#الوجه_الأخر
همس القوارير
البارت الخامس
بعد ما تعارفنا ضلينا يوميه نلتقي بالكفتريا وبليل نحجي بالموبايل طبعا اختي ميسم تعرف بعلاقتي بيه وصديقتي تهاني بديت احبه واحب اطباعه وسوالفه ووعدني ميعوفني ابد ضلت علاقتنا نطاق الكليه والتلفون مسجات ورسايل او اذا صحتلي الفرصه اتصال خطبنا بنت خالتي لخويه هيثم ويسوينالهم حفله كولش حلوه كول الاهل والاقارب اجتي فد يوم دنحجي اني وعبدالله
عبدالله
باعي ريم خاف نتزوج ترى من هسه اگولج نسكن ويه اهلي اكو غرفه بالطابق الثاني راح نسكن بيها اني وياج راح اعدلها وأرممها ونصبغها واشتريلج غرفه تركيه ونسكن
ريم
اي حبيبي عادي وين متريد اهم شي نكون سوه ميهم المكان
عبدالله
وهمين اكو بعد شغله بس لا تضوجين
ريم
لا حبيبي گول يمكن تعجبني
عبدالله
اني عندي اهم شي بالدنيا أمي يعني كلامها مسموع وهي الاولى وانتي الثانيه
ريم
لا بالعكس اذا مبيك خير لأمك مبيك خير ألي وهي شنو راح تأثر علينا اذا تشوفك انت مرتاح وسعيد هي همين راح ترتاح
عبدالله
بارك الله بيج يا بنت الاصول هذا العشم منج
ضلينا هيج حياتنا حلوه گمت اشوف الدنيا بألوان من بعد ما جانت ابيض وأسود صارلها طعم ولون صرت احس اني عايشه من صودگ هواي أمور تغيرت بحياتي كمت اهتم لنفسي اكثر حسيت اني مهمه اكو احد يحبني ويهتم بيه غير ماما وبابا
فد يوم جمعه وگاعدين نتريگ اني وماما
أمي
اگولج ريم اشو هالايام متغيره هواي متگعدين يمنا مثل قبل وملتهيه ووجهج صاير حلو شكو خير ان شاءالله
ريم
لا ماما سلامتج ماكو شي شنو السالفه شتمتغيير بيه
أمي
باعي اني ربيتج وكبرتج وعشت وياج ٢٠ سنه اعرفج شنو انتي واعرفج من تتغيرين واعرف شنو سبب التغير
ريم
هاااا كولشي ماكو شبيج ماما ترباتج اني
أمي
اني مو غشيمه ولان ترباتي اعرفج وخايفه عليج خلي ابوج واخوانج گدام عيونج وحاولي لا تغلطين والخبر اليوم بفلوس باجر اسمعه منج وبلاش
عفتها وطلعت من المطبخ لان بعد كلمه وحده واعترفلها اني الي دخلت الدواعش للموصل ههههههه
فعلا امي تعرفنا وتعرف شنو بينا من غير منحجي بس جنت انتضر يوفي عبدالله بوعده ألي واصارحها بكلشي ضلينا هيج فتره كملت المرحله الاولى والحمدلله نجحت وعبدالله نجح همين وعطلنا بقينا على تواصل بالنت والمراسلات واكثر من اربع مرات لح عليه يشوفني يعني نطلع سوه بس اني مقبلت لان جنت خايفه على سمعة ابويه وخواني صحيح الي دأسويه غلط بس مو بيدي حبيته حيل وما أكدر امنع نفسي عنه مرت الايام واليوم عليه بسنه وتقريبا صارلي شهرين مشفت عبدالله الى ان بعد الحاح منه طلعنا اني وأمي وأختي تواعدت وياه اشوفه بالطريق وفعلا بس مجرد تعديت يمه وعيونا التقت اوووف شكد حب واشتياق بداخلي أله شگد جنت اتمنى احضنه وابوسه اوووف خلينا ورجعنا ومن وصلت دگ عليه
عبدالله
حبيبتي ميت عليج وعلى شوفتج اريد احضنج
ريم
يا عمري واني اكثر
عبدالله
ريم شنو رايج اجي اخطبج
همس القوارير
