حياة ثانيه
البارت الاول/ غدير وسام
اسمي سجى عمري ٢٣ سنه اني اصغر وحدة بلبيت عائلتي تتكون من امي وابويه واخوان ٣ولد قيس وومحمد وليد احنا البنات واخلاص مزوجه وعدها اطفال اثنين قيس مزوج وعندة بنيه اموت عليها امي موظفه وابويه ايضا اني تخرجت من معهد ادارة واقتصاد وكعدت بلبيت شكلي ناعمه وحنطيه وعيوني سود وشعري اسود سرح بس بي كسرة لفه حلوة محجبه وملتزمه ماعندي صديقات طبعا ايامي مبيها اي شي مميز ابقى نايمه للضهر اكعد بكيفي اتريك وانظف البيت الي الكاه باقي لان زوجة قيس ويانا نسوي غدة تجي ماما وبابا اكعد وياهم وبعدها على الانترنت تصفح احب اقراء قصص واسمع اغاني العب ويا نرجس بنت قيس اخواني وابويه ميقبلون اطلع الى بلشافعات وامي تتوسل شهر قبل الموعد كوة كملت المعهد امنيتي اتعين بس وين هههه لو اموت ضجت كلش وكلت لماما نطلع ومنتظرين الموافقه (غدير وسام ) رجعت ماما من الدوام كالت بدلي نطلع اشتريلج ملابس وكم حاجه فرحت على السريع بدلت وطلعنا اشوف اشياء تعجبني بس ماكول ارريد اطول بلطلعه اختنكت من البيت اخير شي اختاريت ملابس طلعه وبيت وعطور ومكياجات لان بعد ماطلع لازم انهي كلشي رجعنا للبيت ضليت اقيس بلملابس وفر حانه بيهم اجتي سارة زوجة اخويه كالت حلوين بلعافيه اني اخذتله شال وكلابيه وجبت لبس لنرجوستي نطيتهيا كالت وين نلبس ياحضي ورا اخوانج طلعه كتلها اي شنسوي بلكي واحد منهم يخطب ونلبسهن سجى /نضيف و حدة للمعتقل هههه صاح قيس راحت خطيه ترجف منه طلعت كعدنا بلمطبخ نتعشى محمد كال بابا اريد اخطب بابا كله شكو بيها ابني امي كيفت ورادتله بنت خالي محمد لا امي اني عاجبتني بنيه ومتفق وياها على كلشي امي منو هاي وين عرفتها محمد عرفتها خوش بنيه وسئلت عليها روحي انتي وسجاوي شوفيها سجى يومه بيها سجاوي وطلعه الشغله تخوف الام اي غير افتهم بتمن شكد عمرها وين منين محمد/عمرها ١٦ ابوها ظابط بلشرطه وامها ربة بيت وبيتهم اني اوديكم باجر امي كلتله ١٦طفله هاي ولك شلك بيها محمد اني مقتنع بيها ومتفقين انتي شبيج متريدين سعادتي بقا النقاش محتدم اخير شي امي قبلت وثاني يوم راحت هي سارة شافوها اجتي امي متخبله كالت ولج امي الطفله تحطني اني وياج جوة ابطها ومبينه وكحه يومه منين جابهاعليه وامها تتعيقل نسئل عليكم وقيصر يسئل كتلها منو قيصر كالت رجلها اجه محمد كله ابوها يريد يتعرف علينه وراحو ورا يومين وبعدها وافق ابوها وانفقو على المشيه (غدير وسام ) صارت هي خطبه وعقد وتلبيسه محمد مستعجل رحنا لبيتهم جبير ومرتب هي شفتها صدوك ضخمه وبيضه لابسه فستان وردي وتسريحه ومخصله شعرها طويل وسرح حلوة حقه محمد امها جبيرة بس مداريه نفسها ولابسه لبس مو لعمرها شعليه بيها دخل محمد بعد ماعقد الشيخ ولبسها كملنا الحفله ورجعنا للبيت هلكانه تعب نمنا كعدتني ماما كومي سجاوي البيت هوسه من البارحه يله بنتي كعدت تريكت وجلف اني وماما وسارة تعبت حيل حتى متغديت رحت نمت بليل حسيت نحلانه نزلت يم اهلي ابويه كل لمحمد اعزم نسابتك على عشا باجر عيب ابوها خوش ولد ولزمنا {غديروسام من رحنالهم وهم نتعرف عليهم محمد مصدك طار اني تعبانه ماما شبيج سجاوي سجى ماما راسي وجسمي حروح انام بلكي ارتاح نمت بدون اكل والليل كوابيس وصخنت كعدت لكيتهم مخبوصين