Untold Feelings

"Agwat"

------🌹

Pagkakaibigang nagsimula ng masaya
Tila naglaho ng parang bula
Nangako sa isa't isa
Na sikreto dapat ay wala

Pero bakit noong lumapit ako
Bigla na lang kayong lumayo
Siguro nga meron kang tinatago
Na ayaw mong sabihin sa kaibigan mo

Siguro tungkol na naman sa kanya
Na mahal na mahal mo talaga
Pero alam kong di ka naman sira
Para ito ay pagpatuloy pa

Pero bakit ayaw mo
Na makinig sa mga payo ko?
Dahil ba tutol ako sa inyo?
O talaga lang wala akong halaga sayo

Pagkakaibigan natin ay hanggang
dito na lang ba?
At ipagpapalit mo ako sa kanya
Pero sino nga naman ako para makialam pa
Kung simula pa lang ayaw mo na

Importante pa nga ba opinyon ko?
Kung simpleng payo kong ito
Na para lang din naman sayo
Ay di man lang mapansin ng katulad mo

Sana wala kang pagsisihan
Sa mga iyong napagdesisyunan
Para sa huli ay di ka pagtawanan
Dahil sa maling daan na iyong napasukan

Pero sana wag mong kalimutan
Na andito lang ako na iyong kaibigan
Na handa kang samahan
Sa iyong kasiyahan at kalungkutan

Handang pakinggan ka
Sa mga kwento mong nakakatawa
Sa drama na napaiyak ka
At kahit sa problema mo sa iyong pamilya

Andito lang ako naghihintay
Sa pagbabalik ng iyong sigla
Kahit alam kong wala na itong saysay
Dahil may kaibigan ka ng iba

Pero kahit anong layo mo
Sa tuwing lalapit ako sa inyo
Hindi ako mapapagod maghintay sayo
Kahit na ikaw ay magtago

Pero sana kahit sa huling pagkakataon
Sana ako ay pagbigyan mo
Kahit wala ako sa posisyon
Na makabawi sayo

Sa pagpapatawa mo sakin
Kahit na ako ay bugnutin
Sa pagsabay sa akin
Tuwing wala akong kasabay kumain

Tandaan mo sana na
Kahit di na tayo magkasama
Na kahit di na tayo masaya
Mahal na mahal pa din kita