#الوجه_الأخر
همس القوارير
البارت العاشر
من نزلت شفت امجد بالمشاي دياخذ من واحد فلوس واسمعه يگله والله اشتاقينا لفلوسك ولگعداتك ويشمها للفلوس تالي فاتوا بالهول دخلت لگيت زلم اثنين گاعدين شباب تقريبا اعمارهم ٣٥ سنه اجيت سلمت وگعدت بالبدايه جان عبدالله گاعد تالي گام صاح عليه الرجال
والله وعرفت شلون تختار يا أبو عبيد
عبدالله
شعبالك الناس أذواق
طلع عبدالله اشوف الرجال منزل عينه من عليه ضليت مدنگه واخاف اتحرك شويه وصاحت نجيه
نجيه
لج جيهان جيبي الصينيه يلا
دخلت جيهان جابت مشروب وخلته گدامهم ودخلت بنت ام محمد وراها جابت أرگيله وراحت شغلت جيهان الديجي وگامت ترگص گدامهم وهذا يشيل فلوس ويخلي بصدرها اني فكيت حلگي وعيوني صخام الصخمني شنو هاي وين اني شنو السالفه اجه امجد يرگص ويه جيهان تالي اخذها الي انطاها الفلوس ودخلو لغرفتها وهذا امجد بقى يرگص ولا جنها مرته الي اخذها بقى متونس ويرگص اجه عبدالله گعد يمي واني اخزره واباع للوضع وهو ممهتم بقى واحد گاعد
نجيه
گومي ريم رگصيلنا شوي لان بعد شيطلعها جيهان حتى لا نضوج
ريم
شنو الي ديصير انتي شتحجين عبدالله اشوفك ساكت وراضي
عبدالله
اسمعي كلام امي اني ما اطلع من شورها
نجيه
شنو الضاهر معجبج شغلنا حبيبتي هذا شغلنا يعجبج اهلا وسهلا ميعجبج ضربي راسج بالحايط مو زين صارلنا فتره حارمتنا من الشغل
ريم
لا طبعا ميعجبني انتم شنو بيت دعاره انتم ناس حثاله مستخيل اصير مثلكم
اجتي وجرتني من حجابي وشعري
نجيه
اسمعي ولج غصبن ما عليج راح تبقين هنا وتسكتين وترضين وتصيرين مثلنا لا أروح لاهلج وأكلهم هاي بنتكم تتحرش بأمجد عبدالله انطيني موبايلي
وطلعتلي صوره من جان حاضني امجد بالمطبخ الي سولفتلكم بيها
ريم
انتم شنو عصابه الله لا يوفقكم ولا يربحكم راح تگلبوها بينا هذا امجد القذر قبض ثمن مرته وهذا عبدالله دينتضر يقبض ثمني بس لا هذا حلمكم مستحيل ارضى بلي تسوونه انه مو مثلكم اني اهلي تعبوا بتربيتي مستحيل اخذلهم
نجيه
لا تصيرين وطنيه براسي مترضين اليوم ترضين باجر وغصبن عنج افتهمتي لو لا
عفتهم وصعدت لغرفتي ضليت ادگ وابجي وقفلتها عليه يمه شنو من ناس هذول شنو من اقنعه لابسين شلون غشوني شلون اني صدگتهم ياريتني سامعه كلامج يا يمه ورفضتهم شلون ياربي شسوي والله راح اموت هيج حياتي ومصيري راح يصير مستحيل اصير مثلهم اني مو من ثوبهم امي تعبت عليه لحد ما زوجتني وابويه عمره ما طبب الحرام لبيتنا وصلاتنا وصيامنا وقيامنا هيج اضيعه بغمضة عين لازم اعرف اتصرف لازم اسوي شي ما ابقى هشكل بقيت الليل كوله وحدي اجه عبدالله دگ الباب وشكله سكران
عبدالله
فتحي الباب ريمه اريد انام
ريم
روح نام يم امك يا عبد الشيطان انتم مو عبيد لله
عبدالله
فتحي الباب لا أكسره على راسج
ريم
اي سبع ما شاءالله روح جوه شوف الي يصير بأختك ونايمه بحضن منو يلا تتمرجل عليه
عبدالله
ولج ساقطه هيج منج وهيج منج كوله غلط وفشار
صاحت عليه نجيه
نجيه
انزل يوم عوفها باجر هي تنزل تبوس رجلك
ريم
ما عاش ولا كان الي يتنازل لحثاله مثلكم عوفوني لوحدي
خلوني وراحوا بقيت الليل كوله منمته اطول ليله بحياتي كانت اني شلون فتت هيج فوته ابويه من سئل عليهم گالوا خوش ناس معقوله الناس تخاف منهم لو شنو اخاف يجون يتونسون وياهم هنا والله مدافهم الي ديصير واخاف صودگ هيج يرحون يگولون لهلي ويشوفونهم الصوره وميصدگوني شنو الي ديصير لازم الگه حل ما ابقى هيج ثاني يوم الصبح گعدت لگيت عيوني مورمه من البجي وطالعتلي حراره على شفتي من القهر دخلت سبحت وطلعت شي اكل من الثلاجه وبقيت فوگ ما نزلت ابد شويه اجت جيهان دگت الباب
جيهان
لج ريم فتحي الباب اريد احجي وياج
ريم
انزلي جوه لو اشهركم اليوم بالمنطقه محد اله غرض بيه عوفوني
جيهان
هو شصار يعني حتى هيج تنگلبين علينا دنزلي اكلي على الاقل
ريم
گوتلج عوفيني هذا الشي عادي لان انتي رخيصه وبايعه نفسج والي يصير وياج ميصير وياي افتهمتي لو لا
جيهان
مصيرج تنزلين كولنا هيج بالبدايه تالي صارت السالفه زلاطه براحتج عيني ضلي حابسه نفسج
ضليت گاعده وابجي يربي شنو الي ديصير وشنو الحل وشراح اسوي ضليت اروح وارجع بالغرفه اكيد مراح يعوفوني لازم الگي حل بقيت اليوم كوله بالغرفه والموجود بالثلاجه اكله ويمي حمامي وبقيت اصلي وادعي ربي يخلصني من هالحثاله لان تعبت من التفكير ولا نزلت ولا مفكره انزل لازم الگي فد خطه او شي ما ابقى هالشكل
همس القوارير
