#الوجه_الأخر
همس القوارير
البارت التاسع
لحد ما عدى اسبوع على زواجنا گعدت على دگ الباب مالت غرفتي دگه قويه
ام عبدالله
يلا عيني گعدي كافي نوم خلص شهر العسل گومي ويانا اشتغلي
ريم
ان شاءالله ماما اغير وجايه وراج
گعدت عبدالله ومقبل يگعد گال نزلي واني وراج
سبحت وبدلت ولبست حجابي ونزلت لگيتهم گاعدين بالمطبخ ونسيبهم امجد يشرب أرگيله وام عبدالله تشرب وياه اني صفنت
ام عبدالله كان اسمها نجيه
نجيه
دگومي عيني لا تصفنين تريگي وروحي اغسلي الطرمه لان جابوا مسواگ وابو العربانه تلفها
ريم
ماشي يمه من عيوني
رحت اكلت واني واگفه وطلعت ارتب بالطارمه داگوم اشيل الزباله تكرمون واشوفه لمجد واكف بشباك الهول ويباع عليه من فوگ ليجوه اني ارتبكت ووگعت وهو گام يضحك اني كملت شغلي عالسريع ودخلت جوه تلگتني نجيه
نجيه
هههههه شبيج يگول امجد وگعتي معوده ميوگع اله الشاطر بس لا تأذيتي
ريم
لا مبيه شي سلامتج
نجيه
يلا عيني خنكمل شغل اليوم عدنا ضيوف بليل
ريم
اقاربكم راح يجون
نجيه
ههههه اي بلي اقاربنا عالعشى
ريم
اوكي تحبين اسوي فطاير بيتزا او دجاج مشوي
نجيه
لا عيني احنا منتعب نفسنا كوله جاهز من بره نجيبه
دخلت المطبخ ورتبت الغراض ويه ام محمد الي تشتغل عدهم مبين عليها فقيره بس بتها حيل مو مريحه اخذت الغراض مني ام محمد وگالت كافي انتي عروس صعدي واحنا نكمل الغدى طلعت ونسيت ما غسلت ايدي دأرجع اغسل ايدي اسمعها تحجي ويه بتها
ام محمد
والله كاسره خاطري هالبنيه مبين عليها فقيره وينها ووين هالسوالف
بنت ام محمد
تتعود لا تخافين عليها چنا افقر منها وصرنا شياطين
اني تفاجئت من كلامها ضليت واگفه متبسمره بمكاني لحد ما صاحت بيه اخت عبدالله الكبيره زوجت امجد اسمها جيهان
جيهان
هلا بعروستنا شنو اليوم اشو نازله من وكت
ريم
لا ماكو شي بس حبيت اساعدكم
جيهان عافتني ودخلت للمطبخ اني رجليه ثگلن وبديت اخاف مدري شنو حسيت وكتها يا ربي شنو ديصير اكو شي اني مدافهمه اكو شي غلط مو صح اكو شي حرام ومداعرفه شنو لغز غريب ومحير بالنسبه ألي المهم صعدت لغرفتي وگعدت عبودي ونزل جوه يتريگ واني بدلت ملابسي وتمددت عالسرير والف سالفه والف سؤال يدور براسي خابرت امي واطمئنيت عليهم وسولفت ويه ميسم وضحكنا شوي وامي توصيني يمه بيتج وزوجج وصلاتج وحياتج اوووو كوله نصايح اووف يا نبع الحنان اتمنا ابقى يمج ولا هالحيره كملت ونزلت تغدينا وغسلت وياهم مواعين وصعدت نمت شوي الضهر گعدت العصر نزلت جوه لگيتهم ديحضرون گلاصات وديشغلون ديجي ويسولفون ويضحكون اني گعدت يمهم
ريم
شنو اليوم حفله راح تسوون
نجيه
اي عيني حفله اشتاقينا للحفلات
جيهان
اگولج ريم دذبيه للحجاب والله انتي معقده خليج فري
ريم
لا شكرا اني مرتاحه هيج
كعدت يمهم راح نسيبهم جايب دجاج مشوي ومعلاگ وكرزات وكباب ومقبلات واكياس هواي ما اعرف شنو هي بدينا نحضر بالمطبخ
ريم
اگولج ام محمد كم نفر جايين اليوم
ام محمد
شباب اثنين يمه
ريم
شنو گرابتهم
ام محمد
اي يمه گرابتهم من بعيد بس احسلج لا تسألين هواي تتعبين
ريم
اني عايشه وياهم لازم اعرف كولشي
بقيت لوحدي بالمطبخ وهي طلعت مدري وين راحت شفت امجد دخل
اني كفيت نفسي
ريم
بلي خويه جوعان اصبلك شي
امجد لزم ايدي وحضني
اي بلي اريد اضوگ شفايفج
ريم
عوفني عزه بعينك ان شاءالله
ودفعته وطلعت من المطبخ بس ما اوصفلكم الحاله الي جنت بيها بحيث سويت الدرج خطوتين وجسمي كوله يرجف وريگي نشف وگلبي دگاته حيل سريعه دخلت وسديت الباب وراي همزين عبدالله مو بغرفتي چان لاحظ ارتباكي ياربي شلون مصيبه شحجي وشگول منو يصدگني صارله سنين وياهم يصدگوني اني الي صارلي يومين جايه والله ما ادري شحجي واخاف اگول لأمي تگولي عوفي كولشي وتعاي احترت وحيرني زماني منين طلعلي هذا المصخم شسوي ياربي لازم اتجنبه ولازم اصير حذره اي اني قويه رب العالمين وياي مراح يخليني بهيج موقف اكيد راح ينتشلني من كولشي مو زين بعد ما نزلت لحد ما صار الليل بقيت بغرفتي صاحت عليه نجيه
نجيه
لج ريم نزلي اجوي ضيوفنا تعالي سلمي
ريم
بلي يمه اجيت
لبست شي مستور ولبست حجابي ومكياج خفيف حيل ونزلت اوووف شمنتضرني جوه اوووف يا قهري وعذابي ياريتني ارجع لبيتنا ياريتني ما نزلت شنو من ناس هذول كانت المفاجأت مو على البال ولا عالخاطر