بلعزيمه وترتيب ساعدتهم بس ماكدر ومبينت لماما للعصر تعبت كلش كتلها ماما انام اني اخذت علاج ونمت للمغرب كعدت قافله جسمي يون من الصخونه نفسي تلعب نزلت ادور على ماما دخلت للغرفه لج ماما لحكيلي حموت ردت اوكع حسيت انسندت باوعت شفت عيون زرك تباوع بوجي وراها ماعرف شصار لكيت ماما تصحي بيه والكل على راسي العروس وامها واهلي واني ادور منو لزمني وين ابو عيون زركه بابا /سجاوي اخذج للمستشفى كتله لابابا صرت احسن كومتني ماما لمحت واحد كاعد على صفحه التفت اي هي هاي نفس العيون باوعلي ودنك بس يكتل موشاب منو هذا ياربي سارة بقت يمي كتلها ماما روحي للناس عيب نزلت ماما سجى اكلج سارة هذا منو ابو عيون الزرك كالت وين ادري هو اخوج خلاني اوصل جنت بلمطبخ وسمعت خاله تعيط و تصحي بيج جابتلي ماما عشا كالت راحو كتلها شكد عيب ماما من ورايه الام لابنتي هم من زمان رادو يترخصون ابوها عندةخفارة يا سارة شفتي ابوها ولج اصغر من امها عبالك ابنها كلتها منو بيهم الام شبيج قيصر ابو عيون الزرك سجى شنو😨 الام اي ولج يمكن اصغر منها مبين خطيه شكد مستحي لمن وكعتي يمه وجه كام ينطي الوان وانوب كال لمحمد ناخذها مستشفى سجى ماما صدوك هذا ابو نور كالت شمدريني اي ابوها غير دخل محمد ها شلون صرتي سجى /الحمد لله اعذرني فشلتك ويا نسابتك محمد /لا ولا يهمج رايح انام تردون شي يوم اذا صخنت كعديني ناخذها مستشفى الام /ان شاء الله ماكو شي روح بس محمد هذا قيصر ابو نور لو رجل امها كال لاابوها ليش الام /لا بس موجنه صغير وامها جبيرة محمد
/شعلينه احنا يوم تصبحون على خير بيومها ضليت كلما اغمض اشوف عيونه تعوذت من الشيطان ونمت ثاني كعدت مبيه شي ومرتاحه بقينا ايام نجهز لزواج محمد صبغ غرفته ورتبها وطلع اشترا غرفه هو ونور وجابها يمنا هي وامها كعدت يمهم شويه وراحن كمل غرفته نصب واني رتبتها سويتها تجنن تحدد زواجه وبيوم حنته سواها بحديقتنا بيتنا لان كلش جبيرة وهو موهوايه اصدقائه خلصت حنته وبزفته لبست فستان بيج مالت محجبات ومكييجتلي خالتي صفت على نفسي خاله هاي منو خالتي نزول عليج غير انتي طلعنا للزفه ومحمد من طلعنا صاح تعالي رتبي كعدتها شفته واكف برة هي سلمت علي حاجاها كلها لاتبجين باباتي لك هي ابوك موانته عزة هذا صدوك ابوها صوته جهوري بي وقار ويخبل رتبتها وانداريت اروح للسيارة شفت يباوع عليه كلت يمكن موعليه على بنته كمل زواج محمد وللسبعه اني هلكت خطار وناس تبارك بعد السبعه عزمونا اهلها كل احنا على عشا كتلها ماما ماروح اني استحي كالت كيفج نور سمعت جتي وحلفتني اروح وياهم استحيت لبست نفنوف رصاصي وبي ورد وردي وبليرة وردي وحجاب رصاصي مكيجت خفيف وردي طلعنا شفت بلبيت عدهم بنات كبار طلعو نسوان اخوانها ضليت صافننه معقوله دافن لهدرجه وممبين عمرة هو دخل لابس عسكري سلم وتعذر لان مموجود من اجينا ظل كاعد ويسولف اني مدنكه بس اسمعه خلو العشا ماكلت استحي كعدت يم ماما ام نور اكلي خاله سجاوي شنو تستحين ماما كلتلها تستحي كوة جبناها متقبل طلعت اغسل شفته طلع من غرفه مبين غاسل شعرة مبلل وينشف بي لابس تراك نيلي وبي ابيض باوعلي كال شلون صرتي اني تلفتتت منا ومنا واشرتله اني ضحك كال اي انتي كتله الحمد لله شكرا باوعلي العفو رجعت يم امي احسه يتبعني