مالك يا ولد اتأخرت كدا ........والله يا ابوي جارتنا دي امي قالت إلا اترسل ليها ........اسي انت بتكون بطنك طامة من الشغل بس شوية شوية حتحبو خاصة بعد تضوق المرتب طبعا حاديك زيك زي عصام الشغال معاي دا .......كويس يا ابوي ما مشكلة المهم شغل .......معمر كان بطنو طامة فعلا لانو هنا ما بقدر يتونس بي راحتو مع البنات .......عصام ساقو وراهو الاسعار .......بقى قاعد جو زبائن بقى يعاين ليهم ببايعوهم كيف و فهم الموضوع سريع لانو ما صعب اساسا ........بعد شوية الرضي قال ليهم انا بمشي الصلاة و بعد اجي كل واحد فيكم يمشي .......مشى الرضي بي جاي جو بنات داخلات المحل و عصام بقى يشاغل فيهن ........وين يا عسل تعالو اتفضلو ........معمر بقى بس براقب فيهو .......جات بت وقفت جنب معمر .......هي انت اها ما عايز تبايعني ........معمر ارتبك شديد من حركات البت و طريقة كلامها و صوتها .......مشى معاها طلبك شنو .......عايزة اللون الدهبي دا حلو ولا رايك شنو .......اي حلو والله اتفضلي .......تسلم يا عسل انت من متين شغال هنا .......معمر بقى يعاين ليها بي استغراب معقول دي بت ؟ ........من الليلة انا شغال هنا .......تمام خلاص تاني حابقى ليكم زبونة و غمزت ليهو عيونها ........معمر بقى مرتبك حسب ليها العايزاهو و ختاهو ليها في كيس و شال منها القروش و مشت ........
هههههههه مالك مرتبك كدا شايفك تتخجل يا معمر ........لالا ياخ شوف بالله البنات ديل بعملو كيف .......يا عمك بعملو اكتر من كدا اصبر في السوق دا ياما تشوف العجايب .......معقول سبحان الله دا اخر الزمن زمان نشاغل البنات نحن اسي بقو هم البشاغلو........بعد شوية جاتهم مراة متزوجة شكلها كبيرة ّ.......مما دخلت المحل ريحة الصندلية ضربت ........معمر بقى يعاين لي عصام اتعامل معاها عادي بس معمر بقى بس بعاين ليها ........لابسة ليها توب و تحتو فستان قصير شديد و التوب مرفوع فوق شديد و ساقيها ظاهرات ........ما بتديني ليهو بي 70 ........والله مافي طريقة دا ا خر شئ .......طيب وين صاحب المحل . ......يا استاذة احسن ليك شيلي ساي .......عليك الله عليك الله اديني ليهو بي سبعين .....تستاهلي و الله بس مافي طريقة ....... معمر بقى ينفض في الاقمشة و متوتر من الحاصل ..........بعد شوية جا الرضي ........لو سمحت قال ما بديني ليهو بي 70 .......لالا ما بنفع يا استاذة دا اخر سعر ليهو ........المراة قامت تصلح في توبها و ترفع فيهو .......ببقى ليكم زبونة والله ........حاج الرضي بقى ساكت و معمر بقى ساكت خجلان من ابوهو .........عصام في الاخر اداهو ليها بي 75 ........شالتو و مشت تقدل ........
معمر بقى على الحال دا فترة و اتعود شوية شوية علي التعامل مع الزبونات لانو التعامل مع الرجال ساهل جدا .......بس مر بيهو موقف فظيع لما جات زبونة مع انها مراة كبيرة ممكن تكون خالتو لي معمر او قدر امو ........دخلت المحل لقت فيهو معمر عصام كان مشى الصلاة و ابوهم مشى السوق المجاور ........دخلت و بقت تختار في الاقمشة و بعد جا دور السعر و معمر واقف جنبها كدا هبشتو بي يدها ........معمر دا طار فوق و جا واقع.... من الخلعة اداها كف ....المراة بدات تصرخ و تقول معمر قليل ادب و شاغلها ........ناس السوق لمو في المحل و عصام جا جاري لحق الموقف يا مراة بالله قومي من هنا و تاني ما تجي ........ناس المحلات سبحان الله دا ولد الرضي الراجل الضو الليهو 20 سنة في السوق دا ما شفنا منو حاجة........دي ياخ قدر امك ما بتختشي .......معمر بقى بس واقف زي الخشبة ما قادر يتحرك من الحصل و عصام لم الموضوع و قال ليهم المراة دي والله تافهة ........عصام جا لي معمر يا عمك مالك عرقان كدا ما قلت ليك يا ما تشوف ........ياخ دي انت ما عارف عملت شنو ........عارفها و حافظها و قبل كدا جات هنا عملت معاي اي شي ........معمر بقى يعاين ليهو مسافة معقول يا عصام .......هددتني قالت لي بلم فيك السوق دا ........والله لو بقت شنو و شنوما بعمل حاجة تغضب ربنا للدرجة دي ياخ دي كبيرة من الكبائر ........ههههههه داير تقول لي ما حصل عملت كدا مع بنت قبل كدا .......
يتبع....
