سونجمين قام ومشي ورا المشرفة بس قبل ما يخرج من المكتب وقفه صوت ابوه اللي قال : مش تسلم علينا الاول يا ابن الكلب قـ قصدي يا بنت الكلب !
سونجمين لف عشان يبصله بعصبية لقا عين ابوه مدمعة , مشي ناحيته وهو عامل وش الجبس بس من جواه طفل عايز يعيط
ابوه حضنه وطبطب على ضهره وهو بيقول : فترة صعبة وهتعدي - إجمد !
الام دخلت ف الحضن وهي بتعيط وتقول : هتوحشني يا حبيبي
الخالة قامت عالمكتب وراحت تخش ف الحضن بس قبل ما توصلهم كان الحضن اتفركش وسونجمين بيلف لقا خالتو كانت فاردة دراعاتها
سونجمين بوش الجبس : في حاجة يا خالتو؟
الخالة اتكسفت لتاني مرة : احم - لا يا مينج مفيش - اتفضلي انتي
وراحت مينج قـ قصدي راح سونجمين مع المشرفة اللي هتدله على اوضته قـ قصدي اوضتها - ام الاوضة اللي هيقعد فيها
فتحت الباب ودخلت قدامه , ولعت النور , الاوضة شرحة وبرحة ولون الحيطان الروز الفاتح اشرق في وش سونجمين خلاه حط ايديه على عينه من الاشراقة
المشرفة : دي هتكون اوضتك هسيبك تغيري هدومك وتاخدي راحتك ولو احتاجتي اي حاجة انا قاعدة ف المكتب اللي ف اخر الطرقة
لفت عشان تمشي وبعدين رجعت تاني : اه صحيح ليلي (Lili) بتخلص محاضراتها الساعة 5 متقعديش براحتك اوي يعني (غمزتله)
سونجمين مسك دراعها قبل ما تمشي : لـ لحظة (بصوت خشن)
المشرفة بصت حواليها بارتباك وبعدين قربت على ودنه : شوف حل لصوتك يابني!
سونجمين مش همه الرغي ده بعد الجملة اللي سمعها من شوية : سيبك من صوتي دلوقتي انتي قولتي ليلي ؟ مين ليلي وانا دخلي ايه بيها؟
المشرفة ضحكت : انت مش عارف انك هتتشارك الاوضة مع بنت؟
سونجمين وشه اصفر : لا مش عارف طبعا !
وفي اللحظة دي عدت رئيسة المشرفين راحت المشرفة زقة سونجمين لجوة الاوضة وقفلت الباب
سونجمين كان عقله هيطير منه فتح الباب تاني لقا المشرفة اتبخرت - وكأنها لم تكن :D
قفل الباب وطلع موبايله يتصل بخالته
ردت عليه : ايوة يا مينج وصلتي اوضتك؟
سونجمين بصوته الخشن : انا هتشارك الاوضة مع بنت !؟
خالته : انا مش قولتلك تشوف حل لصوتك؟ او تخرس !
سونجمين بعصبية : خالتو مش وقته !
خالته : لأ وقته ! انت متعرفش اني حطيت وظيفتي ف خطر عشانك؟ ده اقل حاجة تقدمهالي في مقابل اللي بعمله
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
