.رنا فرحت لما اتكلم معاها جرت بي سرعة جهزت الغداء و جات .......بدا يتونس معاها عادي ......و الايام كانت كفيلة ترجعهم بس كان مرة مرة بجيب ليها سيرة ولد عمها ......في الاخر يوم قالت ليهو ممكن تاني ما نجيب سيرة الماضي لا ولد عمي ولا سوسن بتاعتك دي .......اتفقو فعلا على كدا و الايام مرت سريعة و رنا بقت على وش ولادة مجرد ما دخلت في التاسع مشت بيت امها ........قعدت الشهر التاسع كلو .......خلال الشهر دا معمر غلبو الصبر و افكارو بقت تودي و تجيب فيهو ........ممكن يمشي لي رنا في بيتهم و لو لقى فرصة يقضي حاجتو و يرجع ......بس في الاخر خجل من نفسو و سكت .......لسة كانت راجياهو فترة الاربعين ......رنا مبسوطة في بيت امها تجهز في حالها للولادة .......و في يوم معمر جات في بالو اماني جارتهم ........و ما فكر ولا اتردد لي لحظة ...... مشى ليها الصباح بدري على اساس يكون فعلا زوجها مافي .......لقاها في حركاتها ما اتغيرت..........مما شافتو فرحت و رحبت بيهو و من نظراتو ليها فهمت هو ناوي علي شنو او عايز شنو بالضبط دا بفضل خبرتها الطويلة .........معمر بدا متوتر و عليهو شوية خوف بس رغباتو الكاسحة غلبتو......... المرة دي معمر جاتو الجرأة يتمادى معاها للاخر و ارتبكو الجريمة النكراء ........معمر بقى ضميرو يانبو بس كان ببرر موقفو بانو زوجتو طولت مع ناس امها و لسة ما ولدت و لما تلد في لسة اربعين يوم و هو حاليا فات الاربعين يوم .......
وصل المكتب اتصلو بيهو زوجتو ولدت بعد تمت 9 شهور و 10 ايام .......معقول يوم ارتكب الجريمة مرتو تلد سبحان الله .........فيها شنو لو انتظر شوية ........بس كمان برر لي نفسو انو لسة ما شوية الباقى كتير .....جرى اطمن عليها و على بنتو ( جابت بنت سموها حنين ) ......و عملو ليها سماية ما حصلت و علوية مشت ليها كم مرة بعد السماية .......و كمان معمر خلاص اتعود على اماني جارتهم و بقى كل يومين تلاتة معاها .....
.لحدي ما يوم .......الوووو رنا كيفك و حمدالله علي السلامة .......تسلمي يارب منو انتي ما عرفتك .....انا سميرة جارتك معليش ما قدرت اجي السماية لانو بلدكم بعيدة و انا ا لادي في يدي اعذرينا .......ما مشكلة كفاية اتصالك يا عسل كانك جيتي ........بس عايزة اقول ليك موضوع كدا عارفة انو ما وقتو بس عايزة احذرك ........أن شاء الله خير في شنو .......بتعرفي اماني جارتكم بالحيطة .......اي بعرفها طوالي مع خالتو علوية ......يلا المراة دي استغفر الله يعني مشكوك في اخلاقها و الحلة كلها عارفة انها بتدخل رجال بي وراء راجلها لكن طبعا هي في حالها مخيرة ما عندنا عليها دليل قاطع ما بنقدر نخوض في عرضها و لا نفضحها اي زول عارف و محتفظ بي الكلام لي نفسو بس ........ايوااا طيب انا علاقتي بالموضوع شنو ما فهمتك مالنا و مالها ربنا يهديها ........ما دا الانا اتصلت بيك عشانو .......رنا قلبها اكلها ......معمر ليهو فترة انا شفتو طالع من عندها .......رنا اتخلعت عليك الله انتي متاكدة .......انا بصراحة في الاول قلت يمكن عايز يقضي ليها غرض او حاجة و اول مرة ما حسبتها ليهو و قلت ربنا يستر عليهو ......بس راقبتها و اتكررت الحكاية صراحة انتي جارتي و بهمني امرك .......شكرا ليك والله جميلك دا ما بنساهو ليك يا سميرة بس عايزة اطلب منك طلب ........اها شنو انتي تامري ........انا عايزة أتأكد.......خلاص فعلا كلامك صاح لازم تتاكدي لانو انا برضو ما متاكدة و ما شفت شئ بعيوني بس عايزاك تتكلمي مع زوجك و تحذريهو ما يمشي ليها و يجيب لي نفسو شبهة .......انا عايزة اجي اشوف بعيوني معمر طالع منها ........ايوااا خلاص والله من حقك تجي تتاكدي .......بس انتي حددي لي يوم اقدر اكشفهم فيهو .......خلاص يا زولة بوريك بمواعيد مؤكدة .....
يتبع.....
