هاتولى عريس

26

(((26)))

تمر ايام ويليها شهور وفيهم يتعلق حسن بفاتن اوى وهى كمان ومكنش بيمر يوم اللى لما يبعتلها عشان يشوفها قصاد عينه بس كان نفسه يصارحها بحبه لها لكنه كان خايف منها لتصده لانه عرف من جميله انها دايما بترفض العرسان اللى بيتقدمو ليها عشان اهل المرحوم جوزها هياخدو منها بسنت وهى كانت خايفه كده .... حتى مامته كمان اتعلقت ببوسى كتير وكانت دايما بتتردد عليهم فى البيت مع حسن لما بيكون موجود وكتير كان حسن بيخرجها ويفسحها فى اماكن كتير جدا ..... ومره كانو فى الملاهى كلهم هند وحسين وجميله وسهى حتى فاتن طلبو منها انها تيجى بعد محاولات كتير بس فى الاخر جت معاهم

بوسى : حسن عاوزه ادخل المغاره دى

حسن : ماشى يا بسبوسه يلا بينا عشان نقطع تذكره

فاتن : بوسى كفايه كده لعب انتى ما قاعدتيش من الصبح

بوسى : دى اخر لعبه يا مامى عشان خاطرى

فاتن : انا قلت ايه كفايه كده

هند : ما تسبيها يا فاتن تلعب دى لسه صغيره ما تخافيش عليها حسن معاها

فاتن : اصل

يقاطعها حسن : مفيش اصل ما تقلقيش هى معايا يلا بينا يا بسبوسه

وتروح معاه بوسى وبعدين تطلب منه يوطى عشان تقوله على سر كبير

يبتسم وينحنى لمستواها لكنها قام بحملها وهى وشوشته : عارف مامى كتير كتير بتسالنى عليك

حسن : عليا انا

بوسى : اممم عليك انت بتقولى انكل حسن ما كلمكيش انهارده وبتقولى كمان انك طيب اوى وكمان حنين

حسن : امال ليه هى خايفه منى كده

بوسى : اتؤ هى مش خايفه منك هى خايفه من تيته ناديه وعمو سالم لاحسن ياخدونى منها

حسن : انتى مين قلك يا شعنونه على الحاجات دى

بوسى : مامى على طول بتقول كده لخالو مصطفى وخالو عادل انها خايفه لاحسن تيته ناديه تاخدنى منها

حسن : اممممممممم تمام طيب ممكن بقى حسن يطلب طلب من بسنت

بوسى : اطلب

حسن : ممكن بسنت مش تسمع الكلام ده تانى وما تحاولش انها تقولو لحد ابدا

بوسى : بس انت مش حد انت صحبى وحبيبى

حسن : برده حتى لو كان مين برده اسرار مامى محدش يعرفها اتفقنا

بوسى : اتفقنا يا حسن موش هقول لحد تانى على اسرار مامى

حسن : ايوه كده احبك وما ازعلش منك ابدا

بوسى تطبع قبله حانيه على خده : وانا كمان بحبك اوى يا حسن ونفسى تبقى بابى