.رنا خافت من معمر .......مالك و مالو زول و راح لي حالو و كان زمان .......قلت ليك دا منو و عرفتي كيف و من وين ........رنا اتخلعت من صوت معمر البقي عصبي و بعلي في صوتو ......ولد عمي ......و علاقتكم وصلت لي وين ......قصدك شنو وصلت لي وين .......قصدي واضح ( هبشك مسك يدك حضنك باسك وصلتو لي وين .) ........رنا اتخلعت لالا مستحيل نعمل حاجة زي دي و هو كان جادي بس حصلت خلافات بين عمي و ابوي و ابوهو رفض انو نتزوج و في الاخر سافر و علاقتنا انقطعت .......معقول يا رنا يا خسارة و انا الكنت خاتيك قمة الاحترام طلعتي موية تحت تبن .......رنا اتخلعت ......انت بتشكك في اخلاقي يا معمر و لا بتشكك في شرفي بي سبب علاقة انتهت اساسا و علاقة اشرف من الشرف ......مافي علاقة الزمن دا اشرف من الشرف ........قصدك شنو يعني انا ما شريفة ......والله الله اعلم ........رنا بقت تبكي و جرت بدات تلم في حاجاتها .......معمر ما اشتغل بيها كتير .......فعلا شالت شنطتها و جات بي جنبو ولا كانو شايفها .......ممكن توديني البيت .......لا ما ممكن ......مشت من قدامو في نص الليل ......امو صحت بالحركة .......رنا بسم الله الرحمن الرحيم مالك يا بتي حايمة في نص الليل .......ماشة بيتنا يا خالتي ......علوية اتخلعت جات عليها لقتها بتبكي .......تعالي كدي تعالي بي جاي النتفاهم قبل ما الرضي يصحى .......مشت دخلتها الغرفة براحة و فتحت النور ......مالك يابتي كدي احكي لي الحصل معمر زعلك في شنو ........مافي حاجة يا خالتي .......كيفن مافي حاجة اعتبريني زي امك و احكي لي .......قلت ليك يا خالتي مافي حاجة .......كيف مافي حاجة و انتي بتبكي قدر دا شكلو موضوع كبير ولا ما بتقدري تعتبريني امك ......رنا اتخلعت لالا يا خالتو زي امي والله .......طيب احكي .......حكت ليها كل شئ بالتفاصيل المملة .......بالغتي يا رنا ما كان تقولي ليهو كدا .......يعني هو الصاح يقول لي انتي ما شريفة .......اي راجل بكون غيور جدا على زوجتو و بعدين الزمن دا العلاقات كلها بقى مشكوك فيها عشان كدا .......يعني اسي انا اعمل شنو و اثبت ليهو برأتي كيف .......اصبري عليهو يا رنا اتحملي شوية و كل شئ برجع .......رنا سمعت كلام حاجة علوية و رجعت بي غادي نامت في سريرها .......معمر بقى ما بتكلم معاها خالص و هي كمان مطنشة الموضوع .......و. كل يوم تدعي ربنا يرجعو ليها زي اول و ترجع حياتهم زي ما كانت اول .......
امو اتكلمت معاهو براحة قالت ليهو رنا حكت لي اي شئ......انت يا معمر عوير ولا شنو البنت مما اتزوجتها شفت منها حاجة .......ابدا والله ما حصل ........طيب مالك و مال حاجة انتهت زمان في الماضي انت ما ليك إلا بالحاضر اي حركة و هي عايشة معاك طلقها اضربها زول بسالك ماف بس بما انو البنت محترمة و شريفة مافي داعي للنكد دا...........كعب المراة البتفتش الرجال بعد العرس حتى لو ماضيها نضيف ما كان عندها علاقات .....نضافة ماضبها تسوي بيها شنو اذا بعد الزواج فكت و اتغيرت و أنطلقت ........معمر فعلا فكر بالمنطق و اتذكر فاطمة الاتزوجها عمار عشان يكون واثق من ماضيها مافيهو شئ بس بعد الزواج اتغيرت و بقت تقابض في الرجال .......هيام كمان و جارتهم اماني .......فعلا رنا مختلفة منهم تماما و قال انا مالي ومال ولد عمها الكان عايز يخطبها دا المهم حاليا هي شنو ......معمر رجع غرفتو و اول مرة يفتح خشمو معاها .......جيبي لينا غداء من بي غادي .....
يتبع....
