فتح عينيه لقا امه وابوه واقفين فوق راسه وملامح القلق باينة عليهم
الام : سلامتك يا حبيبي
الاب : هي دي الرجولة؟ مجرد ما سمعت كلامنا اغما عليك؟ اومال لو شوفت حد ماسكلك مسدس هتعمل ايه يا حيلتها؟
دونجهي اللي قاعد على احدى الكراسي بيأزأز لب : هيعمل بيبي اكيد !
الاب بصله باستحقار : اخرس انت
الام وهي بتساعد سونجيمن على انه يقوم : بالراحة عليه يا شاكر الولد فيه اللي مكفيه!
سونجمين وهو لونه مخطوف : ماما الكلام اللي سمعته ده بجد؟ سيبك من موضوع ان عليا تار - انتو بجد هتدخلوني مدرسة البنات؟
دونجهي بملامح ذهول : انت اللي ضايقك اوي انك تخش مدرسة البنات؟
سونجمين بثقة : طــبعا !
دونجهي ركع على ركبته ومسك في جلابية امه : ماما خليني انا اروح مدرسة البنات انا ممكن انتحل شخصية سونجمين ارجوووووكي !
رفصته برجلها بحنية الام : يا اخي اتلهي احنا ف ايه وانت ف ايه !
سونجمين بزعيق : انتو ازاي عايزين تعملو فيا كده؟ انتو مش عارفين البنات ايه بالنسبالي؟
الاب زعق بنفس الانفعال : وانت فاكرنا ف موقف يسمحلنا نفكر ف مشاعرك التافهة دي؟ احنا بننقذك م الموت
سونجمين بتلقائية : انت لو اب مسئول كنت اتصرفت من غير ماتخليني اهرب !
وهنا نزل كف على وش سونجمين , مش كف ابوه لأ امه !
الام : اخرس قليل الرباية ! ابوك احسن اب ف الدنيا ولو كان فيه حاجة ف ايده كان عملها - وعشان هو مسئول بدل ما يغامر بحياة العيلة كلها ويدخلنا ف دوامة محدش يعرف يخرجنا منها فكر وقرر احسن قرار - انت مش عايز تيجي على نفسك وتتعاون معانا يبئا انت اللي مش مسئول !
سونجمين حس ان جواه نار اللي حواليه بدل ما يطفوها بيدلئو عليها بنزين , مشي بعصبية لاوضته ورزع الباب وراه
قعد عالارض وسند ضهره للباب واسترجع اسباب كرهه وقرفه من البنات
من 3 سنين صحبه عرفه على حبيبته وكان قارفه بسيرتها وحبه ليها , وف يوم شافها سونجمين مع شاب تاني وكان الوضع مش محتاج تفسير , وتاني يوم اما قابل صحبه لقاه معاه حبيبته دي وكانت زي الحية متلونة على حسب الموقف اللي هي فيه لدرجة ان سونجمين كدب نفسه , واما البنت حست ان سونجمين عارف جت ف مرة وحاولت تكسبه ف صفها بطريقتها القذرة , ومن ساعتها بقا يقرف من كل البنات وشايفهم كلهم واحد , واللي أكد الفكرة دي عنده - البنات اللي كان اخوه بيعرفهم , كانت البنت منهم تبقا ماسكة في ايد اخوه وف نفس الوقت عينيها بتتأمله - ( يــع ) هو ده الوصف المناسب ليهم في رأي سونجمين
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
