Untold Feelings

Sayang

------------🌹

Ito na ba ang huling sandali
Hindi na ba magkikitang muli
Simula na ba ngayon ang pagkasawi
At ang paglakas ng aking hikbi

Pano na ang ating samahan
Ating masasayang kwentuhan
Walang tigil na kulitan
Atin na lang ba itong lalagpasan

Sayang naman ang saya
Sayang ang panahong tayo ay magkasama
Pano na tayong dalawa
Kung relasyon natin ay tatapusin na

Ating mga ala-ala
Mistulang wala ng silbi pa
Tila ikaw ay nakahanap na ng iba
Pano na ang salitang mahal kita

Salitang binibitaw mo sa akin
Sa iba na nga ba sasabihin
Iba na nga ba talaga ang papakiligin
At hahayaan na lang na ito ay aking damdamin

Nasaan na yung pangako mo
Pangakong di mo iiwan ang tulad ko
Dahil ako lang ang nagpapasaya sayo
Pero bakit bigla na lang may bago

Sabi mo tayo lang dalawa
Pero bakit may kaagaw na akong iba
Ako naman ang nauna
Pero bakit? Bakit pinili mo siya

Wala na nga ata talaga
Kaya ngayon ako ay lumuluha
Hindi ko pa yata kaya
Sayang ang pag-iibigan nating dalawa