#حياتي_الضائعه ج 2
#قصةحرمان ..
..
مرّ اليوم كله خوف وقلق توترت حتى من صوت العصافير بالسمه افزّ
بقيت اتحسس من كلشي مرة اتذكر واحس بشهوة ورغبه ومرة ألوم بنفسي ع الصار واكول غلط وشلون هيچ خليته والمفروض اطرده واصده ..
قضيت اليوم وي نرجس شغلت التلفزيون ولهيتها بالالعاب ماطلعت نهائيا وبقت الباب مقفوله من جوة وشغلت نفسي بشغل البيت والتنظيف والمطبخ لحد ماصار موعد جيت محمد رديت الباب ودخلت لجوة دخل محمد بدل ملابسه واني خايفه چنت كلش حاسه بنفسي مسويه غلط وخفت يحس بيه لو يشك
خليت صينيه الاكل وكعدت كباله صفن ببوجهي
توترت اكثر
گلي ..هاي شبيچ وجهج اصفر !
هااا .. شبي اصفر شمدريني ماكو شئ
أشر باصبعه .. سمعي لچ بس لا مريضه وتردين ترحين لاهلج !
گومي بلعي دوه مسكن اي شي ومابيچ شئ تصيرين حصان يلا وسويلي چاي
هاا .. أي صار هسه كمت ركض للثلاجه بيها ادويه طلعت من صدگ وبلعت وشربت مي وسويتله چاي وخايفه كلش مااعرف أضم واني بطبيعتي بسرعة يبين ع شكلي اذا بيه شئ
ونسيت اكللكم اهلي بغير حي بعيد عن مكان بيت محمد يعني اذا اروح الهم ابات لو ابقى يومين ومحمد مايقبل تعود ع خدمتي اله ولأمه بس بالعيد اروح وارجع نفس اليوم
اخذت الجاي ورحت اصب جرني من دشداشتي واشرلي امرغله هزيت براسي وكمت مرغتله وارجف شفته استرخى وطلب حقه مني بوكتها رفضت وجانت اول مرة ارفض لأن قبل ماببالي غيره بس هسه اختلف الوضع بعد اللي صار وي أكرم الصبح مااعرف تغيرت مشاعري وكرهته لمحمد
صار عصبي ورفسني حيل برجله وكام للغرفه وطبگ الباب حيل ماادري شحسيت بوكتها بس چانت اول مرة احس بنفسي مستقله وعدي رأي رغم الخوف اللي حسيته بوقتها
دخلت للمطبخ وكملت شغلي ونرجس بين رجليه تزحف تمنيت ابقى برة وماادخل للغرفه بس صار الوقت متأخر دخلت لكيته نايم بدلت نزعت الدشداشه وتمددت بالكاع بس ما غفت نرجس غفيت شويه ومااحس الا ومحمد يجرني من شعري وسحلني وايده ع حلكي وملخني كطعني بوكتها انتقم مني لأن رفضت انطي حقه وصار متوحش يضرب ويتونس بنفس الوقت لحد مااكتفى من حاجته شمرني بالكاع وراح للحمام لفيت نفسي بالبطانيه وظليت انشغ وابجي واتمنى اموت واخلص منه
صارت عدي حاله غريبه بوكتها تنرفزت وجسمي بقة يرجف
دخل من باب الغرفه وجان سابح وملفلف رأسه بمنشف طفرت بلا شعور من مكاني وهجمت عليه وكمت اضرب بي واگله حقير وحيوان تفاجأ من تصرفي ودفعني حييل وگعت بالكاع وظل يضرب بيه ويسب ويغلط
ماحسيت بشئ بعد غوشت عيوني ودخت ورة مااعرف شكثر من الوقت اسمع صوت يم رأسي لفيت نفسي بالبطانيه انتبهت اكثر شفته رجال بيده سماعه وجهاز ضغط يمكن وضربني ابرة بالوريد وباوعلي بشفقه وهز برأسه وطلع من الغرفه
سمعت صوت محمد دخل ويعاين بغضب وبحقد نرجس نايمه خطيه ماحست تمدد بصفها ودار وجهه عني
بقيت الوج للصبح
تذكرت اللي صار وخفت منه كلش
شراح يسوي بيه محمد بعد هالتصرف مني ومن تجي امه يحجيلها وتنتقم مني بطريقتها
عمري مارفعت صوتي عليه ولا صديته
چان رغم اللي يسوي ووحشيته وقسوته وياي مياذيني بس هسه غير لأن أني أسأت التصرف
لمت نفسي ..
أي اني غلطانه ..
لا ليش غلطانه ..
يمكن اللي صار بيني وبين أكرم غّير كلشي وشجعني اتمرد وادافع عن حقي الضايع
عمري چان بوقتها 15 سنه وعشت محرومه من كلشي مچان يقبل أطلع لأي مكان غير الطبيب وبيت امه ومراااات للسوگ
واهلي بس بالعيد اروح ويحزن ويظل يتعارك وياي اذا أتأخر ..
كل هذا تحملته واكثر وهسة شنو !
