كان مكتوب في الرسالة (ابعدي من احمد لانو قاعد يلعب بيك وانو عندو حبيبات كتار )قلت ليهو انت منو اشان تقول لي كدا
قال لي وزول عايز مصلحتك وعايز انصحك .. قلت ليهو الاثبات شنووانا اصلا م ح اصدقك قال لي انتي حرة انا عملت العلي ..احتفظ بي نصايحك لي نفسك شكلك زول بتحب تخرب العلاقات 😏قال لي طيب راحتك 🙂 طبعآ انا هنا خفت معقول احمد يعمل فيني كدا لا لا ياااخ م بعمل دا يكون واحد غيران منو ساااي 😥بقيت بين اصدق وم اصدق ..الليل دا كلو اتقلب الساعة 2بليل قلت كدي اتاكد بنفسي اتصلت بي احمد رد لي قال لي خيير حبيبتي مالك انتي كويسة ..اي كويسة بس حلمتة بي كابوس وخفت عليك حبيت اطمن ..قال لي انا كويس اتحصني بعديها نومي ي روحي ..حااضر ..قفلت منو قلت هي انا ساي قلقت الزول دا كزاب ساي وعايز يفتن بينا ونمت نوم الفيل😌الصباح صحيت مشيت الجامعة جاني احمد بعد المحاضرات ومعاهو واحد من اصحابو كدا طويل واخدراني خدرة ناعمة كدا لبيس ووجيه نضيف انضف من سمعتي زاتو😂حلاتوو كدا سلم علي والريحة دي تلفحك من باب الجامعة😂سلم علينا انا ومني ومني قالت لي بعدين اتصلي بي ومشت احمد عزمني في الكافي داااك تتزكروهو 😁😉بس ياهو زواتو ومعانا الولد قال لي اعرفك صحبي مؤتمن قلت ليهو اتشرفنا قال لي زاد الشرف بي ابتسامة باردة كدا 🙂 انا واحمد نتونس وهو بس ساكت ويعاين لي انا لمن شكيت في روحي والله 😰😪 وصلوني الجامعة واحمد قال لي بعدين بتصل بيك قلت ليهو اوكي ☺ضربت لي البنات جوني قلت لي مني ونون سهي وينة قالو لي سهي زاتهاخالط مع خطيبها قالت بي يوصلها البيت مالك اتخرتي كدا 😒م حسيت بي االوكت معليشش😁 نون شغالة انا لي الله انا لي م بخلطوني 😭😭قلت ليها ابردي مني دي معاك 😂
مني قالت لي اصبري بنجيبو نحنا بنجيبو بتاع عرس طوالي م خالطة بتاعت ونسة 😒قلت ليها منو قال ليك بتاع ونسة بس عايز يظبط امورو وجاي 😌المحرووووق يرووووق😜😝ورجعنا البيت
مرة االايام ومحمد ورنا عملنا ليهم خطوبة 😍ورنا طلعت عسل م شاء الله محمد دا فرحان فرح كان بطير اكان طار😂واحمد طبعا جاء ومعاهو اصحابو وخطيب سهي وصحباتي وديييك ي القشرةاحمديعاين لي ويبتسم وانا داك ي الخجل🙈🙈اتصل بي قال لي طالعة قمر قلت ليهو يسلمووو🙈وانت زاتك طالع وجية 🙊 قال لي ان شاء الله عقبال م يجي دورنا😍❤ ..امييين ي رب 😍
ولبسو الدبل وبعد م انتهت الخطوبة ورجعنا البيت كنت تعبانة طبعا من الهجيج وجسمي دا مكسر غيرت فستاني ورقدت في السرير اتصل بي احمد قال لي وصلتي قلت ليهو ايوو اتونسنا (ونسة ناس كبار م في داعي تعرفو انتو لسة صغار😜🙊😂)وقال لي تصبح علي خير حببتي وانت من اهلو 😍دخلت الواتس بس فضول مني ساي والله لقيت رسالة من الرقم الغريب داك كاتب لي فيها (اسمعي احمد بعد م يقعد معاك قاعد يمشي يقعد مع كتير غيرك اسي بعد الخطوبة مشي مع واحد اشان كدا ابعدي منو) قلت ليهو اسمعني هنا المرة الفاتت قلت لي كدا وانا اتاكدت انك كزاب فالو عملت شنو وشنو م ح اصدقك واحسن تبعد مني وم ترسلي تاني لو سمحت 😐م رد لي م اشتغلت بي الموضوع كتير لانو انا خلاص ختيت ثقتي كلها في احمد ومستحيل اصدق انو بخوني مع واحدة تانية حتي تصرفاتو م بتدل علي كدا ...الصباح صحيت اتسوكت وصليت وقعدنا لشاي منار قالت لي حالتوووو قلت ليها ايووو😮عيون حااالتو ..غامبول بدت 😍قلت ليها الله يااااخ غامبول بس انا ماشة الجامعة م ح اقدر احضر معاك 😥لمن ارجع بعدين بحضر معاك الاعادة قالت لي عايزة سكولاتة حااااضر اجيب ليك السكولاتة😚وانا طالعة اشوف ليك ليك محمد نازل من السلم ويتكلم بي التلفون ويتبسم ..شنو ي ابو حميد رنو خلت القميــل يبتسم من وش الصبح😉امشي الجامعة ي بت خليني مبسوط كدا 😂الكلام دا اكان بقولو مؤيد لكن انت م اتوقعتها منك ي هتلر لكن رنا ابدعت عاد😂💃💃وجري فكيتها وصلنا الجامعة احمد قال لي االليلة م بقدر اجيك في الجامعة واعتزر لانو عندو شغل قلت ليهو عادي م مشكلة التلفون بينا☺ ....
يتبع.....
