Sweet, mabait, at laging nakangiti. Iyon ang mga katangiang gusto ni Faith sa isang lalaki. Pero nahulog ang loob niya sa bossy at hindi ngumingiting si Xavier Brillantes. Naging private nurse siya ng binata nang maaksidente ito sa isang car racing event. Nagkasama sila nang ilang linggo sa Batangas at doon na-develop ang damdamin niya rito. Nagkamabutihan sila at naging mabait na si Xavier sa kanya. Akala ni Faith, sa pag-uwi nila ay magkakaroon na ng something sa kanila. Pero akala lang pala niya iyon. Dahil bago pa man matapos ang dalawang linggo ay bigla na lang silang nagkagalit at pinagsalitaan siya ni Xavier ng masasakit na salita na kahit kailan ay hindi matatanggap ni Faith...
