Untold Feelings

Hagdan

------------🌹

Noong una ay di magkakilala
Tila tayo ay nagkakahiyaan pa
Pero noong aking malaman na
Aking kaibigan ay kaibigan mo pala

Doon nagsimula ang kwentuhan
Kwentuhang di alam ang patutunguhan
Mula sa estranghero ay naging kaibigan
Kaibigang hindi inaakalang magugustuhan

Ikaw ay di sinasadyang matipuhan
Dahil puso ko ako'y kinakalaban
Pinipilit mang hanggang dito na lang
Sarili ko ay walang magawang paraan

Akala ko ako ay iyong iiwasan
Pero ako yata ay nagkamali na naman
Panahon ay tila naging hagdanan
At tayo' ang huling aapakan

Pagkakakilala natin ang unang hakbang
Pagkakaibigan ang pangalawa
Pangatlo naman ang aking nararamdaman
Pangapat ang iyong sinabing mahal kita

Sana ay hindi matapos ito
Hindi masira at maging abo
Sana ay walang magbago
At huwag sana itong gumuho

Sana di ito tulad ng ibang hagdanan
Na kahit anong apak nila ay ayos lang
Sana kaya nitong panindigan
Ang masaya nating samahan

Kahit magkaroon man ng konting sira
Ay kayang kayang ayusin pa
Hindi tulad ng iba
Tuloy tuloy hanggang sa gumuho na

Ang hagdanang ito
Ang patunay sa paghihirap mo
Pati sa sakit na nadanasan ko
Para maging matibay tayo