Untold Feelings

Litrato

(A/N: The topic is given by @misisnibwii hope you like it kkkk )

------------🌹

Araw na tayo ay magkasama
Mga panahong tayo ay nag-aasaran pa
Tila ba ito ay kumpleto na
Basta't kasama kita

Pero simula ng nagkalayo
Tanging natira na lang ay litrato
Na siya pang iyong regalo
Nung panahong masaya pa tayo

Panahong walang pinoproblema
Basta't magkasama tayong dalawa
Panahong tayo ay masaya
Dahil sa kakulitan ng isa't isa

Pero bakit ngayon ay iba na?
Hindi ka na ba masaya?
O talagang hindi mo na kaya?
Hindi na kaya na ako ay mahalin pa

Pero bakit di ka nagsasalita?
Kung ano ba ang problema
Para naman ako ay makapaghanda
Kung sakaling susuko ka na

Susuko sa ating pinagsamahan
Susuko sa pangakong ating binitawan
Na kailan man ay hindi mag-iiwanan
Kahit pa tayo ay pahirapan

Litratong regalo mo
Ang tanging pinanghahawakan ko
Dahil hanggang nasa akin ito
Sinabi mong hindi mawawala ang salitang tayo

Pero hanggang dito na nga lang ba ako?
Patingin tingin sa ating litrato
Humihiling na sana hindi nagbago
Ang pagmamahal na ipinaparamdam mo

Kaya ko nga bang mawala ka?
Ang tao na para sakin ay mahalaga
Kakayanin ko ba?
Kung malaman kong may mahal ka ng iba

Mahal na mahal kita
Pero sana magsalita ka na
Kasi ayokong mahirapan ka
At ayoko ng masaktan pa

Gusto ko mang lumaban
Pero siguro ito na ang katapusan
Dahil litratong ito ay akin ng bibitawan
Kahit puso ko ayaw kang pakawalan

Kalimutan na natin ang lahat
Para tayo ay mas maging masaya
Dahil ito din naman ang dapat
Upang puso natin ay tuluyan ng lumaya

Ang litratong naging patunay
Sa bawat pangakong iyong binitawan
Noong buhay natin ay punong puno ng kulay
Ngayon ay malaya na sa kalawakan

Pero kahit ito ay malaya na
Ang panahong tayo ay magkasama
Ang litrato nating dalawa
Ay magiging isang masayang alaala