#الوجه_الأخر
همس القوارير
البارت السادس
عبدالله
ريم شنو رايج اجي اخطبج
ريم
صودگ تحجي والكليه
عبدالله
نكمل سوه اني وياج شتگولين
ريم
طبعا موافقه شلون عبالك ارفض
عبدالله
باعي باجر اخذي رأي امج ورديلي خبر حتى اودي امي
ريم
ماشي حبيبي يوم المنى هذا
وفعلا اتفقنا اني وعبدالله انو نكلم اهلنا وننخطب ونكمل دراسه سوه وهمين ميقبل الخطوبه تطول لان احنا متعرفين على بعض اصلا ثاني يوم الصبح گعدت احجي ويه امي
ريم
صباح الخير ماما
امي
صباح النور شنو اليوم گاعده من وكت اكيد عندج سالفه
ريم
ماما انتي مينضم عليج شي شنو عبريلج شي
امي
لا حبي خبز ايدي وأعرفه وانتضرج تحجيلي اتصور أجه هاليوم
ريم
باعي ماما هذا طالب وياي بالكليه ويريد يجي يخطبني ونكمل دراسه سوه
أمي
اولا هالشي غلط انج تصادقين واحنا منطينج ثقه كامله
ريم
صح ماما والله غلطانه بس الولد قصده شريف ويريد يجي يخطبني وثانيا شنو
أمي
ثانيا راح تلتهين عن دراستج وهو همين وثنينكم راح ترسبون
ريم
اوعدج انجح واذا منجحت طلگيني منه
أمي
ههههه هاي شلج بيها احجي ويه ابوج ونشوف شيگول ويصير خير ان شاءالله
ريم
يا بعد عمري ربي يخليج ألي
امي
بس همين ممقتنعه لان اتمنى ما تأثر على دراستج
ريم
گوتلج والله متأثر اوعدج انتي بس احجي ويه بابا
طبعا خابرت عبدالله وبلغته وكولش فرح واني همين فرحت وبابا همين اقتنع وگال خلي يودي اهله ونسأل عنه واتفقنا امه واخته ومرة اخوه يجون يشوفوني صادف يوم اربعاء ورحت سرحت شعري وخلتلي ماما مكياج خفيف ولبست بنطرون جينز وتشيرت وردي وازرگ كولش حلو صرت مرتبه ونازكه وجبنا كيك وحلويات وعصائر جاهز ورتبنا البيت وانتضرناهم اجوي تقريبا الساعه بالخمسه واستقبلناهم بالاستقبال فاتت بالبدايه امه اباعلها من الشباك عبالي مره كبيره هي كبيره بس ممبين عليها داگه الحواجب تاتو وخاله مكياج هوايه ولابسه كوستم رصاصي بالرغم هي سمينه وخاله الحجاب على راسها ومطلعه شوي من گذلتها واخته ومرة اخوه نفس الشي حيل مهتمات بنفسهن
بيني وبين نفسي يا حبيبي نلاصت السالفه هذه مو خوش بدايه اجتي ميسم تركض
ميسم
عزه بعينج شنو گايلتلهم عدنا حفله اشو عبالك جايات من صالون
ريم
دسكتي اني بروحي تشأمت من امج هسه تطلع عينهم
ميسم
وانتي اختاري عدل اذا جايبتلنا فيفي عبده وتريدنا نوافق
ريم
هههه ولج سكتي خلي نشوف شنو تاليتي
ميسم
تاليتج معروفه رقاصه يا بتاعت الكبريه
ريم
هههههه سمسم عوفيني بربج خلي افوت ولا تضحكيني اوكي
طبعا فتت وهم عينهم عليه قدمتلهم العصير وگعدت
ام عبدالله
ثاريك مو هين يا عبيد عرفت شلون تختار جمال ودلال
ام ريم
عيونج الحلوه حبيبتي هذا شرف ألنا
طبعا منزلوا عيونهم عني واحس بدن يسولفن بيناتهن ويتهامسن وعبدالله كل دقيقه يدگ يريد يعرف شنو الاخبار گعدنا سولفنا وشويه اسئله وتالي طلعوا گنالهم كم يوم ونبلغكم برئينا
امي
لج ريم شنو هذول اي التزام ما عدهم من صودگ انتي
ريم
ماما شعلي منهم اهم شي هو يصلي ويتوضف ان شاءالله
امي
مستحيل اقبل هذه امه مبينه وحده لسان وتخوف اني ما أذبج هيج ذبه
ريم
لا يا بعد روحي وافقي لا تكسرين گلبي
امي
ماما صدگيني لمصحتلج هذول مو مال واحد ينطيهم مره
ريم
اني اتحمل كولشي فدوه ماما لخاطري
امي
والله ما ادري شگولج شلون اقنع ابوج واخوانج بهيج ناس
ريم
من سحرج الخفي ولسانج العسل حضنتها وبستها حاولي فدوه
طبعا گوه اقنعت امي توافق وتقنع بابا ومقبلت اله ان شافتني اصريت ومحبت تكسر خاطري وفعلا قنعت ابويه وابلغناهم بموافقتنا وطرنا من الفرح اني وعبدالله
همس القوارير
