار والحمدلله بعدين نمنا وگعدنا الصبح على دگت الباب مالت ام عبدالله
ام عبدالله
گعدوا يا عرسان ريم دگعدي اجوي اهلج. جابوا الفطور وياهم
ريم
بلي ماما گعدنا شوي ونجي
فتت سبحت وغيرت وتعطرت وهمين كل شوي عبودي يبوسني ودخل سبح وغير ونزلنا سوه وبدت الهلاهل والدبكات من خوات عبود ونسيبهم وام عبود كعدت سلمت عليهم وبوست امي واختي وسولفنا وضحكنا ومخلوا امي تطلع اله تتغدى صعدتها بغرفتي
امي
هااا ماما شلونج بشري
ريم
لا ماما الحمدلله كولشي تمام
امي
عبدالله شلونه وياج حباب
ريم
كولش حباب ولا تنسين احنا نحب بعض كولشي حلو
امي
ربي يسعدكم يا ماما بس لا تنسين صلاتج
ريم
لا يا أمي كل الي ربيتيني عليه وعلمتيني عليه ما اضيعه بلحضه
أمي
الله يرضى عليج يا ماما
بقوا اهلي يمي للعصر وراحوا تدرون حسيت بغربه اول مره افارگ اهلي استوحشت المكان واستوحشت البيت امي جايبتلي وياها كيك وكليجه وبساكت تگول خاف تستحين تاكلين يم عيالج بالرغم هم ممقصرين خالين بالثلاجه مالتي حلويات وفواكه وكيك وعصاير بس مو اطيب من اكل امي بدلت العصر وتمكيجت واجتي خالته لعبدالله وبنت خالته يتباركولي اشو هذه بنت خالته تباعلي بطرف عينها اسمها ألطاف
ألطاف
هي هاي عروستك خبصتنا بيها اله تاخذها والله عبالي حلوه
ردت عليها اخت عبدالله
ليش عيوني شناقصها جمال ودلال لو لان ما اخذج ضليتي تخربين بينهم
ألطاف
لا عيوني الف واحد يتمناني بس عبالي تسوى
عبدالله
تسواج وتسوى عشيرتج
خله وطلع عبدالله وهي طلعت وراه للحديقه اني فرت عفتهم يسولفون وطلعت لگيتهم يسولفون ويضحكون من شافني سكت گتله من رخصتك عبودي اريدك اجه هو گوتله امشي وياي للغرفه
ريم
شنو قصتها بنت خالتك وليش هيج وياي
عبدالله
هذه جانت متعلقه بيه وعبالها اخذها اني حبيتج انتي واخذتج
ريم
ولي شفته قبل شوي سوالفك وضحكك وياها بشنو تفسره
عبدالله
اصلا هي تضحك لان رادت تستفزج وتگولي ما ادري بيك هيج تدافعلها گتلها مرتي وحبيبتي شلون ما ادافع
وحضني وباسني وبقينا گاعدين بغرفتنا من رادوا يرحون نزلنا سلمنا عليهم وراحوا من طلعت شفتها غمزلته وهو ابتسم سويت روحي مشفتهم تفاجئت من الموقف مالته بس عبرت وگلت لازم اكون حذره المهم بقينا جوه تعشينا وكملنا وطبعا نسيبهم ليل ونهار بالبيت تفاجئت منه لحد ما صعدت بليل لغرفتي سئلته لعبدالله
ريم
اگولك عبود هذا نسيبكم شنو يشتغل اشو ما شفته طلع من البيت
عبدالله
لا هو ما يشتغل بس يجيله مصرف من اهله بالخارج ويصرف
ريم
هو الشغل ترى مو بس فلوس الشغل نفوذ وشخصيه وذات
عبدالله
صحيح بس هو هيج وضعه يكول على شنو اتعب نفسي وديدزولي اهلي المكفيني وزياده
ريم
هاا وراح يبقى هيج بالبيت ليل ونهار ومنگدر ناخذ راحتنا
عبدالله
لا عادي اخذي راحتج شتردين تسوين سوي ترى امجد منا وبينا
تفاجئت صراحه وان يكن نسيبهم وعايش وياهم بس مو هيج اكو حرمه ميصير اني شعرف منه واخذ راحتي تفاجئت من رد عبدالله شنو هذا ما عنده غيره عليه والله ما ادري عفت الموضوع
گلت اني شعليه اني اسوي الشي الي تربيت عليه مرت اسبوع على زواجنا والحمدلله والشكر كولش سعيده لحد ما فد يوم ورى الاسبوع
همس القوارير
