..مصعب قعد يضحك قال ليهو براهو جابها مراهقة كل ما تشوف زول جديد بتقع في حبو و تعجب بيهو ........معقول لكن .......اكيد امشى أقرأ عن الفترة دي والله أصعب فترة كان لي بت ولا لي ولد و معظمهم بغلطو الغلطة دي .......معمر بعد ما كان بفكر في بنت صغيرة غير رايو.......لالا داير لي بنت تكون ناضجة ما واحدة زي دي ......دي انا بكتلها في محلها والله ما بقدر اتعايش معاها .......
ههههه يا زول سرحت وين.........لالا .......هه اها ناوي متين انت تلحقنا......والله لسة ما حددت المراة الحاتزوجها ........طيب اها مواصفات عروس احلامك شنو ........يا زول بعد الشفتو دا بس عايز صفة واحدة بس ........صفة شنو دي ......تكون بس بلا ماضي .......بنت تكون ناضجة و نضيفة ما عندها اي ماضي .........يا زول مالو البنات المحترمات راقدات بس ما معنى عندها ماضي معناها ما شريفة .......يا زول عندها ماضي و علاقات ما شريفة في نظري .......يعني اسي كان مخطوبة .......بالذات ناس مخطوبة و عاقدين عليها ديل واضحين بكونو دخلو عديل .........هههههههه يا زول ما للدرجة دي ياخ معقول .........والله لادرجة دي انسى انت ما عارف الرصة النسوان الزمن دا بقت حاجة فوق ما تتصور و تتخيل ياخ المتزوجات تتبرا منهن أعوذ بالله ........شكلك شفت كتير ........كتير ساي بس انا المراة الدايرها تكون شينة سمحة اي شئ بس ما عندها مااضي نقطة .......
.كملو ونستهم و ابوهم جا سلم عليهم و قال يعمل ليهم بكرة كرامة .......فعلا عملوها و هدى مشت معاهو ناس امو و سكنو معاهم ........يوم معمر مشى الشغل و قبل ما يدخل طقشتو رنا في الباب و اتخلعت شديد و رجعت قعدت في مكانها .......قال السلام عليكم .....ردت براحة و عليكم السلام ........دخل جوة بدأ يفكر .......ما حصل فكر في رنا دي قبل كدا ........رنا بنت ما على قدر كبير من الجمال ولا ملفتة اساسا عادية جدا و يمكن اقل شوية و ما مهتمة بي نفسها زي هيام .......يعني وشها كلو مشاكل و لبسها ما انيق خالص متخمخمة و عاملة فيها مولانا .......بس معمر قال انا لازم اجسها و اشوف حاصلها شنو .......
هيام جات دخلت المكتب لي معمر جوة و بدات تحكي ليهو حاجات بتخصها و ما بتعنيهو ابدا .......فجأة معمر قال ليها عن اذنك يا هيام .......اتفضل .......مشى قعد في الكرسي البرة القصاد رنا .......كفيك يا رنا اخبارك شنو .......الحمدلله بخير .......كيف مع الشغل .......الحمدلله .......معمر ما قدر يقول اي كلام لانها بس بترد عليهو ما بتزيد ولا بتنقص .......عايز اسالك انتي اهلك من وين ........رنا اتخلعت من السؤال .......ااااممممم ؟؟؟ .......قلت ليك اهلك من وين انتو من اي ولاية يعني .......من (.....) ......ايوااا ماشاء الله انعم و اكرم ........ساكنين وين ......في (........) ..... ايواا و ابوك شغال وين .......بقت ترد بي اخر نفس لانها اتضايقت من التحقيق و بقت عايزاهو يتخارج لانو حسسها كانو في شئ ما طبيعي لانو ما حصل اتونس معاها خالص ........فجأة هيام جات طالعة لقتو قاعد يتونس مع رنا اتخلعت ........دا شنو دا انا منتظراك جوة تقعد تتونس لي هنا .......مالك يا هيام الحاصل شنو .......و الليلة شنو اللمي الشروي مع القروي ......و الشمالي مع الجنوبي .......معمر اتخلع من ردة فعل هيام الانفعالية و رنا عايزة تبكي عديل بس طنشتها .......معمر كمل شغلو و هو متضايق من هيام و فكر انو شكلها ما حتخليهو يشوف حياتو .......
يتبع.....
