..والله لو مراسيل لينا نحن ما مشكلة لكن المراة دي .......ما قدر يكمل لي امو باقي الكلام و سكت...... قال ليها حاضر حاضر........يحضر ليك الخير ان شاء الله يا ولدي ........معمر عمل ليهو مكالمة كدا مع بنت جديدة اتونس معاها ونسة دقاق لانو طول من المكالمات مع ابوهو و الشغل ........لبس ليهو عراقي فوق البرمودة حقتو و طلع مشى دق لي اماني الباب .........فتحت سريع ......خش خش ........ما بخش لو سمحتي جيبي الحاجات العايزاها و جيبي قروشك ........أماني من جوة جرتو لي جوة بس ما قدرت عليهو قالت ليهو الناس يقولو شنو تقيف لي برة كدا بتجيب لي الهوا ....معمر بعد تحانيس شافها شينة الوقفة برة و قال انا اساسا خايف من شنو والله دي الطشها كدا اجيب اجلها ........دخل جوة و لما شاف الابساهو قرب يقع من طولو ........جرت قدامو جوة جابت ليهو عصير و معمر عينو زاقت منو و بقت فالتة عن سيطرتو و جسمو بدا يرجف من التوتر ........العصير بلعو بلع سريع .........اماني لما لقتو مركز مع مفاتنها جرتو من يدو قالت ليهو خش خش جوة ........خشى جوة و هو ببلع في ريقو يا الله .......قعدت جنبو و بقت تعمل في حركات و هو خلاص غلبتو السيطرة بس فجأة الباب دق .........معمر وقف سريع كانوكان بعمل في حاجة مع انو ما قدر اتجرا لسة يعمل شئ ... ......اماني جرت لبست توبها الهزاز و جات فتحت الباب .......لقتو زوجها نططت عيونها و قالت ليهو .......ح ح حسنين اهلا وسهلا ماشاء الله بدري بدري .......معمر لما شاف راجلها جاي داخل وقف على حيلو طوالي ........والله بس المرة دي كنت ماشى كوستي و حصل حظر تجول فجينا راجعين ..........دا منو دا ......السلام عليكم ........و عليكم السلام حسنين مطير عيونو في معمر .......انت منو و قاعد هنا بتسوي شنو ........والله مرتك نادتي قالت عايزة حاجات من السوق ........حسنين اتلفت لي اماني ........اي صاح رسلتولي حاجة علوية عشان يجيب لي الحاجات ........ما دايرين حاجات ولا اي شئ و لو عندك حاجة بجيبها ليك انا دا سامعة و يا اخ لو سمحت اطلع برة و تاني ما اشوف خلقتك دي هنا .......حسنين براحة ديل جيراني و عايزين يخدموني .......معمر اتحرج شديد و مشى خلاهم بتكلمو ........ما عايزين منهم خدمة و بعدين ما فكرتي الدخلو لي هنا شنو الولد دا نيتو ما سليمة لو اساسا جاي لي مرسال كان وقف جنب الباب و استلم الحاجات من الباب ........ما فيها حاجة و بعدين هو قدر شنو .......لالا يا اماني ما تثقي في الشباب ديل خلي بالك من نفسك ........حاضر بس ما تخرب علاقتنا بيهم يا حسنين والله حاجة علوية دي مراة طيبة شديد نافعاني .......حاجة علوية ماشى بس اولادها لا ........خلاص خلاص انت بس ما تعكر نفسك ........
معمر زهج و خجل من نفسو جدا و حس بتأنيب ضمير مبالع فيهو. ........كنت ناوي تعمل شنو يا غبي .........معقول الحصل دا اسي الراجل يقول عنك شنو ........لا حول ولا قوة إلا بالله الحمد لله انو جا عشان ما ارتكب لي كارثة ........الحمدلله ربنا نجاني من ذنب زي دا ........بس لو كلم ابوي ولا زول يا الله ياخ اسغفر الله أعوذ بالله من غضب الله ........قام رجع البيت قافلة معاهو جدا سلم على امو لقى هدى جات و جهزو الغداء قعدو اتغدو ........اها جبت لي اماني حاجاتها ........ا اا ا اي .......الله يرضى عليك .......معمر نفض يدو و قام .......هدى برضو قامت تعمل الشاي. ......ابوهم جا المساء قال لي معمر عمك عثمان قال بشوف ليك معاهو فرقة ان شاء الله قريب ........خلاص إن شاء الله ........اتصل عمار اخوك قال يخطبو ليهو. .......ماشاء الله يخطبو ليهو منو قال ........فاطمة بت ابراهيم........فاطمة ياتا ابراهيم دا بناتو كلهن صغار يا حاج .......يا علوية فاطمة ما صغيرة عمرها 15 و بعدين البت مما تبلغ تاني صغرتها شنو .......خلاص اها نمشي ليهم متين ........الجمعة الجاية دي نمش ليهم كلنا ان شاء الله ........خلاص كويس معمر اضرب لي لي عمار دايراهو ضروووري ........كويس يا امي خلاص .......
يتبع....