بنظراته اني هم جنت اراقبه بسكوت ماعرف ليش تشدني شخصيته طلعنا منهم ومرت ايام وفعلا مثل مكالت ماما نور وكحه ومحمد ميقبل احد يحجي وياها لاتشتغل ويانه ولاتكعد يمنا بس بغرفتها وبلتلفون تحجي امي انتبهت دخلتلها للغرفه وصار نقاش علت صوتها على امي متحملت دخلتلها كتله صوتج نصي منو الصغير يمج وتعيطين ردت عليه معليج انتي كتلها احترمي نفسج شنو معليه باوعت لماما كتلها عدها رجال وتحاجي هاي بدون اخلاق اشو هاي هجمت عليه منو بدون اخلاق اريد اخلص ماعرف هي ضخمه واني ناعمه دفعتها وكعت صار راسها على حافة الجربايه كامت تعيط لمت العالم وهسا اخابرابويه يذبج بلسجن يخيسج العانس اتصلت لااهلها واني ماعرف شسوي ابويه ومحمد ماكو اتصلت ميجاوبون امي تتوسل بيها كتلها لاتتوسلين هي الغلطانه اجو امها وابوها امها دخلت تعيط علينا هو بس خزرها سكتت سلم على امي وكعد كال خير ان شاء الله هي طلعت تعيط بابا التمن عليه موتني ضرب وشكو راسي كلها كافي داحجي ويا خالتج امي كالت شوف خاله ابو نور بلبيت ماتشتغل و٢٤ ساعه بغرفتها ويا امها بلتلفون دخلت احاجيها علت صوتها وسجى خذتها الحميه عليه كلتلها ليش تعلين صوتج غلطت عليها وهجمت ضربتها وبنتي ماشالت ايدها رغم هي اكبر بس دفعتها هي وكعت وانت كيفك المن تصدك هو كالها بعد كلامج ماكو كلام باوعلي كال أعتذر اني امسحيها بوجي اني لابسه حجاب بس مبينه مكفوشه وجي كله احمر وايديه يكول دب وثار عليه كلها لمي ملابسج ٠وامشي اني اعيد تربيتج وارجعج هي تتوسل ضلت بي وامها تكله شنو هما غلطانين تريد تركبها الغلط بس باوعلهم اثنيهن سكتن اطلعن هو اجه يمي اتاذيتي اني ها طلع اجو محمد وابويه محمد يعيط وصوجنا وراد يضربني وابويه مخلا ضل اسبوع مقاطعنا مياكل ولايشرب يمنا الى ان بيوم كال امشو ويايه اعتذرو ورجعوها امي مقهورة عليه كالت امشي ويايه نرجعها سجى/معقوله ماما ليش بشنو غلطنا احنا بعدين ابوها مو كال يادبها ويرجعها امي بدون كلام زايد بدلي نروح نجيبها كتلها ماروح لاتكبرون راسها علينا هاي سارة صارسنين يمكم مسوت هيج دخلي محمد جرني من شعري وضربني راشدي امي خلصتني اني ابجي تضربني لخاطر مرتك ياخويه وحزام ضهري محمد /هسا كدامي تطلعين لااخلصج سجى /صار بس من اليوم لاانت اخويه ولااعرفك واعرف هي وامها محركاتك عليه طلعنا لبيتهم استقبلتنا امها من ورا خشمها دخلتنا للاستقبال شويه واجى قيصر والله حرام بيهن دخل سلم على امي ومحمد كله جاين نرجع نور وسجى جتي تعتذر باوع لاامي كلها الله بلخير ام قيس امي جاوبته قيصر اني كتلج بنتي الغلطانه واربيها وارجعها وجنت ناوي باجر اجيبها الكم وتعتذر منج ومن سجى اني عرفت هنا مخابرات محمد حتى يرجعها قبل لاابوها يجيبها شلون حيالات صاح عليها كلها اعتذري من خالتج وحماتج اجت اعتذرت ومسويه نفسها مسكينه كال هاي لخاطرج تروح وياكم ايدها بايدكم تكعد كعدتكم وتنام نومتكم وتاكل اكلكم وقسما يانور اذا اشتكو منج متلومين غير نفسج نور نعم بابا كلها جمعي ملابسج ورجعي ويا زوجج لخاطر جية خالتج باوع الي كال انتي مسؤله عنها (غدير وسام )
أنت تقرأ
حياة ثانيه
Genç Kız Edebiyatıقصة فتاة تتزوج من رجل متزوج واكبرمنها سنا وتبداؤء احداث المؤامرات داخل البيت خصوصا الزوج يكون والد زوجت اخيها
