.جات. راجعة مبسوطة شالت الملابس شرتهم في السلك و ساعدت امها لحدي ما خلصت .......ختو الغداء بعد المغرب و قعدو ياكلو كلهم .......يا معمر والله اماني جارتنا دي قالت لي رسلي لي معمر عايزة ارسلو ........ياخ المراة دي مالها ياخ كرهتنا مراسيل. ......يا ولدي عاد ما عندها غيرنا تعمل شنو وولدها لسة صغير ما بقدر يترسل ........زمان كان عمار بترسل ليها اسي عمار سافر نعمل شنو يا معمر......خلاص يا امي حاضر حاضر........الباب دق قبل ما يخلصو اكل قامت هدي ماشة تفتح ........معمر قال ليها دقيقة يا بت بفتح انا يمكن يكون واحد من الشباب .......هدي قعدت في بنبرها و بقت تراقب من بعيد ........ابوهم جا داخل .......كيفكم .......الحمد لله والله كويسين تعال يا حاج اكل معانا قاعدين نتغدا .......حاج الرضي ابوهم زول صعب شديد اولادو الكبار كلهم بخافو منو حتى المتزوجين و كلمتو بتمشي عليهم كان غلط كان صاح و هو شغال في السوق تاجر اقمشة .....جا حاج الرضي قعد معاهم بس معمر مشى غسل يديهو و مشى بي غادي على غرفتو....... هدي امشي زيدي الملاح دا عليك الله .......حاضر يا امي .......مشت هدى زادت الملاح و جات قعدت واصلت اكلها ........الولد دا لسة ما لقى ليهو شغلة يقضاها .......والله يا الرضي كلمتو بي عمو و شغل النقاشة رفض .......داير يقعد لي متين كدا بلا شغلة ولا مشغلة انا عطلة الاولاد دي ما بتنفع معاي من بكرة ينزل معاي السوق و رجلو فوق رقبتو ........ان شاء الله يرضى ........كيف ما يرضي هو لاقي .......الصباح بدري معمر قشة عينو من النوم ابوهو قال ليهو تمشي معاي و هو رفض .........يا ولد عاجباك قعدتك ساي دي احسن ليك تجي تتعلم التجارة ........يا ابوي انا عندي شهادة انت شوف لي شغل بي شهادتي ما عايز شغل الدكان دا .........يا ولد عمار كان بقعد لي في الدكان زي العجب لحدي ما عمل ليهو عقد و سافر احسن ليك ابدا بيهو......معمر ما قدر يقول لي ابوهو كلام عشان خايف يجوط او يضربو .........حاضر يا ابوي حاضر انت امش انا بلحقك .........كدي ابقى راجل و ما تجي ........معمر مشى استحم و اتسوك و سمع صوت الباب قفل معناها ابوهو طلع .......ياداب اتنفس و مشى يشرب الشاي مع امو بعد شوية ........جارتهم اماني كوركت لي حاجة علوية بي فوق قالت ليها وينو ولدك ما رسلتيهو لي ........خلاص هدا وهو طالع بجيك اصبري شوية ........معمر امشي ليها عليك الله و بعدين امش لي ابوك ........خلاص خلاص كويس ........معمر طلع و هدى مشت جامعتها ........اماني سمعت الباب بدق جرت قالت ليهو منو........انا ولد حاجة علوية قالت لي عندك حاجات يجيبوها ليك. ........اماني انبسطت و فرحت و فتحت الباب .........اهلا وسهلا اتفضل اتفضل .......معمر اتصدم من المنظر الشافو قدامو ........المراة لابسة قميص بيت خفيف و من خلالو ظاهر اي شئ ........معمر نزل عينو و قال ليها اها يلا اديني اللستة .......جرتو من يدو ادخل ادخل مالك واقف كدا انت ضيف عاد .......معمر نتل يدها و حس الموضوع ما طبيعي اكيد فيهو حاجة ما تمام ألمراة دي ظاهر عليها عايزة تغريهو .........قلت ليك جيبي لسة الحاجات و معاها القروش لو سمحتي عشان انا حاتأخر على ابوي .........اماني دخلت جرت جابت ليهو لستة و جابت معاها القروش و قالت ليهو انت مالك دمك تقيل كدا ما زي عمار اخوك ........معمر طلع و اخلاقو ضاقت من المراة دي ........بقى يفكر طول الطريق معقول عمار اخوهو كان بعمل مع المرأة دي حاجة لالا ما ممكن ان بعض الظن اثم .......بقى راسو يودي و يجيب و هو بقول في راسو اساسا انا كبيري الونسة و الضحك لكن اعمل كدا لالا مستحيل ........مشى جاب الحاجات سريع و ختاها ليها جنب الباب المرة دي و مشى في حالو ........
يتبع....