بلحظه فقدت وهجمت عليه ومااعرف شراح يصير ولا شنو مصيري بعد هالليله الگشرة ..
الصبح كعدت ع صوت نرجس تبچي كمت شلتها شفتها صفنت ببوجهي استغربت مني
بست أيدها اشرت ع عيوني
رحت بالمرايه اعاين شهگت ولطمت ع خدي صرخت نرجس وخافت انصدمت لمنظر وجهي المشوه عيوني مزورگه من الضرب وخشمي بي دم يابس ولاحسيت ولاانتبهت بقت نرجس تبچي كعدت بالكاع انهاريت
احتقرت محمد تمنيت اقتله حقدت عليه بشكل مينوصف
سحلت نفسي للحمام كوة وسبحت كلت بلكي اهده شويه
كلما تصير مرايه كدامي اوخر ماريد اشوف وجهي
البيت شكبره صار بحجم الصندوق اختنكت بقت نرجس تبچي ولا سكتت ابد انهاريت اكثر من صوتها
قريب الظهر فتحت الباب وكعدتها بالباب حتى تسكت واني دخلت للغرفه ارتبها وابدل بملابسي سمعت حركه وراي بالغرفه التفتت شفت أكرم
صرخت اشرلي اششش
رنا شكو شصاير يمعوده !!
عبالي من الصبح تتطلعين واشوفج بس لا ضجتي من تصرفي البارحه !!
أكرم ابوس رجلك اطلع شلون طبيت ع ساعه ويجي محمد اطلع دفعته جنت لابسه دشداشه خفيفه
انتبه لوجهي اكثر وعيونه طفرت من الصدمه جرني و شبگني لزم وجهي وعيونه بيها نار ليش هيج مسوي بيج بن الكلب اذا مارديتها اله اني مو رجال وشوفي يرنا !
صدگ انهضمت وبجيت بحرگه
خلا رأسي بحضنه وباسني بگصتي
أهدي حبيبتي اني يمج لاتخافين زين !
هزيت براسي وابتسمت
صدقه لله شنو هاي الابتسامه ردتلي روحي يلا دير بالج واني أعلمه لمحمد
بعدين
راح وطلع صدگ حسيت بظهر وراي اكو لأن محد يمي وماعدي أحد يحميني من محمد حتى اهلي اذا افتهموا ميسوون شي يطلع الصوچ بيه ويكللهم هجمت عليه وضربتني ويطلع منها وابقى اعاني وياه
كملت شغلي سريع وخليت مكياج كلت بلكي يروح اثر الضرب وفتحت شعري صارلي واهس وأمل جبير بالحياة اكثر من قبل بفضل أكرم ونرجس التهت بملاعيبها وعدها عربانه اكعدها بالباب حتى تتسلى عني واني چنت بوضع ميتحمل
رجع محمد كالعاده من الشغل بس هالمرة گالب الوجه
جاب مسواگ وفواكه شافني مرتبه نفسي تعجب وسوة نفسه مامهتم
دخلت للمطبخ وفتحت العلاليگ إجه وراي شبگني دفعته ولزمت سچينه بيدي
وخر ّعني احسلك
ضحك وهز بيده ..
هالايام هواي تتابعين افلام ومتاثرة بالمسلسلات جرّ ايدي ولواها لورة حسيت بعضام أصابعي تكسرت صرخت واجاني الراشدي انسدت آذاني
بقيت ابچي واصيح وديني لأهلي ماريد ابقى وياك طلگني واصرخ
المطبخ ع الشارع مااعرف صوتي يمكن نسمع لأن تكسرت الباب محمد گلي نفسّچ ميطلع افتهمتي ؟
خزرني وطلع واني الوج من الألم اصابيعي متكسرة وتوجعني كلش
نرجس تبچي واسمع صوت زلم وهوسه
كلشي ماافتهمت من السالفه بس محمد يصيح ظل واجت دوريه شرطه لبست عباتي وشلت نرجس بالايد الثانيه شفت محمد ضربوا وصعدوا بسيارة الشرطه وأكرم واكف چان لبست عباتي
كلي جيبي مفتاح البيت وتعالي اني ركضت للغرفه وارجف وخايفه كلش جبت جنطتي بيها مفاتيح البيت ورحت قفلت الباب اخذني أكرم وجيراننه ابو صاحب رجال جبير إجه ويانه أكرم اخذ نرجس مني هدأت شويه لأن بقت بس تصرخ وربكتني كلش
ابو صاحب گلي عمو احنا سمعناه يضربج ونشهد ضده بالمحكمه ليش ساكته بنتي شوفي وجهج شلون صاير
أكرم كلي لاتخافين ام نرجس أحچي كلشي للضابط شاف ايدي عاوجتها چنت وفقدت الإحساس بالالم بعد الهبطه
اشرلي أكرم ع ايدي كمت ابچي مااعرف شكول بعد ولا شلون اتصرف
كتله فدوة اريد ابوي لو واحد من اهلي
..
يتبع ..
#قصةحرمان
