خرجت ليلي مع سونجمين اللي كان بيقدم رجل ويأخر رجل , الدنيا كانت ماشية كويس لحد ما ليلي دخلت قاعة المحاضرات ووراها مينج (سونجمين)
شلة بنات عاملة زي عصابة واخدين ركن مع نفسهم ضحكو وهم بيبصو ناحية ليلي ومينج
ليلي تجاهلتهم مهي مش اول مرة
واحدة منهم : ايه يا ليلي مش تعرفينا؟
ليلي ببرود : مش لازم
نفس الواحدة بصت لسونجمين : سمعنا انك قعدتي معاها اكتر من اسبوع ! تعرفي ان ده رقم قياسي ؟ مفيش بنت قدرت تستحمل ليلي يومين
سونجمين بملل قربت على ودن ليلي : هي دي الجامعة المحترمة؟
ليلي زغدته : اقعد ساكت
دخلت الدكتورة واكدت على الالتزام بالحضور عشان هتنزل قوانين تمنع الطلبة المتغيبات من القعاد ف المسكن وكأن القوانين دي متفصلة مخصوص على مقاس سونجمين
خلصت المحاضرة وليلي صحت سونجمين اللي كان نام تقريبا , خرجو والبنات ماشية وراهم مش لاقيين حد يتسلو عليه غيرهم
في تلك الاثناء كان فيه حد بيتنطط على السلم الخارجي لمبنى الجامعة ولمح الموقف
وقف ف مكانه وابتدا يتكلم مع ضميره شوية
دونجهي : ياااه اخويا مش بس بئا بنت لأ ده كمان بئا بنت مضطهدة
ضمير دونجهي : يعني ايه مضطهدة
دونجهي : معرفش بس تقريبا يعني بت بتتسك على قفاها كتير
ضمير دونجهي : ااااه فهمت
دونجهي : طب هعمل ايه؟
ضمير دونجهي : كفتة وبانيه
دونجهي : يا اخي انا بتكلم جد !
ضمير دونجهي : نيجي يوم الحد !
دونجهي بعصبية : هولع ف امك !
ضمير دونجهي : انا مالي ماهي امك
دونجهي اتضايق وقعد عالسلم واليأس راكبه
بص على كتفه وقال : انزل هو انا ناقصك انت كمان؟
اليأس نزل من عليه وراح يركب حد تاني
ضمير دونجهي اتنهد بخنقة : خلاص قول بتفكر ف ايه وانا معاك
دونجهي : اساعد اخويا بكل ما املك !
ضمير دونجهي : وانت تملك ايه يا معفن دنت واخد من ريووك عشرين جنيه اتاوة
دونجهي : مش قصدي فلوس - صحصح معايا ! ايه اللي معايا ومش مع حد غيري
ضمير دونجهي : خيبتك؟
دونجهي بعصبية : قوم ياض يابن الجزمة من هنا !
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
