.هدى اتبسطت جدا لما اخوها طلب انها تختار ليهو لانو دا بدل علي ثقتو في اختيارها ........فعلا هدى عندها صاحبتها جميلة جدا و ظريفة و ملتزمة جدا و مسكينة و طيبة رشحتها ليهو و قالت ليهو هي اريتها تقبل بيك 😂😂😂....... معمر قال ليها مالها ما بتقل شاب طويل عريض وجيه و البنات كلهن مكسرات فيهو ليه ما تقبل بقت شنو ملكة جمال .........انت بعد تشوفها قررر .......خلاص بجيك في الجامعة المساء ما تطلعي و امسكيها لحدي ما اجي .........فعلا اليوم داك معمر جرى المكتب كلفت الشغل سريع و جرى لي هدى في الجامعة .......لقاها قاعدة مع صاحبتها .......جا سلم عليهم و قعد .......معمر مرة مرة بقى يعاين للبنت ........فعلا لقاها سمحة مقطعة السماحة بالجد ماشاء الله ما لقي فيها غلطة و بدأ يحلم بيها ام لي اولادو ........
هدى عملت فيها ماشة تجيب ضيافة لي اخوها عصير و كيك و حركات و خلتهم يتفاهمو .......البنت خجولة جدا و بت بس مدنقرة ووشها ما بتفسر .......طبعا هدى كلمتك ........اي .......اها رايك شنو ........رأي في شنو ....... فيني طبعا ........البت اسمها عبير دنقرت و ابتسمت .......لكن بدري على القرار دا .......هة فهم انها ما بتعرفو كويس و كدا ........بدا يعرفها بي نفسو و شغلو و كدا و في الاخر قال ليها انا جادي معاك ما عايز لف ولا دوران ........هدى جات بعد مسافة ادتهم العصير و قعدوا شوية و طلعو .......لما وصلو البيت معمر شال رقم عبير من هدى و بدأ يتواصل معاها .......لقى نفسو البت دي فررررصة ما بتتوفت ابدا .......
و بعد فترة قال ليها اها انا بعد كدا بكلم ناس البيت و نجي نخطب .......البت فرحت جدا بس قالت ليهو في موضوع عايزة اقولو ليك قبل كل شئ ........قال ليها قولي طيب خير ان شاء الله .........صراحة انا والله حصل لي حادث لما كنت صغيرة ........معمر بدأ يتوتر حادث كيف يعني ........انا اغتصبوني لما كنت صغيرة و انا ما بقدر اغش عليك صراحة لازم انت تعرف عشان تقرر .......معمر حس جسمو تقيييل .......سألها .... .و ناس البيت ..... عارفين عن الموضوع دا ؟ .......لالا والله ماف زول عارف انا ما كلمت زول .......كان عمرك كم يعني .......كان عمري 6 سنوات ........معمر ما صدق كلامها ولا حرف من القالتو.......خت في بالو على طول انها عملت علاقة غير شرعية و عايزة تلصقها فيهو .......طوالي معمر بدا يتجرجر منها وبدأ يتزاوغ من الكلام ........و هدى جات شاكلتو قالت ليهو عبير بتبكي كل يوم بي سببك حرام عليك والله البت كانت صادقة معاك .......انا كمان كنت صادق معاها بس الموضوع .......ايوااا فهمتك كونو اغتصبوها و كدا ؟ انا اساسا غلطانة اني اديتك فرصة تلعب بي مشاعر صحبتي .......يعني انتي كنتي عارفة الموضوع دا و عايزة تركبي اخوك الماسورة .......لالا والله ما كنت عارفة و حكت لي انها حكت ليك. و صدقني يا معمر زيها ما حتلقي و البت والله قمة الاحترام و صدقت معاك ........والله يا هدى كنت جادي جدا معاها بس الموضوع دا اثر فيني و انا في الاخر راجل من حقي اختار البعجبني .......يا زول خير كلو لي خير ......
.هدى مشت لي عبير.... قالت ليها انسيهو انا لو كنت عارفة انو بلعب صدقيني ما كنت خليتو يتواصل معاك من اصلو ........هدى انا عايزة اطلب منك طلب ممكن ......طوالي يا عبير من عيوني الاتنين .......انا عايزة اتاكد من نفسي .......هدى اتخلعت كيف يعني ما فهمت .......عايزة امشي لي دكتورة عشان أتأكد فعلا انا كدا ولا لا .......خلاص يا ستي انا ما عندي اي مانع بمشي معاك .......معليش يا هدى بس دا المشوار الوحيد الما حاقدر امشيهو مع زول غيرك لانك عرفتي سري .........لالا يا صحبتي عادي سرك في بير ......فعلا بعد يومين اتشجعت عبير و مشت مع هدى لي دكتورة نساء .......كلموها بالحاصل بكل صراحة و الدكتورة في الاول شكت انو ممكن تكون علاقة محرمة و البت عايزة تداريها .......الدكتورة فحصتها تمام و عملت ليها صور و قالت ليها فعلا صاح دي حاجة قديمة بس انا حاعمل ليك وحاجة تقدري ترفعي بيها راسك انك ما غلطي .......عبير فرحت شديد يعني ممكن اعمل حاجة زي دي ؟ ........هي بتتعمل في وقت الاغصاب بس حاعملها ليك عملا لوجه الله عشان مافي زول الزمن دا بصدق و انا مصدقاك .......هدى فرحت و عبير بقت تبكي ........الدكتورة قالت ليها تعالى لي يوم الاربع من الصباح خلي الجامعة و تعالي لي .......عبير شكرتها و طلعت مع هدى في اللحظة ديك شافتهم اخت مصعب طالعين منها .......اتخلعت منهم و مجرد ما وصلت البيت كلمت مصعب بالشافتو .......تفتكر بنت فتاة كدا البوديها لي طبيبة نساء شنو ......
يتبع...
