#الوجه_الأخر
همس القوارير
البارت ١٢ والاخير
هيثم
يعني ليش بليل غير افتهم
ريم
هيثم حبيبي اليوم اريدك تثبتلي انت اخوي صودگ ولازم تسمعني وبعدين كولشي افهمك
رحت باوعت من الدرج ماكو احد گلت خاف يتجسسون عليه كولشي ويصير ورجعت
هيثم
كولش قلقتيني صاير شي
ريم
اسمعني الكلام بيني وبينك لا امي ولا ابوي ولا اكثم ولا ميسم يدري بيه بس اني وانت والله اليوم بليل خلي موبايلك مفتوح ولا تشغله بمجرد ما ادگ عليك تجاوبني وتسمعني وتنفذ الي اگولك عليه بدون نقاش
هيثم
ولو شي غريب بس ماشي انتصرج
ريم
دير بالك تتصل او تجي لعيالي او تخابر عبدالله الي يصير بيني وبينك
هيج اتفقت ويه هيثم
المهم العصر بدلت ونزلت براحتي وبقيت لليل يمهم وتعشيت وياهم وسوالف وضحك ونضرات امجد غريبه ألي وعبدالله شمئزت نفسي منه بالرغم ينضرني بنضرات اشتياق بس عفته وحگرته وحتى من يوجهلي كلام ما اجاوبه جابوا مشروب وبدوا يشربون حتى نجيه شربت وياهم واني صافنه عليهم اووف ربي بجاه كلمن اله جاه عندك خلصني بقينا لساعه متأخره من الليل تقريبا بالثنتين يلا ناموا صعدت لغرفتي وخليت جنطتي ورى الباب ونزلت تأكدت منهم كولهم نامو ودگيت على هيثم
ريم
الووو هيثم تعال عليه هسه
هيثم
شنو صاير متعاركه ويه رجلج
ريم
اي متعاركه تعال هسه بس لا تدگ الباب دگ عليه واني اجيك
هيثم
ماشي اجيتج
وفعلا ورى تقريبا نص ساعه ودگ عليه هيثم ونزلت جوه على كيف بدون محد يحس بنزلتي فتحت باب الحديقه واشوف ام محمد بوجهي
ريم
الله يستر على عرضج خليني اطلع واستر على روحي
ام محمد
روحي يمه روحي الله يستر عليج واني راح اسوي نفسي نايمه وما شفتج وديري بالج على روحج اني من الاول ما ردتج تتورطين وياهم ومن شفتج وافقتي متت قهر روحي يمه ربي يسهل دربج
بوستها وتشكرت منها وطلعت لگيت هيثم جاي بسيارة بابا ركبت وياه وگتله اطلع
هيثم
شنو صار فهميني
ريم
بلبيت احجيلكم
وصلت للبيت امي وابوي واخواني نايمين اضطريت اگعدهم ما اگدر اخلي السالفه للصبح خطيه اجوني مخترعين حضنت امي وضليت ابجي
امي
عزه شصاير شنو جايبج بهالليل
سولفتلهم السالفه كولها من دخلت بيتهم لحد هاي جيتي بالتفصيل امي ضلت تضرب على وجها صخام ان شاءالله ربي احمدك واشكرك رحمت بحالنا وابويه خطيه صعد ضغطه وضل يصيح ويتوعد بيهم وگال باجر من الصبح قبل لا يگعدون نرفع قضية طلاگ وانطيته موبايلي لان بيه تسجيلات لان لصالحنا حتى منخسر شي المهم وفعلا من الصبح رحنه رفعنه قضية خلع واشتكينا عليهم طبعا ما اعرف شسووا من ما شافوني الصبح ماكو ورى يومين اجاهم الادعاء ولازم يحضرون المحكمه ووگفت گدامهم بحجابي وبكابي وبستري وبهيبة ابوي واخواني وبتربية امي وواجهتهم بكل قوه وحكمتلي المحكمه بالطلاگ الخلع لان مستحيل ارجع وعبدالله وامجد شردوا خافوا لا ينحبسون ضلت بس نجيه وجيهان وبنتهم الصغيره الي اكيد راح يعلمنها مثلهم ما يهمني شي بعد كانت تجربه بحياتي حيل قاسيه اني حاليا متطلگه وكاعده بيت اهلي ولا مفكره اتزوج الحمدلله تخرجت بلرغم اول سنه ورى زواجي عانيت شويه وعدت السنه بس گدرت اتغلب على مخاوفي وگدرت اثبت نفسي اختي ميسم تزوجت ابن عمتي وهيثم همين واكثم تزوجوا واني يجوني خطابه بس صعب اثق بأحد من جديد بصراحه مرتاحه وحرة نفسي ويجي يوم واتزوج ما ابقى هالشكل بس بعدني ما مستعده للزواج نصيحتي الكم لا تثقون بالبشر اكثر الناس تلبس اقنعه رحمانيه وبداخلها شيطان لا يضحكون عليكم بالكلام المعسول والاسلوب الراقي ترى الانسان ميبين اله بالعشره اهم شي بالحياة انك تكونين گد الثقه الي منطيها الج اهلج وما تخذليهم ولازم تاخذين بنصيحتهم لان هم عقولهم اكبر وتجاربهم اكثر فأكيد يفكرون بمصلحتج اكثر منج لا تنجرفين وراء العاطفه ودعي امورك كولها لله هو مدبر الامور وهو اكيد يختارلنا الافضل مع تمنياتي لكم بالتوفيق واتمنى اسمع ارائكم ودمتم سالمين همس القوارير
